BSNL బంపర్ ఆఫర్.. అతి తక్కువ రీఛార్జ్‌తో ఇప్పుడు 380 రోజుల వ్యాలిడిటీ.. ధర ఎంతో తెలిస్తే షాకవుతారు!
BSNL Recharge Plan: వినియోగదారులు ఈ ప్లాన్‌ల వివరాలను తమ సమీపంలోని బీఎస్ఎన్ఎల్ కార్యాలయం, బీఎస్ఎన్ఎల్ వెబ్‌సైట్ లేదా బీఎస్ఎన్ఎల్ సెల్ఫ్-కేర్ యాప్ నుండి పొందవచ్చు. 1800-180-1503 నంబర్‌కు కాల్ చేయడం ద్వారా కూడా వినియోగదారులు ఈ ఆఫర్ గురించి సమాచారాన్ని..
Updated on: Oct 06, 2026 | 5:31 PM
BSNL: ప్రభుత్వ రంగ టెలికాం సంస్థ భారత్ సంచార్ నిగమ్ లిమిటెడ్ (BSNL) తన వినియోగారులకు తక్కువ ధరల్లో అద్భుతమైన ప్లాన్స్‌ను తీసుకువస్తోంది. సాధారణంగా ఈ ప్లాన్‌కు 365 రోజుల వ్యాలిడిటీ ఉన్నప్పటికీ, శుభవార్త ఏమిటంటే, ఇప్పుడు కంపెనీ అదనపు వ్యాలిడిటీని అందిస్తోంది. అంటే ఇప్పుడు ఇది మొత్తం 380 రోజుల వ్యాలిడిటీని అందిస్తోంది. ఈ ప్లాన్‌లో లభించే ప్రయోజనాలను ఇప్పుడు చూద్దాం.
బిఎస్ఎన్ఎల్ రూ. 2399 ప్లాన్:
BSNL ఒక సంవత్సర కాలానికి రూ. 2,399 కే చవకైన ప్రీపెయిడ్ ప్లాన్‌ను అందిస్తోంది. సాధారణంగా ఈ ప్లాన్ వ్యాలిడిటీ 365 రోజులు ఉండగా, కంపెనీ ఇప్పుడు అదనంగా 15 రోజుల వ్యాలిడిటీని అందిస్తోంది. దీంతో మొత్తం వ్యాలిడిటీ 380 రోజులకు చేరుకుంది. ధర, వ్యాలిడిటీ వ్యవధి ఆధారంగా, ఈ ప్లాన్ రోజువారీ ఖర్చు రూ. 6.31 అవుతుంది.
ఇప్పుడు మీకు 30GB అదనపు డేటా లభిస్తుంది:
ఈ ప్లాన్ వ్యాలిడిటీ వ్యవధిని పొడిగించడంతో పాటు, అందించే డేటా పరిమాణాన్ని కూడా పెంచారు. ఈ ప్లాన్ కింద వినియోగదారులకు రోజుకు 2GB డేటా లభిస్తుంది. అంటే మొత్తం 380 రోజుల వ్యాలిడిటీతో, వినియోగదారులు ఈ కాలంలో మొత్తం 760GB డేటాను పొందుతారు. ఇది గత 365 రోజుల 730GB పరిమితి కంటే అదనంగా 30GB డేటా.
ఇది కూడా చదవండి: DMartకు ఏ రోజు వెళ్తే ఫ్రెష్ స్టాక్ దొరుకుతుందో తెలుసా? ఈ ట్రిక్ చాలామందికి తెలియదు!
ఈ ప్లాన్ తన వినియోగదారులకు అన్ని నెట్‌వర్క్‌లకు అపరిమిత కాలింగ్‌ను అందిస్తుంది. దీనివల్ల వారు ఏ నెట్‌వర్క్‌లోనైనా తమకు కావలసినంత సేపు మాట్లాడుకోవచ్చు. ఇందులో రోజుకు 100 SMSలు కూడా ఉంటాయి. అంటే 380 రోజుల వ్యాలిడిటీతో, వినియోగదారులు మొత్తం 38,000 SMSలను పంపవచ్చు.
ఇది పరిమిత కాల ఆఫర్ అని BSNL తన X (ట్విట్టర్) పోస్ట్‌లో ప్రకటించింది. ఈ ఆఫర్ అక్టోబర్ 1 నుండి అక్టోబర్ 15 వరకు చెల్లుబాటులో ఉంటుంది. అంటే, అదనపు వ్యాలిడిటీ పీరియడ్ పొందడానికి మీరు అక్టోబర్ 15 లోపు రీఛార్జ్ చేసుకోవాలి. ఈ తేదీ తర్వాత ప్లాన్ దాని సాధారణ 365 రోజుల వ్యాలిడిటీ పీరియడ్‌కు తిరిగి మారిపోతుంది. మీరు అదనపు వ్యాలిడిటీ పీరియడ్‌ను పాత ధరకే పొందాలనుకుంటే వెంటనే ఈ ఆఫర్‌ను సద్వినియోగం చేసుకోండి.
వినియోగదారులు ఈ ప్లాన్‌ల వివరాలను తమ సమీపంలోని బీఎస్ఎన్ఎల్ కార్యాలయం, బీఎస్ఎన్ఎల్ వెబ్‌సైట్ లేదా బీఎస్ఎన్ఎల్ సెల్ఫ్-కేర్ యాప్ నుండి పొందవచ్చు. 1800-180-1503 నంబర్‌కు కాల్ చేయడం ద్వారా కూడా వినియోగదారులు ఈ ఆఫర్ గురించి సమాచారాన్ని పొందవచ్చని కంపెనీ తెలిపింది.
ఇది కూడా చదవండి: Monthly Pension: కేంద్ర సర్కార్‌ నుంచి నెలకు రూ.3 వేల పెన్షన్‌.. దరఖాస్తు చేసుకోండిలా..!
మరిన్ని బిజినెస్ వార్తల కోసం ఇక్కడ క్లిక్ చేయండి
