Womens Health Day 2022: మహిళలు ఈ సూపర్ ఫుడ్స్‌ కచ్చితంగా తినాలి.. అప్పుడే ఈ వ్యాధులు దూరమవుతాయి..!
Womens Health Day 2022: ప్రతి సంవత్సరం మే 28న అంతర్జాతీయ మహిళా ఆరోగ్య దినోత్సవం జరుపుకుంటారు. మహిళల ఆరోగ్యంపై అవగాహన కల్పించడమే దీని ముఖ్య ఉద్దేశ్యం. కుటుంబం,
Updated on: May 28, 2022 | 12:45 PM
Womens Health Day 2022: ప్రతి సంవత్సరం మే 28న అంతర్జాతీయ మహిళా ఆరోగ్య దినోత్సవం జరుపుకుంటారు. మహిళల ఆరోగ్యంపై అవగాహన కల్పించడమే దీని ముఖ్య ఉద్దేశ్యం. కుటుంబం, పిల్లల బాధ్యత, ఆఫీసు సమస్యల మధ్య మహిళలు తమ ఆరోగ్యాన్ని నిర్లక్ష్యం చేస్తున్నారు. దీంతో చాలా వ్యాధులబారిన పడుతున్నారు. ఈ పరిస్థితిలో మహిళలు ఆరోగ్యకరమైన ఆహారాన్ని తినడం చాలా ముఖ్యం. ముఖ్యంగా డైట్‌లో కొన్ని సూపర్‌ఫుడ్‌లని చేర్చుకోవాల్సి ఉంటుంది. ఇది వారిని ఆరోగ్యంగా ఉంచడంలో సహాయపడుతుంది. వాటి గురించి తెలుసుకుందాం.
1. అవకాడో
అవకాడోలో విటమిన్లు, ఖనిజాలు, ఫైబర్, ఆరోగ్యకరమైన కొవ్వులు పుష్కలంగా ఉంటాయి. ఇది మహిళల ఆరోగ్యానికి ఎంతో మేలు చేస్తుంది. ఇది వాపు, మధుమేహం, గుండె జబ్బులు, క్యాన్సర్ ప్రమాదాన్ని తగ్గిస్తుంది.
2. సోయాబీన్
మహిళలు ప్రొటీన్లు అధికంగా ఉండే ఆహారాన్ని తినాలి. మీరు సోయాబీన్‌ను ఆహారంలో చేర్చుకోవచ్చు. వీటిలో విటమిన్ బి, ఐరన్, ప్రొటీన్లు పుష్కలంగా ఉంటాయి. మీరు ఆహారంలో సోయా బీన్స్, సోయా పాలు, టోఫులను చేర్చుకోవచ్చు.
3. బెర్రీలు
మీరు ఆహారంలో రాస్ప్బెర్రీస్, బ్లూబెర్రీస్, స్ట్రాబెర్రీలు, క్రాన్బెర్రీస్ చేర్చవచ్చు. ఇవి మహిళల ఆరోగ్యానికి ఎంతో మేలు చేస్తాయి. ఈ బెర్రీలలో క్యాన్సర్ నిరోధక గుణాలు ఉంటాయి. రొమ్ము, పెద్దప్రేగు క్యాన్సర్ నుంచి మహిళలను రక్షించడంలో బెర్రీలు సహాయపడతాయి. ఇందులో ఫోలిక్ యాసిడ్, విటమిన్ సి ఉంటాయి. గర్భధారణ సమయంలో బెర్రీలు తింటే చాలా మంచిది.
4. కొవ్వు చేప
నాన్ వెజ్ తినే మహిళలు తమ ఆహారంలో సార్డినెస్, సాల్మన్, మాకేరెల్ వంటి చేపలను చేర్చుకోవచ్చు. ఈ చేపలలో ఒమేగా-3 ఫ్యాటీ యాసిడ్స్ పుష్కలంగా ఉంటాయి. వీటిని తీసుకున్న తర్వాత చర్మం ఆరోగ్యంగా ఉంటుంది. కీళ్ల నొప్పులు, పక్షవాతం, రక్తపోటు, గుండె జబ్బుల నుంచి ఉపశమనం పొందవచ్చు.
5. బీన్స్
బీన్స్‌లో ప్రోటీన్, ఫైబర్ పుష్కలంగా ఉంటాయి. బీన్స్ మహిళల ఆరోగ్యానికి చాలా మంచిది. ఈ హార్మోన్లు బ్యాలెన్స్ చేయడంలో సహాయపడతాయి. ఇవి చెడు కొలెస్ట్రాల్‌ను తగ్గిస్తాయి.
గమనిక :- అధ్యయనాలు.. ఆరోగ్య నిపుణుల సూచనలు.. ఇతర ఆరోగ్య సంబంధిత నివేదికల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన సమస్యలపట్ల నిర్ణయాలను తీసుకునే ముందు వైద్యులను సంప్రదించండి.
మరిన్ని హెల్త్‌ వార్తల కోసం ఇక్కడ క్లిక్ చేయండి
