Health Care: రోజూ పెరుగుతో కలిపి దీనిని తింటే అద్భుతమైన ప్రయోజనాలు.. తెలిస్తే అస్సలు వదలరు అంతే..

పెరుగు, రోటీని కలిపి తీసుకుంటే ఆరోగ్యానికి ఎంతో మేలు జరుగుతుందని ఆహార నిపుణులు పేర్కొంటున్నారు. ఈ ఆహారంలో ఎన్నో పోషకాలు దాగున్నాయి.

Curd

Shaik Madar Saheb |
Updated on: Aug 24, 2022 | 8:29 AM

Benefits Of Eating Curd And Roti: పెరుగు మన ఆరోగ్యానికి అనేక విధాలుగా మేలు చేస్తుంది. పెరుగు ప్రోబయోటిక్‌కు మంచి మూలం. ఇది ప్రేగులలో మంచి బ్యాక్టీరియాను ప్రోత్సహించి ఆరోగ్యంగా ఉండేలా పనిచేస్తుంది. అదే సమయంలో ప్రోటీన్, కాల్షియం, మెగ్నీషియం, పొటాషియం వంటి పోషకాలు పెరుగులో ఉంటాయి. దీనివల్ల పెరుగు తీసుకోవడం ఆరోగ్యానికి ఎంతో మేలు చేస్తుంది. అయితే మీరు పెరుగు, రోటీని కలిపి తీసుకుంటే ఆరోగ్యానికి ఎంతో మేలు జరుగుతుందని ఆహార నిపుణులు పేర్కొంటున్నారు. ఈ ఆహారంలో ఎన్నో పోషకాలు దాగున్నాయి. పెరుగు, రోటీ తినడం వల్ల కలిగే లాభాలు ఏమిటో ఇప్పుడు తెలుసుకుందాం..

పెరుగు, రోటీ తినడం వల్ల కలిగే ప్రయోజనాలు

జీర్ణ శక్తి మెరుగుపడుతుంది: రోటీతో పెరుగు తింటే ఆహారం సులభంగా జీర్ణమవుతుంది. జీర్ణ శక్తి కూడా బలంగా మారుతుంది. ఉదర సంబంధిత సమస్యలు దూరమవుతాయి. పెరుగు ఉత్తమ ప్రోబయోటిక్స్‌కి మంచి మూలం. దీంతోపాటు రోటీలో ఫైబర్ పుష్కలంగా ఉంటుంది. అందుకే ఈ ఆహారం తినడం వల్ల పేగులో మంచి బ్యాక్టీరియా పెరుగుతుంది. దీనితో పాటు మలబద్ధకం, అజీర్ణం, గ్యాస్, మంటలో ఉబ్బరం వంటి సమస్యలు ఉండవు.

ఇవి కూడా చదవండి

రోగనిరోధక శక్తి: పోషకాలు సమృద్ధిగా ఉండటం వల్ల పెరుగు, రోటి శరీర రోగనిరోధక శక్తిని పెంచడానికి పనిచేస్తుంది. ప్రతిరోజూ పెరుగు రోటీని తీసుకుంటే జలుబు, దగ్గు వంటి వైరల్‌లతో పోరాడటానికి ఇది మీకు సహాయపడుతుంది.

మానసిక ఆరోగ్యాన్ని మెరుగుపరుస్తుంది: పెరుగులో యాంటీ ఆక్సిడెంట్లు పుష్కలంగా ఉంటాయి. మరోవైపు, రోటీతో పాటు పెరుగు తీసుకోవడం వల్ల ఇవి ఒత్తిడి, ఆందోళనను తగ్గించడంలో సహాయపడుతాయి. ఈ మిశ్రమం ప్రశాంతంగా, సంతోషంగా ఉండేలా చేస్తుంది.

ఎముకలు బలపడతాయి: పెరుగులో ప్రోటీన్, క్యాల్షియం పుష్కలంగా ఉండటం వల్ల ఎముకలు దృఢంగా తయారవుతాయి. మరోవైపు, రోజూ పెరుగు, రోటీని తీసుకుంటే ఎముక పగుళ్లు, కీళ్ల నొప్పుల ప్రమాదం కూడా తగ్గుతుంది.

మరిన్ని హెల్త్ టిప్స్ కోసం క్లిక్ చేయండి..