IPL 2026: తక్కువ ధరకే తోపు ప్లేయర్‌ను పట్టేసిన ముంబై.. స్కెచ్ మాములుగా లేదుగా..

సొంత ఇంటికి రాక..

క్వింటన్ డి కాక్‌కు ముంబై ఇండియన్స్ కొత్తేమీ కాదు. గతంలో (2019-2021) అతను ముంబై ఇండియన్స్ తరఫున ఆడాడు. ఆ సమయంలో రోహిత్ శర్మతో కలిసి ఇన్నింగ్స్ ఆరంభించి, ముంబై జట్టు 2019,  2020లో టైటిల్ గెలవడంలో కీలక పాత్ర పోషించాడు. ఇప్పుడు మళ్లీ పాత గూటికి చేరడం ముంబై అభిమానులకు సంతోషాన్నిచ్చే విషయం.

ముంబైకి దక్కిన ‘జాక్‌పాట్’..

ఈ వేలానికి ముంబై ఇండియన్స్ కేవలం రూ. 2.75 కోట్ల అతి తక్కువ పర్సుతో వచ్చింది. ఇంత తక్కువ మొత్తంతో స్టార్ ఆటగాళ్లను కొనడం అసాధ్యమని అంతా భావించారు. కానీ, అనుభవజ్ఞుడైన డి కాక్ కోసం ఇతర జట్లు పోటీ పడకపోవడంతో, ముంబై అతన్ని కేవలం రూ. 1 కోటికే సొంతం చేసుకోగలిగింది. ఇది ముంబైకి నిజంగా ‘స్టీల్ డీల్’ గా మారింది.

గత సీజన్ వైఫల్యం..

2025 సీజన్‌లో డి కాక్ కోల్‌కతా నైట్ రైడర్స్ (KKR) జట్టులో ఉన్నాడు. కానీ అక్కడ అతనికి సరైన అవకాశాలు రాకపోవడం, ఫామ్ లేమి కారణంగా కేకేఆర్ అతన్ని విడుదల (release) చేసింది. అయితే, అతని ట్రాక్ రికార్డ్, అనుభవం ముంబైకి ఎంతో ఉపయోగపడతాయి.

జట్టులో పాత్ర..

రోహిత్ శర్మ లేదా ఇషాన్ కిషన్‌తో కలిసి ఇన్నింగ్స్ ఆరంభించే అవకాశం ఉంది. ఇషాన్ కిషన్‌పై భారం తగ్గించడానికి డి కాక్ వికెట్ కీపింగ్ బాధ్యతలు కూడా చేపట్టగలడు. అంతర్జాతీయ క్రికెట్ నుంచి రిటైర్ అయినప్పటికీ, టీ20 లీగ్‌లలో అతను ఇంకా ప్రమాదకరమైన బ్యాటరే.

అతి తక్కువ బడ్జెట్‌తో వేలానికి వచ్చిన ముంబై ఇండియన్స్, తమకు బాగా కలిొచ్చిన పాత ఆటగాడిని అతి తక్కువ ధరకు తిరిగి తెచ్చుకోవడం ద్వారా వేలంలో మంచి ఆరంభాన్ని పొందింది.