‘భీష్మ’ చిత్రానికీ తప్పని టైటిల్ వివాదం.. బీజేపీ అభ్యంతరం!
గతంలో మెగా వారసుడు వరుణ్ తేజ్ నటించిన 'వాల్మీకి' టైటిల్‌పై రేగిన వివాదాలు ఇప్పుడు నితిన్ హీరోగా వస్తోన్న 'భీష్మ' చిత్ర యూనిట్‌కి..
గతంలో మెగా వారసుడు వరుణ్ తేజ్ నటించిన ‘వాల్మీకి’ టైటిల్‌పై రేగిన వివాదాలు ఇప్పుడు నితిన్ హీరోగా వస్తోన్న ‘భీష్మ’ చిత్ర యూనిట్‌కి కూడా తప్పడం లేదు. తాజాగా ఈ చిత్రం టైటిల్ వల్ల హిందువుల మనోభావాలు దెబ్బతింటున్నాయని.. హీరోని లవర్‌బోయ్‌గా చూపిస్తూ, ‘భీష్మ’ అని టైటిల్ పెట్టడం బాధాకరమని బీజేపీ ధార్మిక సెల్ సభ్యులు అభ్యంతరం వ్యక్తం చేస్తున్నారు. వెంటనే చిత్ర నిర్మాతలు స్పందించి, టైటిల్ మార్చాలని.. లేకుంటే చిత్రం విడుదలను అడ్డుకుంటామన్నారు. అవసరమైతే టైటిల్ విషయంపై కోర్టుకు కూడా వెళ్తామని హెచ్చరిస్తున్నారు.
కాగా.. తాజాగా ఈ చిత్రం 17వ తేదీన ప్రీరిలీజ్ ఈవెంట్‌ను జరుపుకుంది. అయితే ఈ నెల 21న మహా శివరాత్రి కానుకగా రిలీజ్ చేస్తున్నట్లు మేకర్స్ ప్రకటించారు. ఇందులో రష్మికా మందన్న హీరోయిన్‌గా నటించింది. ఈ సినిమాకి వెంకీ కుడుముల దర్శకత్వం వహించగా.. సూర్యదేవర నాగ వంశీ నిర్మాతగా వ్యవహరించారు.
