Bigg Boss 4 : అఖిల్ గురించి అసలు విషయం బయటపెట్టిన మోనాల్.. బిగ్ బాస్ హౌస్‌లోకి రాకముందే..

బిగ్ బాస్ సీజన్ 4.. మొదట్లో చప్పగా సాగిన ఈ షో ఇప్పుడు రసవత్తరంగా మారింది. మరి కొద్దిరోజుల్లో ఈ సీజన్ కు శుభం కార్డు పడనుంది.

  • Rajeev Rayala
  • Publish Date - 12:06 pm, Sun, 13 December 20
Bigg Boss 4 : అఖిల్ గురించి అసలు విషయం బయటపెట్టిన మోనాల్.. బిగ్ బాస్ హౌస్‌లోకి రాకముందే..

బిగ్ బాస్ సీజన్ 4.. మొదట్లో చప్పగా సాగిన ఈ షో ఇప్పుడు రసవత్తరంగా మారింది. మరి కొద్దిరోజుల్లో ఈ సీజన్ కు శుభం కార్డు పడనుంది. ప్రస్తుతం హౌస్ లో ఆరుగురు సభ్యులు ఉన్నారు. వీరిలో అఖిల్ ఫైనల్ కు వెళ్ళిపోయాడు. ఇక మిగిలిన వారిని ఎంపిక చేయడానికి రకరకాల టాస్క్ లు ఇస్తున్నాడు బిగ్ బాస్. శనివారం జరిగిన ఎపిసోడ్ లో సోహెల్ ను ఫైనల్ కు వెళ్లాడని నాగార్జున ప్రకటించారు. అయితే శనివారం జరిగిన టాస్క్ లో భాగంగా ఇంటిసభ్యులందరిని మిగిలినవారి గురించి వారి అభిప్రాయాలను అడిగి తెలుస్తుకున్నాడు నాగ్.

కంటెస్టెంట్స్ ముందు ఒక బోర్డు పెట్టి మీకు నచ్చిన ముగ్గురి నచ్చని ఇద్దరి ఫోటోలను ఆబోర్డ్ లో పెట్టమని చెప్పాడు నాగ్. దాంతో అందరు తమకు నచ్చిన వారి ఫోటోలను నచ్చని వారి ఫోటోలను బోర్డు పై ఉంచారు. అంతేకాదు, మొదట్లో ఆయా కంటెస్టెంట్ గురించి ఏమనుకున్నారు? ఇప్పుడేమనుకుంటున్నారు? అనేది చెప్పమన్నాడు.ఈ టాస్క్ లో మోనాల్ నచ్చినవారు   అఖిల్, హారిక, సోహెల్.. నచ్చనివారు  అభిజీత్, అరియానా అని తెలిపింది.

ఇక అఖిల్ గురించి ప్రస్తావిస్తూ.. అఖిల్ చాలా మంచివాడు. అఖిల్ ఇంట్లోకి రాగానే చాలా యాటిట్యూడ్ ఉన్న వ్యక్తి అనుకున్నా..మొదట్లో అందరితో ఎక్కువగా కలిసేవాడు కాదు అని చెప్పుకొచ్చింది. ఇక బిగ్ బాస్ హౌస్ లోకి రాకముందే అఖిల్  ఇన్‌స్టాగ్రామ్ ప్రొఫైల్ ను చెక్ చేసానని అప్పుడే ఇంప్రెస్ అయ్యానని, ఎంతైనా మోస్ట్ డిజైరబుల్ మ్యాన్ కదా అంటూ చెప్పుకొచ్చింది మోనాల్. ఇక ఈ అమ్మడు బిగ్ బాస్ హౌస్ లో అభిజీత్ తో మొదట్లో చట్టపట్టాలేసుకు తిరిగింది. ఆతర్వాత అభికి దూరంగా ఉంటూ అఖిల్ కు దగ్గరయింది ఈ గుజరాతీ భామ. ఇప్పుడు ఇలా హౌస్ లోకి రాకముందే అఖిల్ ప్రొఫైల్ చెక్ చేశా అని చెప్పడంతో అంతా ఒక్కసారిగా షాక్ అయ్యరు.