మీ విజయానికి అడ్డుగా వచ్చేవి కేవలం మీ లోపాలు మాత్రమే.. వాటిని గుర్తించడంలో ఆలస్యం చేయకూడదు… చాణక్యుడు..

ఆచార్య చాణక్యుడు తన చాణక్య నీతి పుస్తకంలో ఎన్నో విషయాలను పొందుపరిచాడు. మనుషుల స్వభావాలు.. వారికున్న లోపాలను వివరించాడు.

Chanakya Neethi

Rajitha Chanti |
Updated on: Mar 31, 2021 | 12:53 PM

ఆచార్య చాణక్యుడు తన చాణక్య నీతి పుస్తకంలో ఎన్నో విషయాలను పొందుపరిచాడు. మనుషుల స్వభావాలు.. వారికున్న లోపాలను వివరించాడు. అలాగే జీవన మార్గంలో ఎదురయ్యే సమస్యలను ఎలా ఎదుర్కోవాలనే విషయాలను కూడా తెలిపాడు. అందులో ముఖ్యంగా చెప్పుకోవాల్సింది.. లోపం. ఒక వ్యక్తి విజయానికి తన లోపమే పెద్ద శత్రువుగా మారుతుందని చాణుక్యుడు చెప్పాడు.

ఒక వ్యక్తికి ఉండే అసూయ తన గమ్య స్థానానికి చేరుకోవడానికి అడ్డుగా మారుతుందని చాణుక్యుడు భావించాడు. ఇతరుల విషయంలో అసూయను పెంచుకోవడం అంటే.. నీ విలువను తగ్గించుకోవడమే అని చాణుక్యుడి విశ్వాసం. ఒక వ్యక్తిపై ఎప్పుడూ అసూయ పెంచుకునే వ్యక్తి తన లోపాలను గుర్తించలేడు. ఆ విషయాన్ని తాను కష్టపడి పనిచేసే సమయంలో మాత్రమే గుర్తించగలుగుతాడు. కానీ ఆ విషయం ఆలస్యంగా జరుగుతుంది. దీంతో మరో విషయం పై దాని ప్రభావం పడుతుందని చాణుక్యుడు చెబుతుంటాడు.

తాను అనుకున్న లక్ష్యాన్ని సాధించడానికి తన లోపాలు అడ్డువస్తున్న.. వాటిని కాదని.. లక్ష్యాన్ని చేరుకోవడానికి మనిషి అనేక రకాలుగా ప్రయత్నిస్తాడు. ఇందుకోసం అనేక రకాల తప్పుడు మార్గాలను ఎంచుకుంటాడు. వీటివలన మరింత ఇబ్బందులను ఎదుర్కోంటుంటాడు. అతడి జీవితం మరింత ఇబ్బందిగా మారుతుంది. అలాగే తన విలువైన సమయం, డబ్బు, మానసిక ప్రశాంతత వీటన్నింటిని పోగోట్టుకుంటాడు. ఇతరులను చూసి అసూయ పడే వ్యక్తి నిజంగా తనకు తానే హాని చేసుకుంటాడు. అతడు చేసే తప్పులే అతని విలువను తగ్గిస్తాయి. సమాజంలో గౌరవం పొందలేడు. కాబట్టి జీవితంలో విజయం సాధించాలి అంటే.. ఇతరులపై ఆసూయ పడడం.. చిరాకు తెచ్చుకోవడం తగ్గించి.. మీ లోపాలను గుర్తించడం మేలని చాణుక్యుడి భావన. నిజంగా.. విజయాన్ని సాధించిన వ్యక్తికి ఇలాంటి లక్షణాలు ఉండవు. అలాగే మీరు జీవితంలో ముందుకు సాగాలి అంటే ఆసూయను వదిలేయ్యాలి. దీనికి బదులుగా మరింత జ్ఞానాన్ని నేర్చుకోవడం అలవర్చుకోవాలని చాణుక్యుడు తన నీతి పుస్తకంలో ప్రస్తావించాడు.