లావణ్య రిజెక్ట్ చేసిన కథతో రష్మిక మందన్నా సినిమా.. కట్ చేస్తే.. ఊహించని రిజల్ట్.. ఏ మూవీనో తెలుసా?

ఇండస్ట్రీలో సినిమాలు చేతులు మారడమనేది సహజం. ఒక హీరో లేదా హీరోయిన్ చేయాల్సిన సినిమా వేరే హీరో/ హీరోయిన్ దగ్గరకు వెళ్లడం ఇక్కడ తరచూ జరుగుతుంటుది. అలా లావణ్య త్రిపాఠి రిజెక్ట్ చేసిన ఒక సినిమా నేషనల్ క్రష్ రష్మిక మందన్నా దగ్గరకు వెళ్లింది.. కట్ చేస్తే..

Lavanya Tripathi, Rashmika Mandanna

Basha Shek |
Updated on: Mar 12, 2026 | 8:24 PM

మెగా ప్రిన్స్ వరుణ్ తేజ్ ను ప్రేమించి పెళ్లి చేసుకుంది లావణ్య త్రిపాఠి. వీరికి పండంటి బాబు జన్మించాడు. ప్రస్తుతం తన పిల్లాడి పెంపకంలో బిజీ బిజీగా ఉంటోన్న ఈ మెగా కోడలు గతంలోలా పెద్దగా సినిమాలు చేయడం లేదు. అడపా దడపా మాత్రమే మూవీస్ చేస్తోంది. ఈ క్రమంలో పెళ్లి తర్వాత లావణ్య త్రిపాఠి నటించిన మొదటి సినిమా సతీలీలావతి ఇప్పుడు రిలీజ్ కు రెడీగా ఉంది. ఎప్పుడో షూటింగ్ పూర్తి చేసుకున్న ఈ మూవీ మార్చి 06నే విడుదల కావాల్సి ఉంది. అయితే వివిధ కారణాలతో వాయిదా పడింది. త్వరలోనే ఈ మూవీ ప్రేక్షకుల ముందుకు రానుంది. ప్రస్తుతం ఈ సినిమా ప్రమోషన్లలో లావణ్య కూడా చురుగ్గా పాల్గొంటోంది. ఛానెల్స్ కు వరుసగా ఇంటర్వ్యూలు ఇస్తోంది. ఈ నేపథ్యంలో తన పర్సనల్ అండ్ ప్రొఫెషనల్ లైఫ్ గురించి పలు ఆసక్తికర విషయాలు పంచుకుంటోంది. ఒక ఇంటర్వ్యూ సందర్భంగా యాంకర్ నుంచి లావణ్యకు ఒక ఆసక్తికర ప్రశ్న ఎదురైంది.’ ఏదైనా సినిమాలను రిజెక్ట్ చేసి రిగ్రేట్ గా ఫీల్ అయ్యారా? అనే ప్రశ్నకు లావణ్య ఇలా ఆన్సర్ ఇచ్చింది.

‘ఇప్పటివరకు నేను సినిమాలను పెద్దగా రిజెక్ట్ చేయలేదని అలాగే సినిమాల విషయంలో ఎలాంటి రీ గ్రేట్ కూడా లేదు. కెరీర్ ప్రారంభంలో ఒక సినిమాకు ముందు నో చెప్పాను కానీ తర్వాత ఎస్ చెప్పినప్పటికీ ఆ సినిమా ఛాన్స్ కోల్పోయాను. ఆ సినిమాలో రష్మిక నటించి సూపర్ సక్సెస్ అందుకుంది. నేను ఈ సినిమా కథ వినకముందు నో అని చెప్పాను. కానీ కథ విన్న తర్వాత సినిమాను నటించేందుకు ఓకే చెప్పాను. ఈ సినిమా విషయంలో ఏదేదో జరిగి చివరికి రష్మిక వద్దకు వెళ్లింది. ఈ సినిమా సూపర్ సక్సెస్ అయ్యింది. ఇప్పుడు వారిద్దరూ పెళ్లి చేసుకుని ఒకటయ్యారు’ అంటూ విజయ్ దేవరకొండ- రష్మికలకు అభినందనలు తెలిపింది లావణ్య.

ఇవి కూడా చదవండి

ఈపాటికే చాలా మందికి అర్థమై ఉంటుంది.. లావణ్య త్రిపాఠి వద్దనుకున్న సినిమా ఏదో.. యస్. ఆ మూవీ మరేదో కాదు గీత గోవిందం. ప్రస్తుతం లావణ్య కామెంట్స్ నెట్టింట వైరల్ గా మారాయి. దీనిని చూసిన నెటిజన్లు క్రేజీ కామెంట్స్ చేస్తున్నారు.