‘నా తల్లి చచ్చిపోతుంది, ఆక్సిజన్ సిలిండర్ తీసేయకండి’, ఆగ్రాలో ఓ వ్యక్తి రోదన ! నిజమేనా ?
ఆగ్రాలో ఓ వ్యక్తి తన తల్లికి పెట్టిన ఆక్సిజన్ సిలిండర్ తొలగించవద్దని, తీసేస్తే చచ్చిపోతుందని విలపిస్తూ పోలీసుల కాళ్ళమీద పడ్డాడు. అక్కడి ఓ ప్రైవేటు ఆసుపత్రి ముందు ఈ నెల 27 న కనబడిన దృశ్యమిది !
ఆగ్రాలో ఓ వ్యక్తి తన తల్లికి పెట్టిన ఆక్సిజన్ సిలిండర్ తొలగించవద్దని, తీసేస్తే చచ్చిపోతుందని విలపిస్తూ పోలీసుల కాళ్ళమీద పడ్డాడు. అక్కడి ఓ ప్రైవేటు ఆసుపత్రి ముందు ఈ నెల 27 న కనబడిన దృశ్యమిది ! ఈ సిటీలోని సదర్ హాస్పిటల్ వద్ద ఏ కారణం వల్లో కొన్ని ఆక్సిజన్ సిలిండర్లను బయటకు చేర్చారు. అయితే కోవిడ్ తో బాధ పడుతున్న తన తల్లిని ఈ ఆసుపత్రిలో అడ్మిట్ చేశానని, కానీ ఆమెనుంచి సిలిండర్ తొలగించారని ఆ వ్యక్తి బావురుమన్నాడు. ఓ సిలిండర్ ను హాస్పిటల్ నుంచితెచ్చి బయట ఉన్న అంబులెన్స్ లోకి చేర్చారు ఒకరిద్దరు వ్యక్తులు… కాగా తన తల్లిని తిరిగి తీసుకువస్తానని తన కుటుంబానికి ప్రామిస్ చేశానని, దయచేసి ఆక్సిజన్ సిలిండర్ ని తొలగించవద్దని ఆ వ్యక్తి పోలీసుల కాళ్ళావేళ్ళా పడ్డాడు. మరో సిలిండర్ ను తాను ఎక్కడినుంచి తేవాలని కూడా అన్నాడు. ఈ వీడియో సోషల్ మీడియాలో వైరల్ అవుతోంది. యూత్ కాంగ్రెస్ దీన్ని విడుదల చేస్తూ యూపీలో పరిస్థితులు ఇంత దారుణంగా ఉన్నాయని ట్వీట్ చేసింది. అయితే సీన్ కట్ చేస్తే…పోలీసుల కథనం మరోలా ఉంది. ఆగ్రాలో రెండు రోజుల క్రితం ఆక్సిజన్ కొరత ఏర్పడిందని, దీంతో కొందరు వ్యక్తులు తమ పర్సనల్ సిలిండర్లను హాస్పిటల్స్ కి ఇస్తున్నారని వారు చెప్పారు.
ఈ వీడియోలో ఇద్దరు వ్యక్తులు ఖాళీగా ఉన్న ఆక్సిజన్ సిలిండర్ ను తీసుకువెళ్తున్నట్టు ఉందని, కోవిడ్ రోగి అయిన తన తల్లికి కూడా సిలిండర్ ఏర్పాటు చేయాలని మరో వ్యక్తి కోరుతున్నట్టు ఇందులో ఉందని ఆగ్రా ఎస్పీ చెప్పారు. కానీ ఆక్సిజన్ తో నింపిన సిలిండర్లను ఎవరూ బయటకు తీసుకువెళ్లడం లేదని ఆయన అన్నారు. ప్రజలను తప్పుదారి పట్టించడానికి ఇలాంటి వీడియోలను సోషల్ మీడియాలో సర్క్యులేట్ చేస్తున్నారని ఆయన వివరించారు. ఈ విధమైన వీడియోల వ్యాప్తిని అరికట్టేందుకు చర్యలు తీసుకుంటున్నామని తెలిపారు.
This is a really heart breaking video.A man is begging in front of policeman not to take a Oxygen cylinder he has arranged for his mom in Agra, UP.
This is a total inhumane act by the police.
Is this how you should treat your fellow citizens Mr Yogi ? pic.twitter.com/Z4qTqsl5rY
— Youth Congress (@IYC) April 28, 2021
उपाध्याय हॉस्पिटल के वायरल वीडियो, ऑक्सीजन की समस्या से ग्रसित व्यक्ति, खाली सिलेंडर को ले जाकर भरवाने की कोशिश व 1 व्यक्ति द्वारा पुलिस से सहायता हेतु सिलेंडर की मांग दर्शाते हुए, भ्रामक तरीके से पोस्ट किए गए वीडियो के खंडन के संबंध में #SPCityAgra द्वारा दी गई बाइट। @Uppolice pic.twitter.com/XSvvbn11kC
— AGRA POLICE (@agrapolice) April 28, 2021
మరిన్ని ఇక్కడ చూడండి: దేవసేనకు పెళ్లంట.. తనకంటే చిన్నవాడిని పెళ్లి చేసుకోనున్న అనుష్క.. నెట్టింట్లో స్వీటీ మ్యారెజ్ గాసిప్..
