కేవలం రూ.5599కే స్మార్ట్‌ టీవీ..! ఈ సూపర్‌ ఆఫర్‌ ఎలా పొందాలంటే..?

ఈ-కామర్స్ దిగ్గజం ఫ్లిప్‌కార్ట్‌ నిర్వహిస్తున్న బిగ్ సేవింగ్ డేస్ సేల్ ప్రారంభం కావడంతో ఎలక్ట్రానిక్స్ ఉత్పత్తులపై భారీ డిస్కౌంట్లు లభిస్తున్నాయి. ముఖ్యంగా స్మార్ట్ టీవీలపై భారీ ధర తగ్గింపులు ఉండటంతో వినియోగదారుల దృష్టి ఈ విభాగంపై పడింది. కొత్త టీవీ కొనాలని భావిస్తున్న వారికి ఈ సేల్ సరైన అవకాశంగా మారింది. ఈ సేల్‌లో ముఖ్యంగా Thomson స్మార్ట్ టీవీలపై భారీ తగ్గింపులు ప్రకటించారు. అత్యంత తక్కువ ధరలో లభిస్తున్న మోడల్‌గా థామ్సన్ TM2490 24-అంగుళాల స్మార్ట్ LED టీవీ కేవలం రూ.5,599కే అందుబాటులో ఉంది. అలాగే థామ్సన్ ఆల్ఫా 24-అంగుళాల టీవీ ధర రూ.6,799గా ఉంది. చిన్న గదులు లేదా బెడ్‌రూమ్‌లకు సరిపోయే ఈ టీవీలు తక్కువ ధరలో స్మార్ట్ ఫీచర్లతో వస్తుండటంతో మంచి డిమాండ్ కనిపిస్తోంది.

కొంచెం పెద్ద స్క్రీన్ కావాలనుకునేవారికి 32 అంగుళాల మోడళ్లపై కూడా మంచి ఆఫర్లు ఉన్నాయి. థామ్సన్ ఆల్ఫా 32-అంగుళాల స్మార్ట్ టీవీ రూ.8,499 ప్రారంభ ధరకు లభిస్తుండగా, మరో 32-అంగుళాల మోడల్ రూ.7,299కే అందుబాటులో ఉంది. సాధారణంగా ఈ మోడళ్లపై రూ.400 నుంచి రూ.1,000 వరకు తగ్గింపులు ఇచ్చినట్లు కంపెనీ తెలిపింది. ఈ టీవీల్లో Wi-Fi కనెక్టివిటీతో పాటు ప్రముఖ OTT యాప్‌లకు మద్దతు కూడా ఉంటుంది.

పెద్ద స్క్రీన్ టీవీల కోసం చూస్తున్నవారికి కూడా సేల్‌లో ఆకర్షణీయమైన డీల్స్ ఉన్నాయి. థామ్సన్ ఆల్ఫా 40-అంగుళాల స్మార్ట్ టీవీ రూ.12,999 నుంచి ప్రారంభమవుతుంది. ఇక 43-అంగుళాల 4K టీవీ ధరను రూ.14,999కి తగ్గించారు. ఇవి ఆండ్రాయిడ్ టీవీ ప్లాట్‌ఫారమ్‌పై పనిచేయడం వల్ల నెట్‌ఫ్లిక్స్‌, అమెజాన్‌ ప్రైమ్‌ వీడియో, యూట్యూబ్‌ వంటి ప్రముఖ స్ట్రీమింగ్ యాప్‌లను సులభంగా ఉపయోగించవచ్చు.

ఇంకా పెద్ద స్క్రీన్ కోరుకునే వినియోగదారుల కోసం 55 అంగుళాల 4K స్మార్ట్ టీవీ రూ.26,499 నుంచి అందుబాటులో ఉంది. ఇందులో HDR10+, డాల్బీ అట్మోస్, డాల్బీ డిజిటల్ ప్లస్ వంటి ఆధునిక ఆడియో-విజువల్ ఫీచర్లు ఉన్నాయి. అదనంగా 2GB RAM, 16GB స్టోరేజ్ ఉండటంతో స్ట్రీమింగ్ అనుభవం మెరుగ్గా ఉంటుంది. హోమ్ థియేటర్ అనుభూతి కోరుకునే వారికి 75 అంగుళాల MiniQD 4K స్మార్ట్ టీవీ రూ.94,999 ధరకు లభిస్తోంది. ఇందులో 108W స్పీకర్లు, Google TV ఇంటర్‌ఫేస్ వంటి ఫీచర్లు ఉన్నాయి. మొత్తంగా చూస్తే చిన్న గదుల కోసం చిన్న టీవీల నుంచి భారీ హోమ్ థియేటర్ టీవీల వరకు అన్ని రకాల వినియోగదారుల అవసరాలను ఈ సేల్ కవర్ చేస్తోంది. కొత్త స్మార్ట్ టీవీ కొనాలని భావిస్తున్నవారికి ఇది మంచి అవకాశం అని మార్కెట్ వర్గాలు చెబుతున్నాయి.

మరిన్ని టెక్‌ వార్తల కోసం ఇక్కడ క్లిక్‌ చేయండి