సాయానికి కృతజ్ఞత, చిన్నారికి ప్రభుత్వాధికారి పేరు

కర్ణాటకలోని బళ్లారికి చెందిన అక్షత దావణగెరె ఏరియాలో.. తన భర్త ప్రదీప్ కుమార్​తో కలిసి నివాసం ఉంటున్నారు. ప్రసవం కోసం బళ్లారికి వచ్చిన అక్షతకు కరోనా సోకినట్లు నిర్ధారణ అయ్యింది. ఆ సమయంలో స్థానిక జిల్లా కొవిడ్ ఆస్పత్రిలో చేరింది. అనంతరం ఆమె మగబిడ్డకు జన్మనిచ్చింది.

  కరోనా నుంచి కోలుకొని డిశ్చార్జి అయ్యే వరకు అక్షత బాగోగులను ఆస్పత్రి డిప్యూటీ కమిషనర్ ఎస్​ఎస్ నకుల్ చూసుకున్నారు. ఆయన సంరక్షణ, ఆప్యాయత, ప్రేమకు మెచ్చిన దంపతులు.. తమ కుమారుడికి ఆయన పేరే పెట్టుకున్నారు. ఈ విషయంపై డిప్యూటీ కమిషనర్ ఎస్ఎస్ నకుల్​ హర్షం వ్యక్తం చేశారు. పసిబిడ్డతో పాటు దంపతులు సంతోషంగా ఉండాలని దీవించారు.

Also Read :

ఏటీఎంలకు వచ్చే అమాయకులే టార్గెట్, ఏకంగా 118 కేసులు

ఈ సారి తిరుమల, తిరుపతి పోలీసులు బుక్కయ్యారు