జీ4 వైరస్ కొత్తేమి కాదు.. కరోనాలా వ్యాపించదు..
జీ4 వైరస్ గురించి తాజాగా చైనా స్పష్టత ఇచ్చేందుకు ప్రయత్నం చేసింది. జీ4 వైరస్ కొత్తదేమి కాదని తేల్చిన చైనా.. .. 2011 నుంచి ప్రపంచ ఆరోగ్య సంస్థ..
Updated on: Jul 05, 2020 | 1:11 AM
G4 Swine Flu Virus: కరోనా వైరస్తో ప్రపంచదేశాలన్నీ వణికిపోతున్న తరుణంలో చైనా పరిశోధకులు ఇటీవల జరిపిన ఓ అధ్యయనంలో మహమ్మారిగా ప్రబలే ఓ కొత్త రకమైన స్వైన్ ఫ్లూ వైరస్ను గుర్తించిన సంగతి తెలిసిందే. దానికి సంబంధించి అమెరికా సైన్స్ జర్నల్ ఓ కథనాన్ని కూడా ప్రచురించింది. G4 అని పిలువబడే ఈ వైరస్ జన్యుపరంగా H1N1 జాతి నుండి వచ్చిందని డ్రాగన్ కంట్రీ శాస్త్రవేత్తలు తెలిపారు.
Also Read: ఏపీ ప్రజలకు గుడ్ న్యూస్.. ఇక నుంచి టికెట్లెస్ ప్రయాణం..!
ఇదిలా ఉంటే ఈ జీ4 వైరస్ గురించి తాజాగా చైనా స్పష్టత ఇచ్చేందుకు ప్రయత్నం చేసింది. జీ4 వైరస్ కొత్తదేమి కాదని తేల్చిన చైనా.. 2011 నుంచి ప్రపంచ ఆరోగ్య సంస్థ, స్థానికంగా ఉండే హెల్త్ ఏజెన్సీలు క్రమం తప్పకుండా ఈ వైరస్ను పర్యవేక్షిస్తున్నాయని పేర్కొంది. అలాగే పందుల్లో కనిపిస్తున్న ఈ వైరస్ కరోనాలా అంత సులభంగా మనుషులకు, జంతువులకు సోకదని తెలిపింది. పందుల్లో కూడా ఈ వైరస్ పూర్తిస్థాయి వ్యాపించిందని చెప్పడానికి శాస్త్రీయంగా ఆధారాలు లేవని చైనా స్పష్టం చేసింది. మహమ్మారిగా మారే అవకాశం లేదని డ్రాగన్ కంట్రీ తేల్చింది. అయితే కరోనా వైరస్ విషయంలో కూడా చైనా మొదట్లో ఇలాగే చెప్పడంతో ఇప్పుడు మరోసారి ఆ దేశంపై అనుమానాలు వ్యక్తం అవుతున్నాయి.G4 Swine Flu Virus
