ఉదయం లేవగానే గ్లాసు నీళ్లు తాగుతున్నారా? బాడీలో జరిగే మార్పులపై సైన్స్ ఏం చెబుతోందో తెలుసా

ఆ సమయంలో శ్వాస ద్వారా, చెమట ద్వారా మన శరీరంలోని నీటిని కోల్పోతాం. దీనివల్ల ఉదయం నిద్రలేచేసరికి శరీరం స్వల్ప డీహైడ్రేషన్‌కు గురవుతుంది. ఈ నీటి కొరత మన మెదడు పనితీరుపై, శారీరక శక్తిపై తీవ్ర ప్రభావం చూపుతుంది. అందుకే నిద్రలేవగానే కాఫీ, టీలకు బదులుగా మంచి నీళ్లు తాగాలని నిపుణులు సూచిస్తున్నారు. ఉదయాన్నే నీళ్లు తాగడం వల్ల శరీరంలో కలిగే ఆ అద్భుతమైన మార్పుల వెనుక ఉన్న సైన్స్ ఏంటో ఇప్పుడు వివరంగా చూద్దాం.

శాస్త్రీయ పరిశోధనల ప్రకారం, పరగడుపున నీళ్లు తాగడం వల్ల శరీరంలో ‘థర్మోజెనిసిస్’ అనే ప్రక్రియ మొదలవుతుంది. ఇది మన మెటబాలిజం (జీవక్రియ) రేటును సుమారు 30 శాతం వరకు పెంచుతుంది. 2003లో జరిగిన ఒక పరిశోధన ప్రకారం.. సుమారు 500 మిలీ నీటిని తాగిన 30 నుండి 40 నిమిషాల్లోనే శరీరం క్యాలరీలను వేగంగా దహించడం ప్రారంభిస్తుంది. దీనివల్ల రోజంతా మనం ఉత్సాహంగా ఉండటమే కాకుండా బరువు తగ్గడానికి కూడా ఇది ఎంతగానో తోడ్పడుతుంది.

నిద్రలో శరీరం కోల్పోయిన నీటిని తిరిగి అందించడం వల్ల మెదడు చురుగ్గా మారుతుంది. స్వల్ప డీహైడ్రేషన్ వల్ల కూడా ఏకాగ్రత తగ్గడం, జ్ఞాపకశక్తి మందగించడం, మూడ్ సరిగ్గా లేకపోవడం వంటి సమస్యలు వస్తాయి. నిద్రలేవగానే నీళ్లు తాగితే మెదడులోని కణాలకు తిరిగి శక్తి అందుతుంది. దీనివల్ల ఆ రోజంతా మీరు అలసట లేకుండా, స్పష్టమైన ఆలోచనలతో ఉండవచ్చు. 2011లో జరిగిన ఒక అధ్యయనం ప్రకారం, నీటి కొరత వల్ల కలిగే తలనొప్పి, నీరసానికి ఉదయాన్నే నీళ్లు తాగడం ఒక చక్కని పరిష్కారం.

రాత్రి నిద్రలో మన శరీరంలో పేరుకుపోయిన వ్యర్థాలను బయటకు పంపడానికి నీరు చాలా అవసరం. ఇది కిడ్నీల పనితీరును మెరుగుపరిచి టాక్సిన్స్‌ను తొలగిస్తుంది. ప్రేగులలో ఆహార వ్యర్థాలు సులభంగా కదిలేలా చేయడం ద్వారా జీర్ణక్రియను వేగవంతం చేస్తుంది. రోజూ క్రమం తప్పకుండా ఉదయాన్నే నీళ్లు తాగడం వల్ల చర్మం కూడా కాంతివంతంగా మారుతుంది.

వృద్ధుల విషయంలో నీటి వినియోగం చాలా కీలకం. వారి శరీరంలో దాహం వేసే ప్రక్రియ మారుతుంటుంది, దీనివల్ల వారికి డీహైడ్రేషన్ ఉన్నా కూడా దాహం అనిపించదు. దీనిని ‘సైలెంట్ డీహైడ్రేషన్’ అంటారు. దీనివల్ల వారు నీరసంగా మారిపోవడం, గందరగోళానికి గురవడం జరుగుతుంది. అందుకే వృద్ధులు దాహం వేసినా వేయకపోయినా ఉదయాన్నే నీళ్లు తాగడం వల్ల వారి మెదడు ఆరోగ్యంగా ఉంటుంది.

ముఖ్యమైన చిట్కాలు.. జాగ్రత్తలు

•  నిద్రలేవగానే 1 నుండి 2 గ్లాసుల గోరువెచ్చని నీటిని తాగడం వల్ల జీర్ణవ్యవస్థపై ఒత్తిడి పడకుండా ఉంటుంది.
•  కాఫీ, చక్కెర పానీయాలకు ఉదయాన్నే దూరంగా ఉండటం మంచిది.
•  అయితే కిడ్నీ వ్యాధులు, గుండె సమస్యలు ఉన్నవారు డాక్టర్ సలహా మేరకే నీటి మోతాదును నిర్ణయించుకోవాలి. ఎందుకంటే అధిక నీరు వారి గుండె, ఊపిరితిత్తులపై భారం పెంచే అవకాశం ఉంది. గ్యాస్ట్రైటిస్ సమస్య ఉన్నవారు కూడా కొద్దికొద్దిగా నీటిని తీసుకోవడం శ్రేయస్కరం.

చిన్న అలవాటే అయినా, ఉదయాన్నే నీళ్లు తాగడం వల్ల కలిగే లాభాలు మాత్రం అపారం. మన జీవనశైలిలో ఈ చిన్న మార్పు చేసుకుంటే దీర్ఘకాలంలో ఆరోగ్యంగా ఉండవచ్చు.

NOTE: పైన పేర్కొన్న అంశాలు కేవలం అవగాహన కోసం మాత్రమే జారీ చేయబడినవి.. వీటిని మేం ధృవీకరించలేదు.. వీటిపై మీకు సందేహాలు ఉంటే వైద్యులను సంప్రదించండి.