పథకం ప్రకారమే కెప్టెన్‌ స్మిత్‌ మచ్చర్‌‌పై దాడి చేశా!

ఫ్లై దుబాయ్ విమానాన్ని మధ్య గగనంలో కూల్చివేసేందుకు కుట్ర పన్నిన కో-పైలట్ హమామ్ అల్-హమ్మామీ పోలీసుల విచారణలో తన నేరాన్ని ఒప్పుకున్నాడు. పథకం ప్రకారమే విమానాన్ని కూల్చేయాలని అనుకున్నానని, అందుకోసమే ప్రధాన కెప్టెన్ స్మిత్ మచ్చర్ దృష్టి మళ్లించి, ఆయనపై కత్తితో దాడి చేశానని విచారణలో సంచలన నిజాలు వెల్లడించాడు. తనకు మరణం అంటే భయం లేదని వ్యాఖ్యానించినప్పటికీ, ఈ కుట్ర వెనుక ఉన్న అసలు సూత్రధారులు ఎవరనేది మాత్రం అతడు బయటపెట్టలేదు. కో-పైలట్ హమామ్ అల్-హమ్మామీ నేపథ్యంపై ఇజ్రాయెల్, సౌదీ అరేబియా దర్యాప్తు బృందాలు లోతుగా విచారణ జరుపుతున్నాయి. యూఏఈలో జన్మించిన హమ్మామీ తండ్రి ఒమన్ జాతీయుడు కాగా, తల్లి సిరియాకు చెందినది. ఫ్లై దుబాయ్‌లో చేరటానికి ముందు అతడు ఒమన్, సిరియా, మొరాకో దేశాల్లో నివసించాడు. ముఖ్యంగా సిరియాలో సుదీర్ఘకాలం పాటు సాగిన అంతర్యుద్ధం సమయంలోనే తీవ్రవాద భావజాలానికి ఆకర్షితుడై ఉంటాడని అధికారులు ప్రాథమికంగా భావిస్తున్నారు. అతడి సోషల్ మీడియా ఖాతాలలో వేల సంఖ్యలో ఉగ్రవాద అనుకూల పోస్టులు, సందేశాలు ఉన్నట్లు గుర్తించారు. అంతర్జాతీయ ఉగ్రవాద ముఠాలతో, ఇరాన్ సంస్థలతో అతడికి ఏమైనా సంబంధాలు ఉన్నాయా అనే కోణంలో విచారణ తీవ్రతరం చేస్తున్నారు.