ఇక‌పై బ్యాంక్‌ లోన్‌ ఉంటే డెబిట్‌ కార్డ్..

ఎలక్ట్రానిక్‌ కార్డుల జారీ అంశంలో రిజ‌ర్వ్ బ్యాంక్ ఆఫ్ ఇండియా ప‌లు రూల్స్ సడలించింది. ఇందులో భాగంగా ఓవర్‌ డ్రాఫ్ట్ అకౌంట్ కలిగిన వ్యక్తులు కూడా డెబిట్‌ కార్డులను పొందడానికి అనుమ‌తి ఇచ్చింది. ఆర్‌బీఐ 2015లో జారీ చేసిన గైడ్ లైన్స్ ప్రకారం బ్యాంక్స్ లో అకౌంట్ ఉన్న‌వారికే ఎలక్ట్రానిక్‌ కార్డులను జారీ చేయాల్సి ఉంటుంది. అయితే వీటిలో కీల‌క‌ మార్పులు చేసిన రిజ‌ర్వ్ బ్యాంక్.. ప‌ర్స‌న‌ల్ లోన్స్ ఉన్నవారికి డెబిట్‌ కార్డులను జారీ చేసేందుకు బ్యాంకుల‌కు ప‌ర్మిష‌న్ ఇచ్చింది. అయితే ఇది కేవలం వ్యక్తులకి మాత్ర‌మే ప‌రిమితం. ఈ కార్డులను కేవలం ఆన్‌లైన్, క్యాష్ లెస్ లావాదేవీలకు మాత్రమే ఉప‌యోగించాలి. వినియోగం కోసం చెక్‌లు, తగిన డ‌బ్బు నిల్వను ఉంచాల్సి ఉంటుందని ఆర్‌బీఐ వెల్ల‌డించింది‌.