లాలూకి క‌రోనా ఫియ‌ర్..ఆ ఆస్ప‌త్రిలో ఏం జ‌రిగిందంటే..

ఆర్జేడీ నేత, బిహార్​ మాజీ సీఎం లాలూ ప్రసాద్ యాదవ్ ట్రీట్మెంట్ తీసుకుంటోన్న‌ ఆసుపత్రిలో ఓ రోగికి కరోనా సోకడం టెన్ష‌న్ క్రియేట్ చేస్తోంది. కొవిడ్​ పాజిటివ్ వచ్చిన రోగికి ట్రీట్మెంట్ చేసిన డాక్టర్ ఉమేష్ ప్రసాదే.. లాలూకు కూడా వైద్య సేవలందిస్తున్నారు.

వివరాల ప్రకారం రిమ్స్​ ఆసుపత్రికి వచ్చిన ఓ రోగికి సోమవారం రాత్రి క‌రోనా పాజిటివ్ అని తేలింది. వెంటనే అతడిని కోవిడ్-19 ట్రీట్మెంట్ సెంట‌ర్ కు తరలించారు. వెంట‌నే అల‌ర్ట‌యిన డాక్ట‌ర్లు.. ఇప్పటికే లాలూకు ట్రీట్మెంట్ అందిస్తోన్న‌ డాక్టర్​ ఉమేష్​ టీమ్ లోని వైద్యులందరినీ క్వారంటైన్​కు పంపించారు. క‌రోనా టెస్టుల కోసం వారి నుంచి శాంపిల్స్ సేకరించారు. డాక్ట‌ర్స్ టీమ్ లో ఎవరికైనా కరోనా పాజిటివ్​ అని తేలితే.. లాలూకు కూడా టెస్టులు నిర్వ‌హిస్తామ‌ని ఆస్ప‌త్రి యాజమాన్యం తెలిపింది. దాణా కుంభకోణం కేసులో జైలుశిక్ష అనుభవిస్తున్న లాలూ కొంతకాలంగా అనారోగ్యంతో బాధపడుతున్నారు. ఝార్ఖండ్​ రాంచీ నగరంలోని రాజేంద్ర ఇన్‌స్టిట్యూట్ ఆఫ్ మెడికల్ సైన్సెస్​(రిమ్స్​)లోని పేయింగ్ వార్డులో ట్రీట్మెంట్ తీసుకుంటున్నారు.