Breaking News
  • భారత్ లో విజృంభిస్తున్న “కరోనా” వైరస్. 7 లక్షల 42 వేలు దాటిన కరోనా పాజిటివ్ కేసుల సంఖ్య . గడచిన 24 గంటలలో అత్యధికంగా 22, 752 కరోనా పాజిటివ్ కేసులు నమోదు. • గడచిన 24 గంటలలో దేశంలో “కరోనా” వల్ల మొత్తం 482 మంది మృతి • దేశంలో ఇప్పటివరకు నమోదయిన “కరోనా” పాజిటివ్ కేసుల సంఖ్య 7,42,417 • దేశ వ్యాప్తంగా యాక్టీవ్ కేసులు 2,64,944 • “కరోనా” కు చికిత్స పొంది డిశ్చార్జ్ అయిన వారి సంఖ్య 4,56,830 • “కరోనా” వల్ల దేశంలో మొత్తం మృతి చెందిన వారి సంఖ్య 20,642 గడచిన 24 గంటలలో దేశ వ్యాప్తంగా 2,62,679 కరోనా వైరస్ నిర్దారణ పరీక్షలు ఇప్పటి వరకు దేశంలో 1,04,73,771 కరోనా వైరస్ నిర్దారణ పరీక్షలు
  • తెలంగాణలో భారీ వర్ష సూచన . మెదక్, సిద్దిపేట, రాజన్నసిరిసిల్ల, కామారెడ్డి, సంగారెడ్డి, మేడ్చల్ మల్కాజ్గిరి, హైదరాబాద్, రంగారెడ్డి, జనగామ, యాదాద్రి భువనగిరి, వికారాబాద్ జిల్లాలలో భారీ వర్షాలు . ఉత్తర కోస్తా ఆంధ్ర ప్రాంతాల్లో 5.8 km ఎత్తు వద్ద బలహీనపడిన ఉపరితల ఆవర్తనం . అక్కడక్కడ ఉరుములు, మెరుపులతో పాటు తేలికపాటి నుండి ఒక మోస్తరు వర్షాలు. ఎల్లుండి తేలికపాటి నుండి ఒక మోస్తరు వర్షాలు చాలా చోట్ల కురిసే అవకాశం . వాతావరణ శాఖ సీనియర్ సైంటిస్ట్ రాజారావు.
  • విశాఖ: ఎల్జీ పాలిమర్స్ కేసు . 12 మంది నిందితులను సెంట్రల్ జైల్ కు తరలించిన పోలీసులు . 22 వరకు రిమాండ్ విధించిన కోర్ట్.. జ్యుడీషియల్ కస్టడీకి అప్పగిస్తున్న పోలీసులు . ద్వారకా ఏసీపీ కార్యాలయం నుంచి సెంట్రల్ జైలుకు తరలింపు.
  • తబ్లీగీ జమాత్ విదేశీ సభ్యులకు ఢిల్లీ కోర్టు బెయిల్. రూ. 10,000 పూచీకత్తుపై బెయిల్ మంజూరు. బెయిల్ పొందినవారిలో బ్రెజిల్, ఆస్ట్రేలియా, ఫిజీ, చైనా, ఫిలిప్పీన్స్ జాతీయులు. వీసా నిబంధనలు ఉల్లంఘిస్తూ, చట్ట వ్యతిరేకంగా తబ్లీగీ జమాత్‌లో పాల్గొన్నందుకు కేసులు పెట్టిన ప్రభుత్వం.
  • జూబిలీహిల్స్ పబ్లిక్ స్కూల్ ఇన్స్పెక్షన్ చేసిన పాఠశాల విద్యాశాఖ జాయింట్ డైరెక్టర్, హైద్రాబాద్ డీఈఓ. నిబంధనలు పాటించడం లేదని పిర్యాదు లు రావడం తో తనిఖీ లు . కొన్ని డాక్యుమెంట్స్ తీసుకొని వెళ్లిన అధికారులు.. మరి కొన్ని డాక్యుమెంట్స్ సమర్పించాలని యాజమాన్యానికి ఆదేశం. ఫైల్స్ మెయింటైన్స్ సరిగా లేవని,పారదర్శకంగా లేవని ప్రాథమిక అంచనాకు వచ్చిన అధికారులు.
  • యాంటిజెన్ టెస్ట్ లు uphc లలో ప్రారంభం. Ghmc లో 50 సెంటర్స్ లో రంగారెడ్డి లో 20 సెంటర్స్. మేడ్చల్ లో 20 సెంటర్స్. ఒక్కో uphc లో మ్యాక్సీమం 25 శాంపిల్స్ తీసుకోవాలని అధికారుల ఆదేశాలు. సింటమ్స్ ఉన్నవారికి, కాంటాక్ట్ హిస్టరీ ఉన్నవారికి టెస్ట్ లు. ఎవరిని సెలెక్ట్ చెయ్యాలో అర్ధం కాని హెల్త్ సిబ్బంది. 30 నిమిషాలలో రిజల్ట్ కావడం తో కరోనా అనుమానితులు మాకు మాకు చెయ్యండి అని ముందుకు వస్తున్నారు. 15 నుంచి 30 నిమిషాలలో రిపోర్ట్ రావాలి .. లేదంటే ఫాల్స్ రిజల్ట్ గా పరిగణిస్తారు. అన్ని శాంపిల్స్ ను తీసుకుని , టైమర్ పెట్టుకుని పరీక్షించాల్సి ఉన్న టెక్నిషియన్.
  • టీవీ9 తో ఉస్మానియా ప్రొఫెసర్ వెంకటేశ్వర్లు. గాలి లో కూడా కరోన కణాలు ఉండి పోతాయి. తుమ్మితే, దగ్గితేనే కాదు , గాలి పీల్చడం ద్వారా కూడా కరోన వ్యాప్తి జరుగుతుంది. పొల్యూషన్ ఎక్కువగా ఉన్న ప్రాంతంలో కరోనా వైరస్ గాలి లో ఎక్కువ సేపు నిలబడి పోతుంది. అందుకే మెట్రో సిటీస్ లో వేగంగా వ్యాప్తి చెందుతుంది. ఇలాంటి స్థితి లో ఇళ్లలో ,అప్పర్ట్మెంట్స్ లో ఐసోలేషన్ లో ఉండటం అనేది కూడా ప్రమాధకారమైనదే. క్వాలిటీ ఉన్న మాస్క్ లను , షానిటేజర్లను వాడాలి.

బ్రేకింగ్: చైనాలో మరో కొత్త వైరస్.. మానవజాతికి మరో డేంజర్..

కరోనా వైరస్‌తో ప్రపంచదేశాలన్నీ వణికిపోతున్న తరుణంలో చైనా పరిశోధకులు మరో సంచలన విషయాన్ని బయటపెట్టారు. ఇటీవల జరిపిన ఓ అధ్యయనంలో మహమ్మారిని తలపించే విధంగా ఉన్న ఓ కొత్త రకమైన స్వైన్ ఫ్లూను వారు కనుగొన్నారు.
New Influenza Virus G4, బ్రేకింగ్: చైనాలో మరో కొత్త వైరస్.. మానవజాతికి మరో డేంజర్..

కరోనా వైరస్‌తో ప్రపంచదేశాలన్నీ వణికిపోతున్న తరుణంలో చైనా పరిశోధకులు మరో సంచలన విషయాన్ని బయటపెట్టారు. ఇటీవల జరిపిన ఓ అధ్యయనంలో మహమ్మారిగా ప్రబలే ఓ కొత్త రకమైన స్వైన్ ఫ్లూ వైరస్‌ను వారు కనుగొన్నారు. దానికి సంబంధించి అమెరికా సైన్స్ జర్నల్ ఓ కథనాన్ని కూడా ప్రచురించింది. G4 అని పిలువబడే ఈ వైరస్ జన్యుపరంగా H1N1 జాతి నుండి వచ్చిందని వారు అంటున్నారు.

ఈ వైరస్‌ మానవులకు సోకే ప్రమాదం ఉందని.. తొలిదశలోనే అరికట్టాల్సిన అవసరం ఉందని.. లేదంటే మహమ్మారి ప్రబలే అవకాశాలు ఎక్కువగా ఉన్నాయని చైనీస్ వర్సిటీలు, చైనా సెంటర్ ఫర్ డిసీజ్ కంట్రోల్ అండ్ ప్రివెన్షన్ శాస్త్రవేత్తలు చెబుతున్నారు. 2011 నుండి 2018 వరకు పరిశోధకులు 10 చైనా ప్రావిన్సులు, పశువైద్య ఆసుపత్రిలోని పందుల కళేబరాల నుంచి 30,000 నాజల్ శ్వాబ్స్‌ను తీసుకుని 179 స్వైన్ ఫ్లూ వైరస్‌లను ఐసోలేట్ చేశారు. వాటిల్లో ఎక్కువ సంఖ్య కొత్త రకం వైరస్‌లు ఉన్నట్లుగా గుర్తించారు. ఇవన్నీ కూడా మనుషులకు సోకే ఛాన్స్ ఎక్కువగా ఉందని.. వాటిపై విస్తృతంగా పరిశోధనలు జరపాల్సి ఉందని అంటున్నారు.

G4 ప్రమాదకరమైన అంటువ్యాధి అని చైనీస్ శాస్త్రవేత్తలు తెలిపారు. ఈ వైరస్ మూడు ప్రత్యేకమైన జాతుల సమ్మేళనం అని అన్నారు. ఒకటి యూరోపియన్, ఆసియా పక్షులలో కనిపించే జాతుల మాదిరిగా ఉంటుందని, రెండోది 2009లో వచ్చిన సార్స్ఎం,  ఇన్‌ఫ్లూఎంజా మహమ్మారికి కారణమైన H1N1 జాతి అని, మూడోది ఏవియన్, హ్యూమన్, పిగ్ ఇన్‌ఫ్లూఎంజా వైరస్‌ల జన్యువులతో కలిగి ఉన్న ఉత్తర అమెరికా H1N1 అని తెలిపారు. దీనికి విరుగుడు లేదని.. ఒకవేళ మనుషులకు సంక్రమిస్తే మిగతా ఫ్లూ వైరస్‌ల మాదిరిగా తగ్గదని స్పష్టం చేశారు. ఇప్పటికే ఈ వైరస్ చైనా పందుల నుంచి మనుషులకు సంక్రమించిందని.. కానీ మనిషి నుంచి మనిషికి సంక్రమిస్తుందన్న దానికి ఆధారాలు లేవన్నారు.

ప్రస్తుతం విస్తృతంగా పరిశోధనలు చేస్తున్నామని తెలిపారు. ఫెర్రెట్స్‌తో సహా వివిధ ప్రయోగాలు చేసిన శాస్త్రవేత్తలు ఫ్లూ సమయంలో మనుషులు అనుభవించే జ్వరం, దగ్గు, తుమ్ములు మాదిరి లక్షణాలే ఉన్నట్లు గమనించారు. అందుకే చైనీస్ మార్కెట్లలో పందులతో పని చేసే వ్యక్తులను దగ్గరగా పర్యవేక్షించాలని పరిశోధకులు చెబుతున్నారు. కాగా, జీ4 వైరస్ పట్ల అప్రమత్తంగా ఉండాల్సిన అవసరం ఎంతైనా ఉందని.. లేదంటే ప్రమాదం తప్పదని హెచ్చరించారు.

ఇది చదవండి: ఇంట్లోనే స్వీయ నిర్బంధం.. తీసుకోవాల్సిన జాగ్రత్తలు.. ఇలా ఉంటేనే సేఫ్..

Related Tags