కోవిడ్ పై పోరు, ఇక పిల్లలకూ ఆస్ట్రాజెనికా వ్యాక్సిన్, త్వరలో క్లినికల్ ట్రయల్స్ మొదలు

ఆక్స్ ఫర్డ్ యూనివర్సిటీ అభివృధ్ది పరచిన ఆస్ట్రాజెనికా వ్యాక్సిన్ ని ఇకపై పిల్లలకు కూడా వాడే సూచనలు కనిపిస్తున్నాయి. 6 నుంచి 17 ఏళ్ళ మధ్య వయస్సు గలవారికి ఈ టీకా మందు...

  • Umakanth Rao
  • Publish Date - 5:27 pm, Sat, 13 February 21
కోవిడ్ పై పోరు, ఇక పిల్లలకూ ఆస్ట్రాజెనికా వ్యాక్సిన్, త్వరలో క్లినికల్ ట్రయల్స్ మొదలు

ఆక్స్ ఫర్డ్ యూనివర్సిటీ అభివృధ్ది పరచిన ఆస్ట్రాజెనికా వ్యాక్సిన్ ని ఇకపై పిల్లలకు కూడా వాడే సూచనలు కనిపిస్తున్నాయి. 6 నుంచి 17 ఏళ్ళ మధ్య వయస్సు గలవారికి ఈ టీకా మందును వాడడం వల్ల వారిలో వ్యాధి నిరోధక శక్తి చాలావరకు పెరుగుతుందని భావిస్తున్నామని ఈ యూనివర్సిటీ రీసెర్చర్లు చెబుతున్నారు. ఇందుకు గాను అప్పుడే సుమారు 300 మంది ‘పిల్ల వలంటీర్లను’ సెలెక్ట్ చేశారట. ‘సీ హెచ్ ఎడాక్స్ ఎన్ కొవ్-19 గా వ్యవహరించే ఈ టీకామందు..ఈ వయసు పిల్లల్లో అత్యంత బలమైన ఇమ్యూన్ రెస్పాన్స్ కలుగుతుందని ఆక్స్ ఫర్డ్ వ్యాక్సిన్ ట్రయల్ చీఫ్ ఇన్వెస్టిగేటర్, పిల్లల వ్యాధుల నిపుణుడు ఎండ్రు పోలార్డ్ తెలిపారు.  ప్రపంచ  వ్యాప్తంగా చాలామంది పిల్లలపై కరోనా వైరస్ ప్రభావం లేదని, ఈ ఇన్ఫెక్షన్ తో వారు అనారోగ్యం బారిన పడిన సూచనలు కనబడలేదని ఆయన చెప్పారు. కానీ ఈ వయస్సు వారిలో వ్యాధి నిరోధక శక్తి ఎంతగా పెరుగుతుందో చూడాల్సి ఉందని అన్నారు.

చిన్న పిల్లలు, 17 ఏళ్ళ లోపు యువతలో సార్స్ -కొవ్-2 ను ఎలా అదుపు చేయవచ్చుననడానికి ఈ కొత్త క్లినికల్ ట్రయల్స్ ఉపయోగపడతాయన్నారు. ఈ నెలలో అప్పుడే దాదాపు 240 మంది పిల్లలకు ఆస్ట్రాజెనికా టీకా మందును ఇస్తామని పోలార్డ్ వెల్లడించారు. ఈ వయస్సువారికి ఈ ట్రయల్ ను నిర్వహించడం ఇదే మొదటిసారని ఈ యూనివర్సిటీ ఓ ఈ-మెయిల్ లో తెలిపింది. ఇతర వ్యాక్సిన్ల కన్నా ఈ వ్యాక్సిన్ చౌక అయినదని, సులభంగా రవాణా చేయవచ్ఛునని ఇదివరకే వార్తలు వచ్చాయి. ఈ ఏడాదిలో  300 కోట్ల డోసుల వ్యాక్సిన్ ని ఉత్పత్తి చేయాలన్నది లక్ష్యం కాగా- ఏప్రిల్ నెలలోగా నెలకు 200 మిలియన్ డోసులను ఉత్పత్తి చేయాలన్నది మరో ధ్యేయం.

మరిన్ని చదవండి ఇక్కడ: కోవిడ్ భయంతో ఇండియా నుంచి పరాయి దేశాలకు బడాబాబుల ‘క్యూ’, పెరిగిన ‘లెక్క’ !

మరిన్ని చదవండి ఇక్కడ: సెనేట్ లో ట్రంప్ అభిశంసనపై విచారణ, డెమొక్రాట్లు వాడిన పదంపై రభస, లాయర్ల వీడియో ప్రదర్శన