Reheating Cooking Oil: క్యాన్సర్ అలర్ట్.. ఒకసారి వేడిచేసిన వంట నూనెను మళ్లీ మళ్లీ వాడటం ప్రాణాంతకం!
ఒకసారి వేయించడానికి ఉపయోగించిన నూనెను మళ్లీ మళ్లీ వేడి చేసి వాడటం వల్ల క్యాన్సర్ వచ్చే ప్రమాదం పెరుగుతుందని ఎయిమ్స్ వైద్యులు హెచ్చరించారు. ఇంట్లోనే కాకుండా ఫాస్ట్ ఫుడ్ అవుట్లెట్లు నడిపేవారు కూడా నూనెను మళ్లీ మళ్లీ ఉపయోగిస్తుంటారు. ఈ పద్ధతి ఆరోగ్యానికి చాలా..
Updated on: Mar 10, 2026 | 1:46 PM
క్యాన్సర్ వంటి ప్రాణాంతక వ్యాధులు ఒక్కోసారి మనం తీసుకునే ఆహారం ద్వారానే ఒంట్లో తిష్టవేస్తాయని మీకు తెలుసా.? అవును.. ముఖ్యంగా వంటకు వినియోగించే నూనె విషయంలో చాలా జాగ్రత్తగా ఉండాలి. ఒకసారి వేయించడానికి ఉపయోగించిన నూనెను మళ్లీ మళ్లీ వేడి చేసి వాడటం వల్ల క్యాన్సర్ వచ్చే ప్రమాదం పెరుగుతుందని ఎయిమ్స్ వైద్యులు హెచ్చరించారు. ఇంట్లోనే కాకుండా ఫాస్ట్ ఫుడ్ అవుట్లెట్లు నడిపేవారు కూడా నూనెను మళ్లీ మళ్లీ ఉపయోగిస్తుంటారు. ఈ పద్ధతి ఆరోగ్యానికి చాలా హానికరమని నిపుణులు అంటున్నారు. వంట నూనెను మళ్లీ వేడి చేయడం వల్ల దీర్ఘకాలంలో తీవ్రమైన ఆరోగ్య ప్రమాదాలు సంభవిస్తాయని డాక్టర్ ప్రియాంక సెహ్రావత్ అన్నారు.
నూనెను పదే పదే వేడి చేస్తే ఏమి జరుగుతుంది?
డాక్టర్ సెహ్రావత్ ఏం చెబుతున్నారంటే.. వేయించడానికి ఉపయోగించే నూనెను పదే పదే వేడి చేసినప్పుడు అందులోని రసాయనాలు విచ్ఛిన్నం కావడం ప్రారంభమవుతుంది. ఇవి హానికరమైన రసాయనాలుగా ఏర్పడతాయి. జైపూర్లోని ఒక ఫాస్ట్ ఫుడ్ అవుట్లెట్లో ఇటీవల నిర్వహించిన సర్వేను ఉటంకిస్తూ.. అదే నూనెను చాలాసార్లు వేడి చేయడం వల్ల అది పూర్తిగా నల్లగా మారిందని, ఇది చెడిపోవడానికి స్పష్టమైన సంకేతం అని ఆయన అన్నారు. నూనెను పదే పదే వేడి చేయడం వల్ల శరీరానికి తీవ్రంగా హాని కలిగించే క్యాన్సర్ కారకాలు, పాలీసైక్లిక్ ఆరోమాటిక్ హైడ్రోకార్బన్లు (PAHలు), ట్రాన్స్ ఫ్యాట్స్, ఫ్రీ రాడికల్స్ వంటి ప్రమాదకరమైన పదార్థాలు విడుదలవుతాయి. ఇవన్నీ వాపు, కణాల నష్టం, DNA నష్టానికి దారితీస్తాయి.
ఆరోగ్య ప్రమాదాలు
నూనెను మళ్లీ వేడి చేయడం వల్ల క్యాన్సర్ ప్రమాదాన్ని పెంచడమే కాకుండా, గుండె ఆరోగ్యానికి కూడా తీవ్రమైన ప్రమాదం ఏర్పడుతుంది. ఈ నూనెలో వండిన ఆహారాన్ని తినడం వల్ల చెడు కొలెస్ట్రాల్ స్థాయి పెరుగుతుంది. ఇది ధమనులలో ప్లేక్ ఏర్పడే ప్రమాదాన్ని పెంచుతుంది. దీంతో గుండెపోటు, హృదయ సంబంధ వ్యాధుల ప్రమాదాన్ని పెంచుతుంది. ఈ విషపూరిత పదార్థాలు క్యాన్సర్, గుండె జబ్బుల ప్రమాదాన్ని చాలా రెట్లు పెంచుతాయి.
వంట నూనెను సురక్షితంగా ఎలా వాడాలి?
మీరు నూనెను పారవేయకూడదనుకుంటే అత్యంత ఆచరణాత్మకమైన, సురక్షితమైన పద్ధతి ఏమిటంటే.. నూనెను పూర్తిగా ఫిల్టర్ చేసి శుభ్రమైన కంటైనర్లో నిల్వ చేయడం. అధిక ఉష్ణోగ్రతలు నూనె నాణ్యతను చాలా త్వరగా క్షీణింపజేస్తాయి, హానికరమైన సమ్మేళనాల ఉత్పత్తిని పెంచుతాయి. కాబట్టి ఒకసారి ఉపయోగించిన నూనెను తిరిగి ఉపయోగించవద్దు.
గమనిక: ఇక్కడ ఇచ్చిన సమాచారం కేవలం అవగాహన కోసం మాత్రమే. మరిన్ని వివరాల కోసం వైద్యుడిని సంప్రదించండి.
మరిన్ని ఆరోగ్య కథనాల కోసం క్లిక్ చేయండి.
