షాకింగ్ వీడియో.. గర్భిణిని కొట్టి, బయటకి నెట్టేసిన ఇన్స్పెక్టర్.. కట్చేస్తే
కేరళలోని ఎర్నాకులం పోలీస్ స్టేషన్లో గర్భిణి షైమోల్పై ఇన్స్పెక్టర్ ప్రతాప్ చంద్రన్ దాడి చేశారు. తన భర్తను అదుపులోకి తీసుకున్నారని స్టేషన్కు వచ్చిన ఆమెను అధికారి చెంపదెబ్బ కొట్టి, బయటకు నెట్టారు. ఈ దారుణ ఘటన వీడియో వైరల్ కావడంతో ఉన్నతాధికారులు వెంటనే స్పందించి ప్రతాప్ చంద్రన్ను సస్పెండ్ చేశారు. ఇది పోలీస్ వ్యవస్థలో చర్చనీయాంశంగా మారింది.
Updated on: Dec 19, 2025 | 7:31 PM
కేరళలోని ఎర్నాకులం స్టేషన్లో దారుణ ఘటన చోటు చేసుకుంది. గర్భిణిపై ఇన్స్పెక్టర్ ప్రతాప్ చంద్రన్ దాడి చేసిన ఘటన సంచలనం సృష్టించింది. తన భర్తను అదుపులోకి తీసుకున్నారని పోలీస్ స్టేషన్కు వెళ్లిన షైమోల్ అనే మహిళను ఇన్స్పెక్టర్ చెంపదెబ్బ కొట్టి, బయటకి నెట్టేశారు. ఆమె గర్భిణీ అని భర్త పదేపదే వేడుకున్నా సదరు అధికారి ఏమాత్రం కనికరించలేదు. ఈ వీడియో వైరల్ కావడంతో ఉన్నతాధికారులు ఇన్స్పెక్టర్ను సస్పెండ్ చేశారు. ఏడాది క్రితం జరిగిన ఈ ఘటన పూర్తి వివరాల్లోకి వెళితే..
గత సంవత్సరం కొచ్చిలోని ఒక పోలీస్ స్టేషన్లో పనిచేస్తున్నప్పుడు గర్భిణీని కొట్టిన స్టేషన్ హౌస్ ఆఫీసర్ (SHO) ను సస్పెండ్ చేసినట్లు అధికారులు తెలిపారు. 2024 జూన్ 20న జరిగిన ఈ సంఘటనకు సంబంధించిన సీసీటీవీ ఫుటేజ్ గురువారం వెలుగులోకి వచ్చిన తర్వాత, ప్రస్తుతం అలప్పుజలోని అరూర్ పోలీస్ స్టేషన్లో SHOగా పనిచేస్తున్న ప్రతాప్ చంద్రన్ KJను సర్వీస్ నుండి సస్పెండ్ చేశారు.
రాష్ట్ర పోలీసు చీఫ్ ఆదేశాల మేరకు సౌత్ జోన్ ఇన్స్పెక్టర్ జనరల్ ఆఫ్ పోలీస్ కార్యాలయం సస్పెన్షన్ ఉత్తర్వులు జారీ చేసిందని పోలీసులు తెలిపారు. కొచ్చికి చెందిన షైమోల్ ఎన్జే భర్త బెంజోను ఒక కేసుకు సంబంధించి అదుపులోకి తీసుకున్న క్రమంలో అప్పటి ఎర్నాకుళం నార్త్ SHO చంద్రన్ ఆమెపై దాడి చేశాడని ఆరోపించారు. సీసీటీవీ ఫుటేజీలో పోలీస్ స్టేషన్ వద్ద జరిగిన గొడవ తర్వాత చంద్రన్ షైమోల్ను నెట్టి, ఆ తర్వాత ఆమె చెంపపై కొట్టడం కనిపిస్తుంది.
వీడియో ఇక్కడ చూడండి..
ఒక మహిళా పోలీసు అధికారి కూడా షైమోల్ను చెంపదెబ్బ కొట్టడం కనిపిస్తుంది. దాదాపు ఒక సంవత్సరం పాటు జరిగిన న్యాయ పోరాటం తర్వాత CCTV ఫుటేజ్ బయటపడింది. ఆ సమయంలో ఆ జంట న్యాయం కోరుతూ కోర్టును ఆశ్రయించారు. సీటీవీ ఫుటేజ్ వెలుగులోకి వచ్చిన తర్వాత, ఆ అధికారిపై చర్యలు తీసుకున్నారు, దీనితో ఆయన సస్పెన్షన్కు గురయ్యారు.
మరిన్ని జాతీయ వార్తల కోసం క్లిక్ చేయండి..
