కొన్ని రోజుల్లో పెళ్లి.. ఇంతలో బయటపడ్డ కాబోయే భార్య సీక్రెట్..సినిమాను తలపించే ట్విస్ట్..

ఇటీవలే వారిద్దరికి నిశ్చితార్ధం అయింది. మరికొద్ది రోజుల్లో పెళ్లి జరగబోతోంది. సీన్ కట్ చేస్తే.. తన కాబోయే భార్య గురించి ఓ సీక్రెట్ బయటపడింది. అంతే! అతడి గుండె ముక్కలైంది. ఆరేళ్లుగా ఆమె ఆ రహస్యాన్ని అతడి దగ్గర నుంచి దాచిపెట్టిందట. అది తెలిసిన తర్వాత సదరు యువకుడు.. ఆ యువతిని పెళ్లి చేసుకోవాలా.? లేదా.. అని ఆలోచిస్తున్నాడు. రెడిట్ వేదికగా ఓ యువకుడు చెప్పుకొచ్చిన స్టోరీ ఇది. ఇంతకీ ఆ సీక్రెట్ ఏంటి.? అసలేం జరిగిందో ఇప్పుడు తెలుసుకుందాం.

వివరాల్లోకి వెళ్తే.. జాన్ అనే యువకుడు మరికొద్ది రోజుల్లో పెళ్లి చేసుకోబోతున్నాడు. అయితే ఈలోపే తనకు కాబోయే భార్య గురించి అతడికి ఓ రహస్యం తెలిసింది. ఇంకో ఆసక్తికర విషయమేంటంటే.. ఆరేళ్లుగా ఆమె ఆ రహస్యాన్ని ఇతడి దగ్గర నుంచి దాచిపెడుతూ వచ్చింది. అయితే ఈ రహస్యం జాన్‌కు కాబోయే భార్య స్నేహితురాలు ద్వారా తెలిసింది. ఇంతకీ ఆ సీక్రెట్ ఏంటని అనుకుంటున్నారా.? సస్పెన్స్ తట్టుకోలేకపోతున్నారా.. వెయిట్ చేయండి చెప్పేస్తాం.

తనకు కాబోయే భార్య.. తన సోదరుడి మాజీ గర్ల్ ఫ్రెండ్‌ అని జాన్‌కు తెలిసింది. అది తెలియగానే.. అతడి గుండె ముక్కలయ్యింది. ఆరేళ్లుగా ఈ రహస్యాన్ని అతడికి తెలియకుండా కాబోయే భార్య దాచిపెడుతూ వచ్చిందట. ఇదిలా ఉంటే.. వీరిద్దరికీ 5 నెలల క్రితం నిశ్చితార్ధం అయింది.. ఇప్పుడేమో ఆమె ప్రెగ్నంట్. ఇలాంటి పరిస్థితుల్లో ఏం చేయాలో తెలియక.. జాన్‌ తన ఆవేదనను రెడిట్ ద్వారా నెటిజన్లతో పంచుకున్నాడు. తనకు కాబోయే భార్య గురించి రహస్యాన్ని ఆమె స్నేహితురాలు ఒకరు చెప్పారని పేర్కొన్నాడు.

మొదట్లో ఈ విషయాన్ని పెద్దగా పట్టించుకోలేదని.. కాని ఆమె ప్రూఫ్‌లతో చూపించేసరికి నమ్మాల్సి వచ్చిందన్నాడు. కాగా, ఈ విషయంపై మొదట్లో తన సోదరుడ్ని ప్రశ్నించాలని అనుకున్నానని జాన్ తెలిపాడు. కాని అతడికి పెళ్లి అయిపోవడంతో.. ఇప్పుడు ఈ పాయింట్ తీసుకొస్తే.. తన సోదరుడి వైవాహిక జీవితం చిన్నాభిన్నం అవుతుందని అలోచించి తనలో తాను బాధపడుతున్నానని జాన్ చెప్పుకొచ్చాడు.

మరిన్ని హ్యుమన్ ఇంట్రెస్ట్ న్యూస్ కోసం..