రాజీవ్ గాంధీ తరహాలో మోదీ హత్యకు కుట్ర…!

చట్ట వ్యతిరేక కార్యకలాపాల నిరోధక చట్టం (యూఏపీఏ) మేరకు పోలీసులు శుక్రవారం పుణెలోని ప్రత్యేక కోర్టులో ఛార్జ్ షీట్ దాఖలు చేశారు. శ్రీ పెరంబదూర్‌లో రాజీవ్ గాంధీని హత్య చేసిన విధంగా రోడ్ షోలో మోదీని హతమార్చాలని వీరు కుట్ర పన్నినట్లు పేర్కొన్నారు. ఇందుకోసం 8 కోట్లు విలువ జేసే ఎం4 రైఫిల్‌ను, 4 లక్షల రౌండ్ల మందుగుండు మారణాయుధాలను ఓ సప్లయియర్ మణిపూర్ మీదుగా తీసుకురావడానికి యత్నించారని ఛార్జ్ షీట్‌లో ఆరోపించారు.

కాగా, 2017 డిసెంబర్ 31న భీమా కోరెగాం ప్రాంతంలో ఎల్గార్ పరిషత్ సమావేశాన్ని మావోయిస్టులే ఏర్పాటు చేశారు. అంతేకాకుండా సమావేశం అనంతరం జరిగిన భారీ సభలో రెచ్చగొట్టే విధంగా ప్రసంగాలు, హింస చెలరేగడం వెనుక హక్కుల నేతలే ఉన్నారని పోలీసులు ఆరోపించారు. ఇక దీనికి సంబంధించి ఛార్జ్ షీటును పోలీసులు దాదాపు రెండేళ్ల తర్వాత దాఖలు చేశారు. ఇది కాస్తా సంచలనమైంది.