Allu Arjun debut in Tamil : త్వరలో కోలీవుడ్ లో ఎంట్రీ ఇవ్వనున్న అల్లువారబ్బాయి.. డైరెక్టర్ ఎవరంటే..?

Allu Arjun debut in Tamil : తెలుగు వారికి అల్లు అర్జున్‌గా.. మళయాళం వారికి మల్లు అర్జున్‌గా.. తెలిసిన మన స్టైలిష్‌ స్టార్‌.. ఇక తంబి అర్జున్‌ గా మారబోతున్నాడు. అవును.. త్వరలో బన్నీ తమిళ్‌ సినిమాల్లో కూడా ఎంట్రీ ఇవ్వబోతున్నాడు. ప్రస్తుతం ఈ ఇదే కోలీవుడ్ లో హాట్‌ టాపిక్ గా మారింది.

అల్లు అర్జున్‌ త్వరలో గౌతమ్‌ మీనన్‌ డైరెక్టన్లో ఓ తమిళ సినిమా చేయబోతున్నాడట. ఇప్పటికే కథ విన్న బన్నీ ఈ సినిమాకు ఓకే చెప్పాడట. ఇంకొన్ని రోజుల్లో ఈ మూవీకి సంబంధించిన డీటెయిల్స్‌ కూడా అనౌన్స్ చేయనున్నరట. గౌతమ్‌ మార్క్‌ లవ్‌ స్టోరీతో ఒకే సారి.. ఇటు తెలుగు.. అటు తమిళ్‌లోను ఈ సినిమా తెరకెక్కబోతుందట. ఇక ఈ సినిమాను ఓ బడా ప్రొడ్యూసర్‌ నిర్మించబోతున్నాడట.

నిజానికి స్టైలిష్ స్టార్ అల్లు అర్జున్ ఇప్పటికే తమిళ్ స్టార్ డైరెక్టర్‌ లింగుస్వామి డైరెక్షన్‌లో ఓ సినిమా చేయాల్సి ఉంది. కాని కొన్ని కారణాల వల్ల ఈ సినిమా మధ్యలోనే ఆగిపోయింది. ఇప్పుడు ఇన్నాళ్లకు బన్నీ మళ్లీ ఓ తమిళ సినిమా చేసేందుకు రంగం సిద్ధం అయింది.

ప్రస్తుతం పుష్ప సినిమా షూటింగ్ తో బిజీగా ఉన్న అల్లు అర్జున్.. ఈ సినిమా తరువాత కొరటాల శివ డైరెక్షన్‌లో సినిమా చేసేందుకు రెడీ అవుతున్నాడు. అంతేకాదు ఇప్పటికే ఈ సినిమా డీటెల్స్‌ను అనౌన్స్‌ చేశాడు. అయితే బన్నీ ఈ సినిమాతో పాటు గౌతమ్ మీనన్‌ సినిమాలో యాక్ట్ చేస్తాడా.. లేదా.. ముందు శివ సినిమా కంప్లీట్ చేసి.. ఆ తరువాత గౌతమ్‌తో జట్టు కడతాడో వేచి చూడాల్సిందే మరి

Also Read:

 విడుదలకు సిద్ధం అవుతున్న నవీన్ చంద్ర సినిమా.. సందేశాత్మక కథతో రూపొందిన ‘మిషన్ 2020’

సంచలనంగా మారిన శైలజానాథ్‌ శపథం.. రాహుల్‌.. ఆ పని చేయకుంటే ఆత్మార్పణ చేసుకుంటానన్న ఏపీ కాంగ్రెస్‌ చీఫ్‌