రాత్రి ఫ్రిజ్ లో పెట్టిన చికెన్ కర్రీ తింటున్నారా..? మస్ట్ గా తెలుసుకోండి..!

మనలో చాలా మందికి ఒక అలవాటు ఉంది. చికెన్ కూర లేదా ఫ్రై ఎక్కువగా మిగిలిపోతే.. దానిని ఫ్రిజ్‌లో పెట్టి మరుసటి రోజు తింటారు. ఇలా చేయడం వల్ల ఆహారం వృథా కాకుండా ఉంటుంది అని అనుకుంటాం. కానీ వైద్య నిపుణుల అభిప్రాయం ప్రకారం ఇది ఆరోగ్యానికి చాలా ప్రమాదకరం.

ఎందుకు ప్రమాదం..?

చికెన్‌ లో ప్రోటీన్ ఎక్కువగా ఉంటాయి. చికెన్ వండిన తర్వాత ఎక్కువసేపు గది ఉష్ణోగ్రతలో ఉంచినా లేదా ఫ్రిజ్‌లో పెట్టి మళ్లీ వేడి చేసినా అందులో బ్యాక్టీరియా చాలా వేగంగా పెరుగుతుంది. ఈ బ్యాక్టీరియా శరీరంలోకి వెళ్ళినప్పుడు ఫుడ్ పాయిజనింగ్ వచ్చే అవకాశం ఉంది. సాల్మొనెల్లా (Salmonella), ఇ.కోలై (E. Coli) వంటి బ్యాక్టీరియా చికెన్‌లో చాలా త్వరగా వ్యాపిస్తాయి.

ఫుడ్ పాయిజనింగ్ లక్షణాలు

• వాంతులు
• విరేచనాలు
• కడుపు నొప్పి
• తలనొప్పి
• జ్వరం
• నీరసం

ఈ సమస్యలు ముఖ్యంగా చిన్నపిల్లలు, గర్భిణీలు, వృద్ధులు, రోగనిరోధక శక్తి తక్కువగా ఉన్నవారిలో మరింత తీవ్రంగా మారవచ్చు.

ఫ్రిజ్‌లో పెట్టినా సురక్షితం కాదా..?

చాలా మంది ఫ్రిజ్‌లో పెట్టాం కాబట్టి చికెన్ పాడవదు అని అనుకుంటారు. కానీ ఫ్రిజ్‌లో ఉంచడం వల్ల బ్యాక్టీరియా పూర్తిగా చనిపోదు, కేవలం వాటి పెరుగుదల నెమ్మదిస్తుంది అంతే. ఆ ఆహారాన్ని మళ్ళీ వేడి చేసి తిన్నా, బ్యాక్టీరియా నుండి వచ్చే విష పదార్థాలు అలాగే ఉండిపోతాయి. ఇవే ఫుడ్ పాయిజనింగ్‌కు ప్రధాన కారణం.

తీసుకోవాల్సిన జాగ్రత్తలు

• వండిన వెంటనే తినండి.. చికెన్‌ ను వండిన తర్వాత ఎక్కువ ఆలస్యం చేయకుండా వెంటనే తినడం ఉత్తమం.
• ఎక్కువగా వండకండి.. అవసరానికి సరిపోయేంత మాత్రమే వండుకుంటే నిల్వ చేయాల్సిన అవసరం ఉండదు.
• పాత చికెన్ వద్దు.. రెండు రోజుల కంటే ఎక్కువ ఫ్రిజ్‌లో ఉంచిన చికెన్ వంటకాలకు వాడకండి.
• పిల్లలు, వృద్ధులకు వద్దు.. వీరికి ఫ్రిజ్‌లో పెట్టిన వంటకాలను ఇవ్వకపోవడం మంచిది.

చికెన్ వండిన వెంటనే వేడి వేడిగా తింటేనే రుచిగా, తాజాగా ఉంటుంది. ఫ్రిజ్‌లో పెట్టి మరుసటి రోజు తింటే అది రుచి మాత్రమే కాదు.. ఆరోగ్యానికీ హాని చేస్తుంది. కాబట్టి సౌకర్యం కంటే ఆరోగ్యం ముఖ్యం అని గుర్తుంచుకుని.. వండిన చికెన్‌ను వెంటనే తినడానికి ప్రాధాన్యత ఇవ్వండి.