ఖాళీ కడుపుతో టీ తాగుతున్నారా..? అయితే, ఆసుపత్రికి వెళ్లినట్లే.. జాగ్రత్త..

భారతదేశంలోనే కాదు, ప్రపంచంలోని చాలా దేశాలలో ఉదయం నిద్రలేవగానే ఒక కప్పు టీ తాగే అలవాటు ఉంది. దీనిని సాధారణంగా బెడ్ టీ అంటారు. చాలా మందికి దాని వల్ల కలిగే నష్టాల గురించి అస్సలు తెలియదు.. ఇలా చేయడం ఆరోగ్యానికి మంచిది కాదని వైద్య నిపుణులు చెబుతున్నా పట్టించుకోరు.. ఉదయాన్నే నిద్రలేచిన తర్వాత ఖాళీ కడుపుతో టీ తాగితే, దాని వల్ల మీకు ఎలాంటి హాని కలుగుతుందో ఇప్పుడు తెలుసుకోండి..

ఖాళీ కడుపుతో టీ తాగడం వల్ల కలిగే నష్టాలు..

1. కడుపు సమస్యలు: ఉదయాన్నే ఖాళీ కడుపుతో టీ తాగడం వల్ల కడుపు సమస్యలు వస్తాయి. టీలో ఉండే కెఫిన్ కడుపు నొప్పిని కలిగిస్తుంది.. ఇంకా ఆమ్లతను కూడా పెంచుతుంది. దీని కారణంగా మీరు అజీర్ణం, మలబద్ధకం, కడుపు నొప్పి వంటి సమస్యలను ఎదుర్కొవాల్సి వస్తుంది.
2. పోషకాహార లోపం: ఉదయం ఖాళీ కడుపుతో టీ తాగడం వల్ల మీ శారీరానికి అందే పోషకాహారం తగ్గిపోతుంది. టీలో ఉండే కెఫిన్ మీ ఆకలిని అణిచివేస్తుంది. ఇది పోషకాల సరైన సమతుల్యతను ప్రభావితం చేస్తుంది.
3. గుండె సంబంధిత సమస్యలు: ఉదయాన్నే ఖాళీ కడుపుతో టీ తాగడం వల్ల గుండె సంబంధిత సమస్యలు వచ్చే ప్రమాదం ఉంది. టీలో ఉండే కెఫిన్ కారణంగా, మీరు అధిక రక్తపోటుతో బాధపడవచ్చు. ఇది గుండెపోటు వంటి ప్రమాదకరమైన వ్యాధులకు ప్రధాన కారణం.
4. డీహైడ్రేషన్: ఉదయం ఖాళీ కడుపుతో టీ తాగడం వల్ల డీహైడ్రేషన్‌కు కారణమవుతుంది. టీని తరచుగా తీసుకోవడం వల్ల మీ మూత్రవిసర్జన పెరుగుతుంది. దీని కారణంగా మీరు నిర్జలీకరణాన్ని ఎదుర్కోవచ్చు. అందువల్ల, ఖాళీ కడుపుతో టీ తాగవద్దు, దాని పరిమాణాన్ని పరిమితం చేయండి.
5. నిద్ర లేకపోవడం: టీ మన నాడీ వ్యవస్థపై చెడు ప్రభావాన్ని చూపుతుంది. ఇది మైగ్రేన్‌తో సహా నిద్రలేమికి దారి తీస్తుంది. ఇది మొదటిగా 8 గంటల ప్రశాంతమైన నిద్రను నిరోధిస్తుంది. అలాంటి వారు పరిమితిలో టీ తీసుకోవాలి.. ఇంకా ఏమీ తినకుండా త్రాగకూడదు.

(నోట్‌: ఇందులోని అంశాలు కేవలం అవగాహన కోసం మాత్రమే. నిపుణుల సలహాలు, సూచనల మేరకు అందించడం జరిగింది. ఏవైనా సందేహాలు ఉంటే నిపుణులను సంప్రదించండి.)

మరిన్ని హెల్త్ వార్తల కోసం ఇక్కడ క్లిక్ చేయండి