Men Health: సంతానలేమితో బాధపడుతున్నారా? పురుషులు ముందుగా ఈ విషయాలు తెలుసుకోవాల్సిందే..!

ఒక వివాహిత జంటకు పిల్లలు పుట్టడానికి మించిన ఆనందం, సంతోషకరమైన అంశం మరోటి లేదు. ప్రతీ జంట తాము తల్లిదండ్రులు కావాలనే కోరుకుంటుంది. అయితే ప్రస్తుత బిజీ లైఫ్‌లో ఎంతోమంది..

Men Health

Shiva Prajapati |
Updated on: Mar 04, 2023 | 5:30 PM

ఒక వివాహిత జంటకు పిల్లలు పుట్టడానికి మించిన ఆనందం, సంతోషకరమైన అంశం మరోటి లేదు. ప్రతీ జంట తాము తల్లిదండ్రులు కావాలనే కోరుకుంటుంది. అయితే ప్రస్తుత బిజీ లైఫ్‌లో ఎంతోమంది దంపతులు సంతానలేమి సమస్యలతో సతమతం అవుతున్నారు. పిల్లల కోసం తిరగని ఆస్పత్రు లేవు, ఎక్కడి గుడి మెట్లు లేవు అన్నట్లుగా ఉంది పరిస్థితి. అయితే, ఒక జంటకు పిల్లలు పుట్టాలంటే.. స్త్రీ, పురుషుల ఇద్దరి ఆరోగ్యం చాలా ముఖ్యం. స్త్రీలలో అండం ఎంత ముఖ్యమో.. పురుషుల వీర్యం కూడా అంతే ముఖ్యం. పిల్లలు కావాలనుకుంటున్న దంపతులు.. ముందుగా అందుకు తగ్గట్లు జీవనశైలిని మార్చుకోవాల్సి ఉంటుంది. ఒక స్త్రీ గర్భవతి కావడానికి పురుషుడి స్పెర్మ్ ఆరోగ్యకరమైన మోతాదులో అవసరం ఉంటుంది. అది లేనప్పుడు స్త్రీ గర్భవతి కావడం అసాధ్యమవుతుంది. అందుకే.. వైద్యులు, ఆరోగ్య నిపుణులు, పరిశోధకులు ఈ అంశంపై కొన్ని కీలక సూచనలు చేస్తున్నారు. దంపతులు తల్లిదండ్రులు కావాలంటే ముందుగా ఏం చేయాలి? ఏం పాటించాలి. అనే అంశంపై అవగాహన కల్పిస్తున్నారు.

ఆరోగ్యకరమైన స్పెర్మ్ ఉంటేనే స్త్రీలు త్వరగా గర్భం దాలుస్తారని, ఆ ఆరోగ్యరమైన స్పెర్మ్ కోసం పురుషులు కొన్ని నెలల ముందు నుంచే మంచి అలవాట్లను అలవరుచుకోవాలని సూచిస్తున్నారు నిపుణులు. మరి ఆ మంచి అలవాట్లు ఏంటో ఇప్పుడు మనం తెలుసుకుందాం..

వీటిని పాటించాలి..

1. ఆరోగ్యకరమైన బరువు: అధిక బరువు స్పెర్మ్ నాణ్యతను తగ్గిస్తుంది. స్పెర్మ్ కౌంట్‌ను కూడా తగ్గిస్తుంది. అందుకే.. ఆరోగ్యకరమైన బరువును మెయింటేయిన్ చేయాలి.

ఇవి కూడా చదవండి

2. ఆరోగ్యకరమైన ఆహారం: ప్రతిరోజూ తినే ఆహారంలో తాజా పండ్లు, కూరగాయలు, జింక్ అధికంగా ఉండే ఆహారాలను చేర్చుకోవాలి.

3. STI విషయంలో జాగ్రత్త అవసరం: క్లామిడియా, గనేరియా వంటి ఇన్ఫెక్షన్లు పురుషులలో వంధ్యత్వానికి కారణమవుతాయి.

4. ఒత్తిడిని తగ్గించుకోవాలి: మానసిక ఒత్తిడి స్పెర్మ్ ఆరోగ్యం, కౌంట్‌పై ప్రభావం చూపుతుంది. అందుకే ముందుగా ఒత్తిడిని తగ్గించుకోవాలి.

5. వ్యాయామం: వ్యాయామం చేస్తుండగా. రోజూ వ్యాయామం చేయడం వల్ల స్పెర్మ్‌ను రక్షించే శక్తివంతమైన యాంటీఆక్సిడెంట్స్ ఎంజైమ్‌ల స్థాయిలను పెంచడంలో సహాయపడుతాయి.

6. కాటన్ బాక్సర్స్ ధరించడం: బాడీ టెంపరేచర్‌ని మెయింటేన్ చేయడానికి కాటన్ బాక్సర్స్‌ని ధరించాలి.