Electric Vehicles: ఎలక్ట్రిక్ వెహికిల్స్ మంటల్లో ఎందుకు చిక్కుకుంటాయో తెలుసా? నిపుణులు ఏం చెబుతున్నారంటే..

Electric Vehicles: ఎలక్ట్రిక్ వాహనాలకు (EV లు) ప్రపంచవ్యాప్తంగా డిమాండ్ ఉంది. రాబోయే సంవత్సరాల్లో వాటి ప్రజాదరణ పెరుగుతుందని భావిస్తున్నారు. ఇవి రాబోయే 10 సంవత్సరాలలో 29 శాతం వృద్ధిని సాధించి, 2030 నాటికి ఏటా 30 మిలియన్ యూనిట్లకు పైగా చేరుకుంటాయని లెక్క వేస్తున్నారు. ఎలక్ట్రిక్ వాహనాలు ఉద్గారాలను తగ్గిస్తాయి. అలాగే తక్కువ దీర్ఘకాలిక ఖర్చులను కలిగి ఉంటాయి. ఈ కారణంగా చాలా మంది వీటి వలన వచ్చే అగ్ని ప్రమాద ఇబ్బందుల గురించి ఎక్కువ ఆలోచించరు. కానీ, ఇటీవల ఈప్లూటో స్కూటర్లు మంటల్లో చిక్కుకున్న సందర్భాలు సోషల్ మీడియాలో వైరల్ అయ్యాయి. ప్యూర్ EV, ePluto ను తయారు చేసే EV స్టార్టప్, ఈ సంఘటనను హైప్ చేసినందుకు మీడియాను నినదించినా.. ఇది EV లతో వచ్చే ప్రమాదాన్ని వెలుగులోకి తెచ్చిందని చెప్పవచ్చు. ఇదిమాత్రమే కాదు ఈవీలలో ప్రముఖ కంపెనీలుగా చెబుతున్న టెస్లా, పోర్స్చే, హ్యుందాయ్, జనరల్ మోటార్స్, వోక్స్వ్యాగన్, మిత్సుబిషి, ఫిస్కర్ ఆటోమోటివ్, BYD వంటి ఇతర కంపెనీలు తమ ఎలక్ట్రిక్ వాహనాలు మంటల్లో చిక్కుకోవడం అనే పరిస్థితిని ఎదుర్కున్నాయి. అగ్ని ప్రమాదాన్ని పెంచే అవకాశం ఉండే లోపాలను గమనించిన కారణంగా ఆటోమేకర్లు తరచుగా తమ వాహనాలను రీకాల్ చేస్తారు. ఆగస్టు 2021 లో, జనరల్ మోటార్స్ తన బోల్ట్ ఈవీలను తొమ్మిది నెలల్లో మూడవసారి రీకాల్ చేసింది. అదే సమయంలో, హ్యుందాయ్ ఇలాంటి ఆందోళనలతో 80,000 పైగా ఈవీలను రీకాల్ చేసింది. ఈవీలకు అగ్ని ప్రమాదం ఎందుకు ఎక్కువ? ఆధునిక వాహనాలు ఎలక్ట్రానిక్స్ చిక్కుతో కూడిన సంక్లిష్ట సృష్టి. అధునాతన యంత్రాలు.. ఇంధనంతో సంకర్షణ చెందుతాయి. వైరింగ్‌లోని ఒక లోపం లేదా లోపభూయిష్ట ఇంధన లైన్ వాహనంలో ఎటువంటి బయటకు కనిపించే ఇబ్బందిని చూపించకుండా మంటలను కలిగించే అవకాశం ఉంది. యుఎస్‌లో సంవత్సరానికి 2,87,000 వాహనాలు లేదా గంటకు 30 వాహనాలు మంటల్లో చిక్కుకుంటున్నాయని ఒక అధ్యయనం కనుగొంది. లిథియం-అయాన్ బ్యాటరీల ప్రమాదం చాలా ఎలక్ట్రిక్ వాహనాలు లిథియం-అయాన్ లేదా లి-అయాన్ బ్యాటరీలపై నడుస్తాయి. ఇవి తరచుగా వినియోగదారుల ఎలక్ట్రానిక్స్‌లో ఉపయోగించబడతాయి. ఇవి గాలికి గురైనప్పుడు మంటలు చెలరేగుతాయి. లిథియం-అయాన్.. లిథియం మెటల్ బ్యాటరీలు విఫలమైనప్పుడు థర్మల్ రన్అవే అని పిలువబడే ప్రక్రియకు గురవుతాయి. ఈ ప్రక్రియలో, ఒత్తిడి, ఉష్ణోగ్రత వేగంగా పెరుగుతాయి. బ్యాటరీ లోపలి భాగం గాలికి బహిర్గతమైతే అది మంటలలో చిక్కుకోవచ్చు లేదా పేలిపోవచ్చు. బ్యాటరీ యూనిట్‌లో సేంద్రీయ లిక్విడ్ ఎలక్ట్రోలైట్‌లు ఉండటం వలన మంటలకు ఇంధనంగా మాత్రమే పనిచేస్తాయి. ఎందుకంటే మిగిలిన బ్యాటరీ థర్మల్ రన్అవేకి గురై మంటలు చెలరేగినప్పుడు అవి మండిపోతాయి. తయారీ లోపాలు థర్మల్ రన్అవేకి కారణమయ్యే వైఫల్యాలు తయారీ లోపాలు లేదా బ్యాటరీని పర్యవేక్షించే సాఫ్ట్‌వేర్‌లోని లోపాలు లేదా మొత్తం డిజైన్ లోపం వల్ల కావచ్చు. చాలా బ్యాటరీ యూనిట్లలో వైఫల్యానికి ఖచ్చితమైన కారణాన్ని గుర్తించడం కష్టంగా ఉంటుంది. ఎందుకంటే మంటల్లో కాలిపోయిన తరువాత పరిస్థితులను పునః పరిశీలించడం చాలా కష్టం. చాలా బ్యాటరీ తయారీదారులు ఆటోమొబైల్ తయారీదారుల కోసం సురక్షితమైన ఇంకా అధిక శక్తి-దట్టమైన బ్యాటరీ యూనిట్లను తయారు చేయడాన్ని వ్యతిరేకిస్తున్నారు. సురక్షితమైన ఉత్పత్తులను తయారు చేయాల్సిన బాధ్యత బ్యాటరీ తయారీదారులపై ఉంది. ఇప్పుడిప్పుడే ఎలక్ట్రానిక్ వాహనాలు ఎక్కువగా వస్తున్నందున వాటి తయారీ లోపాలు.. భద్రతా చర్యలపై ఇప్పుడే తగిన విధంగా ప్రభుత్వం మార్గాదర్శాకాలను సిద్ధం చేయాల్సి ఉంటుంది.

Also Read: Reliance Jio network down: రిలయన్స్‌ జియో నెట్‌వర్క్‌ డౌన్‌.. ఇబ్బందులు పడ్డ వినియోగదారులు..!

Windows 11: విండోస్ 11 వచ్చేసింది.. దీనిని మీ కంప్యూటర్ లో ఎలా ఇన్‌స్టాల్ చేసుకోవచ్చంటే..