Anand Mahindra: ఆలోచింపజేస్తున్న ఆనంద్‌ మహీంద్ర ట్వీట్‌.. పెరిగే కొద్ది మనం అహాన్ని పెంచుకుంటూ పొతున్నామంటూ..

Anand Mahindra Interesting Tweet: సోషల్ మీడియాలో చాలా యాక్టివ్‌గా ఉండే అతికొద్ది మంది వ్యాపార వేత్తల్లో ఆనంద్‌ మహీంద్ర ఒకరు. లక్షల సంఖ్యలో ఉద్యోగులు, రూ. కోట్ల టర్నోవర్‌ కంపెనీని నడిపించడం, వీటన్నింటి మధ్యలో కూడా నెటింట్లో సందడి చేస్తుంటాడీ వ్యాపార దిగ్గజం. కేవలం సరదగా ట్వీట్లు చేయడమే కాకుండా అప్పుడప్పుడు సమాజానికి అవసరమయ్యే, సమాజంలో విలువలను గుర్తు చేసే పోస్ట్‌లను సైతం చేస్తుంటాడు ఆనంద్‌ మహీంద్ర. ఈ క్రమంలోనే తాజాగా ఈ బిజినెస్‌ టైకూన్‌ చేసిన ఓ ట్వీట్‌ నెటిజెన్లను ఆలోచింపచేస్తోంది. మానవ పరిణామ క్రమంలో మనిషిని కోల్పోతున్న మానవత్వాన్ని, మరిచిపోతున్న బంధాలను గుర్తు చేసేలా ఉన్న ఈ ట్వీట్‌ తెగ ఆకట్టుకుంటోంది. ‘బర్నింగ్ మ్యాన్‌’ అనే కార్యక్రమానికి చెందిన ఒక కళాకృతితో కూడిన ఫొటోను ట్విట్టర్‌ షేర్‌ చేసిన ఆనంద్‌ మహీంద్ర మానవుల్లో ఉన్న లోపాలను ఇది స్పష్టంగా చూపిస్తోంది అంటూ క్యాప్షన్‌ జోడించాడు. ఇంతకీ ఆ ఫొటోలో ఏముందనేగా మీ సందేహం..

This is the power of Art: it can vividly capture—and facilitate the healing of—our vulnerabilities as humans… pic.twitter.com/xCTqWUjNTL

— anand mahindra (@anandmahindra) February 25, 2021

ఇద్దరు యువతీ యువకులు వ్యతిరేక దిశలో కూర్చొని ఉండగా వారిలో ఉన్న చిన్నారులు మాత్రం ఒకరితో మరొకరు కలవాలని ఆతృతతో ఉంటారు. మహీంద్ర పోస్ట్ చేసిన ఫొటోపై.. ‘ఇద్దరిలో ఉన్న చిన్నారులు ఒకరితో ఒకరు కలవాలనుకుంటున్నారు. వయసు పెరుగుతున్న కొద్దీ మనం అనేక విషయాలను గెలుచుకుంటుంటాం. అలాగే అహంకారాన్ని, కోపాన్ని సైతం పెంచుకుంటూ పోతున్నాం. కానీ మనమంతా తెలుసుకోవాల్సింది ఏంటంటే.. ఎవరితోనూ విభేదాలు లేకుండా ఉండటం. చిన్నపిల్లలుగా ఉన్నప్పుడు మనకుండే క్షమాగుణం, స్వేచ్ఛా స్ఫూర్తి అదే మన అసలైన స్వభావం.. మీరు ఏదైనా విషయంలో మొండిగా వ్యవహరించాలని అనుకున్నప్పుడు ఈ విషయాన్ని గుర్తుచేసుకోండి’ అంటూ రాసి ఉంది. ఆనంద్‌ మహీంద్ర చేసిన ఈ ట్వీట్‌పై నెటిజన్లు పలువురు భావోద్వేగంగా ఫీలయ్యారు. మరికొందరు అద్భుతం అంటూ కామెంట్లు పెట్టారు. ఇదిలా ఉంటే ఆనంద్‌ మహీంద్ర గతంలోనూ చేసిన కొన్ని ట్వీట్లు నెట్టింట్లో వైరల్‌గా మారిన విషయం తెలిసిందే. అందులో కొన్ని ఫన్నీ ట్వీట్లు అయితే మరికొన్ని స్ఫూర్తిని నింపేవి ఉన్నాయి. ఆనంద్‌ మహీంద్ర ఇటీవలి కాలంలో చేసిన కొన్ని ట్వీట్లపై ఓ లుక్కేయండి..

Their talent is raw, but obvious. Rohit & I would like to support their further training in music. Could anyone in Delhi share any information regarding a possible music teacher/voice coach who could tutor them in the evenings, since they work all day? (2/2) pic.twitter.com/sV4rHAqcDZ

— anand mahindra (@anandmahindra) February 20, 2021

Haha. I nominate the lady as the Wife of the Year. And if the husband had been more indulgent and flattered, I would have nominated them for Couple of the Year but he forfeited that because of his grouchiness! @hvgoenka https://t.co/MVCnAM0L3W

— anand mahindra (@anandmahindra) February 19, 2021

Also Read: AP Schools: ఆంధ్రప్రదేశ్‌లో పాఠశాలలకు సెలవులంటూ వైరల్ న్యూస్.. క్లారిటీ ఇచ్చిన అధికారులు..

PAN CARD: మీరు ఇలా చేయకపోతే మీ పాన్‌ కార్డు రద్దు.. రూ.10 వేల జరిమానా.. తప్పకుండా తెలుసుకోవాల్సిన విషయాలు

House Tax In Telangana: ఇకపై వాట్సాప్‌ ద్వారా ఇంటిపన్నును చెల్లించొచ్చు.. తెలంగాణ ప్రభుత్వ వినూత్న నిర్ణయం..