తాగొచ్చిన వరుడు…తిరస్కరించిన వధువు

కాసేపట్లో వధువు మెడలో తాళి కట్టాల్సి ఉండగా వరుడు తప్పతాగి పెళ్లి మంటపానికి తూలుతూ వచ్చాడు. అది గమనించిన వధువు ఆ యువకుణ్ని తిరస్కరించింది. వరుడి తరఫు బంధువులు గొడవకు దిగగా.. వధువు తల్లిదండ్రులు గట్టిగా బదులిచ్చారు. పెళ్లి రోజే తాగొచ్చిన అబ్బాయికి తమ పిల్లను ఎలా ఇవ్వమంటారని ప్రశ్నించారు. దీంతో చేసేదేం లేక ఆ తాగుబోతు యువకుణ్ని పెళ్లి మంటపం నుంచి తమ వెంట తీసుకెళ్లారు బంధువులు. పెళ్లి వేడుకల కోసం తీసుకొచ్చిన వస్తువులను యథావిధిగా ప్యాక్ చేసుకొని వెళ్లిపోయారు.

బిహార్‌లోని ఛాప్రా పట్టణంలో ఈ ఘటన జరిగింది. పెళ్లి రోజే తాగొచ్చి వివాహ వేదిక వద్ద నానా హంగామా చేశాడు. ఆ యువకుడు తనకు పెళ్లి జరుగుతోందన్న విషయం కూడా మరిచిపోయి ఫుల్లుగా తాగేసి వచ్చాడు. చుట్టుపక్కల ఏం జరుగుతుందో కూడా తెలియని స్థితిలో అతడున్నాడు. అలాంటి వాడికి మా అమ్మాయిని ఎలా ఇవ్వాలి?’ అని వధువు తండ్రి ఆవేదన వ్యక్తం చేశాడు. వధువు తీసుకున్న నిర్ణయానికి పలువురు ప్రశంసల వర్షం కురిపిస్తున్నారు. ఘటనకు సంబంధించిన వీడియో వైరల్‌గా మారింది.