మూడు సినిమాలుగా వస్తోన్న ఆర్జీవీ జీవితం

బొమ్మాకు క్రియేషన్స్ సంస్థ నిర్మాణంలో వివాదాస్పద ఇండియన్ ఫిల్మ్ డైరెక్టర్ రాంగోపాల్ వర్మ జీవితం తెరకెక్కబోతోంది. మొత్తంగా ఆర్జీవీ నిజ జీవితాన్ని 3 భాగాలు, అంటే 3 సినిమాలుగా..

మూడు సినిమాలుగా వస్తోన్న ఆర్జీవీ జీవితం
Pardhasaradhi Peri

|

Aug 25, 2020 | 7:21 PM

బొమ్మాకు క్రియేషన్స్ సంస్థ నిర్మాణంలో వివాదాస్పద ఇండియన్ ఫిల్మ్ డైరెక్టర్ రాంగోపాల్ వర్మ జీవితం తెరకెక్కబోతోంది. మొత్తంగా ఆర్జీవీ నిజ జీవితాన్ని 3 భాగాలు, అంటే 3 సినిమాలుగా నిర్మించబోతోంది. దీనికి సంబంధించిన పార్ట్ 1 ఫస్ట్ లుక్ పోస్టర్ రేపు 26 సాయంత్రం 5 గంటలకు రిలీజ్ చేయబోతున్నారు. 3 చిత్రాల్లో ఒక్కొక్క సినిమా నిడివి సుమారు 2 గంటలుంటుంది. అంటే 3 చిత్రాలు కలిపి మొత్తం 6 గంటలు. బొమ్మాకు మురళి నిర్మాణంలో రాంగోపాల్ వర్మ ఆధ్వర్యంలో ‘దొరసాయి తేజ’ ఈ చిత్రానికి దర్శకత్వం వహించబోతున్నారు. సెప్టెంబర్ లో ఈ సినిమా చిత్రీకరణ ప్రారంభం కానున్నది.

పార్ట్ 1 లో 20 ఏళ్ళ ఆర్జీవీగా ఒక కొత్త యువ నటుడు నటించబోతున్నాడు. రాంగోపాల్ వర్మ జీవిత ప్రస్థానం ఆరంభం. దీంట్లో అతని విజయవాడ కాలేజ్ రోజులు, తొలి ప్రేమలు, అప్పట్లో ఆయన పాల్గొన్న గ్యాంగ్ ఫైట్స్ తో మొదలయ్యి , అయన శివ సినిమా చేయడానికి ప్రయత్నాలు ప్రధాన కథాంశంగా చూపెట్టబోతున్నారు.

పార్ట్ 2 లో వేరే నటుడు నటించబోతున్నాడు. ఇందులో అండర్ వరల్డ్ తో ప్రేమాయణం చూపిస్తారు. ముంబై జీవితంలో అమ్మాయిలు, గ్యాంగ్ స్టర్స్ మరియు అమితాబ్ బచ్చన్ లతో ఆయనకున్న అనుబంధాల గురించి ఉంటుంది.

పార్ట్ 3 లో ఆర్జీవీ యే స్వయంగా ఆర్జీవీగా నటించబోతున్నారు. RGV – ది ఇంటెలిజెంట్ ఇడియట్ గా వచ్చే ఈ మూవీలో ఆయన ఫెయిల్యూర్లు, వివాదాలు ఇంకా.. దేవుళ్ళు, సెక్స్, సమాజం పట్ల ఉన్న అతని విపరీత వైఖరులతో పాటు చాలా మంది మీద ఆర్జీవీ ప్రభావం గురించి చూపెట్టబోతున్నారు.

లేటెస్ట్ న్యూస్ హైలెట్స్ చూడండి

Follow us on

Most Read Stories

Click on your DTH Provider to Add TV9 Telugu