బాత్రూంలో ఈ వస్తువులు వాడుతున్నప్పుడు జాగ్రత్త.. మీ ఆరోగ్యాన్ని ఇవి ఖరాబ్ చేస్తాయి

టూత్ బ్రష్‌ను ఎక్కువ రోజులపాటు వాడటం ఆరోగ్యానికి హానికరం. సాధారణంగా టూత్ బ్రష్‌ను మూడు నెలల తర్వాత మార్చాలి. ఎందుకంటే ఆ సమయంలో బ్రష్ తాడులు నలిగి, దాని శుభ్రపరిచే సామర్థ్యం తగ్గుతుంది. పాత బ్రష్‌పై బాక్టీరియా పేరుకుపోయే అవకాశం ఉంటుంది. ఇవి నోటిలోకి వెళ్లి ఇన్ఫెక్షన్లు, దంత సంబంధిత సమస్యలకు దారి తీస్తాయి. మనలో చాలా మంది నాలుగు లేదా ఐదు నెలల పాటు ఒకే టూత్ బ్రష్‌ను వాడుతుంటారు. ఇది దంత ఆరోగ్యాన్ని దెబ్బతీసే అవకాశాన్ని పెంచుతుంది. అందుకే ప్రతి మూడు నెలలకు ఒకసారి కొత్త బ్రష్‌ ను వాడటం మంచిది.

చర్మంపై ఉపయోగించే వస్తువుల్లో రేజర్ బ్లేడ్‌ కూడా ప్రధానమైనది. అదే బ్లేడ్‌ను పదే పదే వాడటం వల్ల చర్మంపై గాయాలు, దురద, ఎరుపు వంటి సమస్యలు తలెత్తే అవకాశం ఉంటుంది. బ్లేడ్ కోణం తరిగిపోతే, గీయడం కష్టమవుతుంది. అప్పుడు చర్మంపై ఒత్తిడి పెరిగి, ఇన్ఫెక్షన్లకు దారి తీస్తుంది. అందుకే ఒక్కో బ్లేడ్‌ను ఐదు నుంచి ఏడు సార్లు వాడిన తర్వాత మార్చాలి. ముఖ్యంగా మృదువైన చర్మం ఉన్నవారు మరింత జాగ్రత్తగా ఉండాలి. గీతలు పడకుండా, ఇన్‌ ఫెక్షన్లు రాకుండా చూసుకోవడం కోసం బ్లేడ్‌ పదునుగా ఉండేంత వరకే వాడాలి.

మౌత్ వాష్‌ వల్ల నోటి శుభ్రత మెరుగవుతుందని భావించి చాలా మంది ప్రతిరోజూ దీనిని వాడుతుంటారు. అయితే దీన్ని అధికంగా వాడటం వల్ల నోటిలో ఉన్న మంచి బ్యాక్టీరియా కూడా నశించిపోతుంది. శరీరానికి అవసరమైన ఈ బ్యాక్టీరియా లేకపోతే జీర్ణక్రియలో అంతరాయం కలుగుతుంది. మైక్రోబయోమ్ సమతుల్యత మారిపోతుంది. ఇది జీర్ణ సమస్యలు, ఇతర ఆరోగ్య సమస్యలకు కారణమవుతుంది. అందువల్ల మౌత్ వాష్‌ను రోజూ కాకుండా అవసరమైనప్పుడు మాత్రమే వాడాలి. ఏదైనా వినియోగించే ముందు ఒక నిపుణుడి సూచన తీసుకోవడం మంచిది.

నోటి పరిశుభ్రత దంత ఆరోగ్యంతో పాటు మొత్తం శరీర ఆరోగ్యానికి కీలకం. నోటిలో పేరుకుపోయే హానికరమైన బ్యాక్టీరియా క్రమంగా రక్తప్రవాహంలోకి ప్రవేశించి, ఇతర అవయవాలను ప్రభావితం చేసే అవకాశం ఉంటుంది. ముఖ్యంగా గుండె ఆరోగ్యాన్ని ఇది ప్రభావితం చేస్తుంది. ప్రతి రోజు రెండు సార్లు బ్రష్ చేయడం వల్ల గుండె సంబంధిత సమస్యల ముప్పు తగ్గుతుందని పరిశోధనలు సూచిస్తున్నాయి. చిన్న అలవాట్లే శరీరాన్ని రక్షించే గుణం కలిగి ఉంటాయి.

ఇంట్లోని బాత్రూమ్‌లో ఉండే కొన్ని సాధారణ వస్తువుల విషయంలో కొంత జాగ్రత్త వహించడం ద్వారా అనేక ఆరోగ్య సమస్యల నుంచి తప్పించుకోవచ్చు. పాత టూత్ బ్రష్‌ను మార్చడం, రేజర్ బ్లేడ్‌ను పరిమితంగా వాడటం, మౌత్ వాష్‌ను ఓ నియమంతో వాడటం వల్ల ఆరోగ్యం కాపాడుకోవచ్చు. ఈ చిన్న మార్పులే జీవితాన్ని ఆరోగ్యంగా మార్చగలవు.