Kitchen Towel: మీ కిచెన్ టవల్‌తో జర భద్రం.. బోలెడు వ్యాధులకిదే కారణం.. ఇలా చేస్తే మీరు సేఫ్..
ఆరోగ్యంగా ఉండటానికి పరిశుభ్రత చాలా ముఖ్యం. కుటుంబంలోని గృహిణులు ఉదయం, సాయంత్రం పరిశుభ్రతపై చాలా శ్రద్ధ వహించడానికి కారణం ఇదే. శుభ్రతలో కూడా వంటగదిపై ప్రత్యేక శ్రద్ధ వహించాలి. కొద్దిపాటి అజాగ్రత్త మిమ్మల్ని ఫుడ్ పాయిజనింగ్‌కు గురి చేస్తుంది. అయితే ఇంత పరిశుభ్రత ఉన్నప్పటికీ రోగాల బారిన పడే ప్రమాదం ఉంది.
Updated on: Jun 05, 2023 | 6:36 AM
ఆరోగ్యంగా ఉండటానికి పరిశుభ్రత చాలా ముఖ్యం. కుటుంబంలోని గృహిణులు ఉదయం, సాయంత్రం పరిశుభ్రతపై చాలా శ్రద్ధ వహించడానికి కారణం ఇదే. శుభ్రతలో కూడా వంటగదిపై ప్రత్యేక శ్రద్ధ వహించాలి. కొద్దిపాటి అజాగ్రత్త మిమ్మల్ని ఫుడ్ పాయిజనింగ్‌కు గురి చేస్తుంది. అయితే ఇంత పరిశుభ్రత ఉన్నప్పటికీ రోగాల బారిన పడే ప్రమాదం ఉంది. దీని వెనుక కారణం మీ కిచెన్ టవల్. ఈ కిచెన్ టవల్ రోగాలకు నిలయంగా ఎలా ఉంటుందో తెలుసుకుందాం.
వంటగది టవల్ ఆహారాన్ని విషతుల్యం చేస్తుంది..
నిజానికి కిచెన్‌లో చిన్న, పెద్ద ప్రతి వస్తువుకు కిచెన్ టవల్స్ ఉపయోగిస్తాం. వంటగదిలో ఏమి చేసినా, చేతులు కడుక్కోవడానికి, తుడవడానికి, పాత్రలు శుభ్రం చేయడానికి తరచుగా హ్యాండ్ టవల్ అవసరం. అంటే, దీనిని బహుళార్ధసాధకంగా వినియోగిస్తాం. ఈ కారణంగా, వాటిలో బ్యాక్టీరియా భారీగా వచ్చే ప్రమాదం ఉంది. వంటగదిలో శుభ్రత అనేది మీ హ్యాండ్ టవల్ ఎంత శుభ్రంగా ఉందో అనేదానిపై ఆధారపడి ఉంటుంది.
పాత్రలు తుడవడం, చేతులు ఆరడం, కిచెన్ స్లాబ్‌లు తుడుచుకోవడం వంటి వాటికి ఉపయోగించే బట్టల్లో బ్యాక్టీరియా ఎక్కువగా ఉంటుందని ఓ అధ్యయనంలో తేలింది. ముఖ్యంగా నాన్‌వెజ్‌ తయారు చేసే ఇళ్లలో ఈ రిస్క్‌ ఎక్కువగా ఉంటుందని యూనివర్శిటీ ఆఫ్‌ మారిషస్‌ డాక్టర్‌ చెప్పారు. కిచెన్ టవల్ తడిగా ఉన్నప్పుడు ఇన్ఫెక్షన్ వ్యాపిస్తుంది. ఇది కాకుండా, నాన్ వెజ్ ఫుడ్ వండేటప్పుడు టవల్‌ను సరిగ్గా శుభ్రం చేయకపోతే, ఇన్ఫెక్షన్ వచ్చే ప్రమాదం కూడా ఎక్కువ.
మురికిగా ఉండే కిచెన్ టవల్స్ బ్యాక్టీరియా వృద్ధికి తోడ్పడటంతోపాటు ఫుడ్ పాయిజనింగ్ కు కారణమవుతాయి. సమస్య పెరగకముందే జాగ్రత్తగా ఉండాలి. టవల్స్ ను ఎలా శుభ్రంగా ఉంచుకోవాలో ఇప్పుడు తెలుసుకుందాం.
కిచెన్ టవల్ ఎలా శుభ్రం చేయాలి..
1. మీ వంటగదిలో ఉపయోగించే పాత్రలను ఎల్లప్పుడూ శుభ్రంగా, పొడిగా ఉంచాలి.
2. ఒక పని కోసం లేదా ఒక వ్యక్తి కోసం సపరేట్‌గా టవల్ ఉంచాలి.
3. మీ హ్యాండ్ టవల్‌ను క్రమం తప్పకుండా కడగడానికి ప్రయత్నించాలి. ప్రతి నెల వాటిని మార్చాలి.
4. డిటర్జెంట్‌తో టవల్‌ను కడిగిన తర్వాత, ఎండలో ఆరబెట్టవద్దు. ఇలా చేయడం వల్ల బ్యాక్టీరియా పెరిగే ప్రమాదం ఉంది.
5. టవల్‌ను బ్యాక్టీరియా లేకుండా చేయడానికి.. మైక్రోవేవ్‌లో 30 సెకన్ల పాటు ఉంచాలి. ఇలా చేయడం వల్ల టవల్‌లోని బ్యాక్టీరియా నాశనం అవుతుంది.
6. వంటగదిలో కాటన్ టవల్స్ ఉంచాలి. అవి పరిశుభ్రత పరంగా ఉత్తమమైనవి. సింథటిక్ దుస్తులలో బ్యాక్టీరియా వేగంగా వ్యాపిస్తుంది.
7. కిచెన్ టవల్ ప్రతి మూడు రోజులకు ఒకసారి వేడి నీటిలో డిటర్జెంట్ వేసి కడగాలి.
8. బ్లీచింగ్ కూడా చేయవచ్చు. వెనిగర్‌తో కూడా శుభ్రం చేయవచ్చు.
మరిన్ని హ్యూమన్ఇంట్రస్ట్ వార్తల కోసం ఈ లింక్ క్లిక్ చేయండి..
