తండ్రిని దారుణంగా చంపిన కొడుకు, తల్లి సాయం

బంధాలు, బంధుత్వాలు మాయమైపోతున్నాయి. మనుషులు మరీ కఠినాత్మకంగా తయారవుతున్నారు. సొంతవాళ్లను కూడా చంపేందుకు వెనకాడం లేదు. తాజాగా చేవెళ్ల మండలంలోని‌ గుండాల గ్రామంలో కన్నకొడుకే తండ్రిని కిరాతకంగా అంతమొందించాడు. ఈ దారుణానికి తల్లే సహకరించింది. నెలరోజులుగా కిష్టయ్య అనే వ్యక్తి  కనిపించకపోవడంతో బంధువులు అతడి కొడుకుని గట్టిగా నిలదీయడంతో అసలు విషయం వెలుగులోకి వచ్చింది. తల్లి సహాయంతో తండ్రిని చంపేశానని, తమ పొలంలోనే పాతిపెట్టినట్లు కొడుకు అంగీకరించాడు. మృతదేహం బయటికి తీయించిన పోలీసులు, పోస్ట్ మార్టం నిమిత్తం ప్రభుత్వ ఆస్పత్రికి తరలించారు. నిందితుల్ని అదుపులోకి తీసుకుని విచారిస్తున్నారు. ఇక హత్యకు గల కారణాలు ఇంకా తెలియాల్సి ఉంది.

Also  Read :  సాయానికి కృతజ్ఞత, చిన్నారికి ప్రభుత్వాధికారి పేరు