జియో మ‌రో అదిరిపోయే ఆఫ‌ర్…యూజ‌ర్ల‌కు ఫుల్ వినోదం..

సంచ‌ల‌న ఆఫ‌ర్ల‌తో ఎప్పుడూ వినియోగ‌దార్ల‌ను ఆక‌ట్టుకునే జియో..మ‌రో క్రేజీ ఆఫ‌ర్ ప్రవేశ‌పెట్టింది. జియో వినియోగించే ప్రిపెయిడ్ క‌స్ట‌మ‌ర్ల‌కు డిస్నీ+ హాట్‌స్టార్‌ వీఐపీ సబ్‌స్క్రిప్షన్ సంవ‌త్స‌రం పాటు ఫ్రీగా ఇవ్వాలని నిర్ణయించింది. అయితే, రూ.401 మంత్లీ రిఛార్జి ప్లాన్‌, రూ.2,599 ఏడాది ప్లాన్‌, రూ.1208, రూ.612, డేటా వోచర్లు.. వీటిలో ఏదో ఒక ప్లాన్‌ను ఎంపిక చేసుకునేవారికి మాత్రమే ఈ ఆఫర్‌ వర్తిస్తుంది.

ఈ ఆఫర్‌ను ప్ర‌వేశ‌పెట్ట‌బోతున్న‌ట్లు ఇటీవల సోష‌ల్ మీడియాలో స‌మాచారం అందించిన‌ కంపెనీ.. క‌స్ట‌మ‌ర్ల నుంచి నుంచి భారీ రెస్పాన్స్ రావడంతో శనివారం రాత్రి ప్లాన్‌ను లాంఛ్‌ చేసింది. దీనికి సంబంధించిన వివ‌రాల‌ను అఫిషియ‌ల్ ట్విటర్‌ ఖాతాలో ఉంచింది.

Disney+ Hotstar VIP worth ₹399 for 1 year at no extra cost. #JioTogether #DisneyPlusHotstar#Recharge pic.twitter.com/A5CBfKFsFi

— Reliance Jio (@reliancejio) June 6, 2020

కాగా ఇటువంటి ఆఫర్‌ ఇప్పటికే ఎయిర్‌టెల్ ప్రవేశ‌పెట్టింది. రూ.401తో రిఛార్జ్‌ చేసుకునే వారికి ఏడాదిపాటు డిస్నీ+హాట్‌స్టార్‌ వీఐపీ సబ్‌స్క్రిప్షన్ ఫ్రీగా ఇస్తోంది. మాములుగానే త‌న ఆఫ‌ర్లు, రిఛార్జ్ ప్లాన్స్ తో ప్ర‌త్య‌ర్థి కంపెనీల‌కు ద‌డ పుట్టించే జియో, ఎయిర్‌టెల్‌కు పోటీగా ఈ ఆఫర్‌తో ముందుకు వచ్చింది.