Shakeela: ఆ రోజు రాత్రి ఇప్పటికీ మర్చిపోలేను.. వేణుమాధవ్ రూమ్‌లో నిద్రపోతే ఇలా అడిగాడు

దక్షిణాది చిత్ర పరిశ్రమలో తన బోల్డ్ పాత్రలతో ప్రత్యేక గుర్తింపు తెచ్చుకున్న నటి షకీలా, గతంలో దివంగత హాస్యనటుడు వేణు మాధవ్‌తో కూడిన ఒక ఫన్నీ ఇన్సిడెంట్‌ను పంచుకున్నారు. ఒక సినిమా షూటింగ్ షెడ్యూల్ సందర్భంగా జరిగిన ఈ ఘటన, వేణు మాధవ్ కామిక్ సెన్స్‌ను మరోసారి గుర్తుచేసింది. షకీలా ఆ సంఘటన గురించి చెబుతూ.. ఆ చిత్రంలో ఆమెతో పాటు వేణు మాధవ్, బ్రహ్మానందం, రఘుబాబు లాంటి ప్రముఖ నటులు కూడా ఉన్నారు. చిత్ర బృందంలోని అందరికీ హోటల్ రూమ్స్ కేటాయించారు. ఒక రోజు, షకీలా గదిలోనే అందరూ కలిసి భోజనం చేయడంతో, ఆమె రూమ్ బాగా అపరిశుభ్రంగా మారిపోయింది. నిద్రపోవడానికి అసలు వీలు లేకుండా పోయింది.

ఈ పరిస్థితిలో, షకీలా వేణు మాధవ్‌ని తన రూమ్‌లో పడుకోవచ్చా అని అడిగారు. దానికి వేణు మాధవ్ “అలాగే రా పడుకో” అని సమాధానమిచ్చారు. షకీలా వెళ్లి బెడ్‌కి ఒక వైపు పడుకున్నారు. రూమ్‌లో టీవీ లైట్ తప్ప మిగతా అంతా చీకటిగా ఉండటంతో, మసక మసకగా కనిపిస్తుంది. ఆ టైంలో, వేణు మాధవ్ ఆమెతో “ఒక మాట అడుగుతాను, నువ్వు కాదనకూడదు” అని అన్నాడు. ఈ మాట వినగానే షకీలాకు తీవ్రమైన అనుమానం కలిగింది. “ఏమైనా చెడుగా ప్రవర్తిస్తాడా, బ్యాడ్‌గా బిహేవ్ చేస్తాడా” అని ఆమె ఆలోచించారు. వేణు మాధవ్‌ను తాను మంచి స్నేహితుడిగా భావించానని, ఇప్పుడు ఇలా ఎందుకు ప్రవర్తిస్తున్నాడో అర్థం కాలేదని ఆమె పేర్కొన్నారు. ఒకవేళ అతను చెడుగా ఏమైనా అడిగితే, తమ స్నేహం అక్కడితో ముగిసిపోతుందని ఆమె మనసులో అనుకున్నారు. “సరే అడిగి చావు” అని షకీలా బదులిచ్చారు.

అనంతరం, వేణు మాధవ్ మళ్లీ మాట్లాడుతూ, “ఒప్పుకోను అని మాత్రం చెప్పకూడదు” అంటూ తన హస్కీ వాయిస్‌తో చెప్పాడు. దీంతో షకీలా అనుమానం మరింత ఎక్కువైంది. “అసలు ఏంట్రా నీ బాధ?” అని ఆమె నేరుగా ప్రశ్నించారు. వేణు మాధవ్ అప్పుడు సమాధానమిస్తూ, “నాకు పెళ్ళై పిల్లలు ఉన్నారు. వాళ్ళు బాగుండాలి అంటే నేను బతికి ఉండాలి” అని అన్నాడు. “సరే అయితే ఏంటి ఇప్పుడు?” అని షకీలా తిరిగి అడిగారు. అప్పుడు వేణు మాధవ్ ఇద్దరి మధ్యలో దిండ్లు పెడుతూ, “నిద్రలో నువ్వు నాపై పొరపాటున కాలు వేస్తే నేను చస్తాను. అందుకే ఈ దిండ్లు పెడుతున్నా. వీటిపై నీ కాలు వేసుకో” అని చెప్పాడు. ఈ unexpected సమాధానం వినగానే షకీలా ఒక్కసారిగా నవ్వు ఆపుకోలేకపోయారు. ఆ రాత్రంతా ఆమెకు నవ్వు ఆగలేదని, తెల్లవారుజామున ఈ సంఘటన గురించి బ్రహ్మానందం, రఘుబాబులకు చెప్పగా, వారందరూ రోజంతా నవ్వుతూనే ఉన్నారని షకీలా పంచుకున్నారు. ఈ సంఘటన వేణు మాధవ్ కామిక్ సెన్స్, అమాయకత్వాన్ని మరోసారి గుర్తు చేస్తుంది.

ఇది చదవండి: కూలీ పనులకు వెళ్లే రైతులకు దూరంలో మసకగా కనిపించింది.. దగ్గరకెళ్లి పరిశీలించగా