Reduce Cold Naturally: మందులు వాడకుండా.. జలుబును సహజంగా తగ్గించుకోండిలా!!
జలుబు.. ఇది కేవలం వర్షాకాలంలోనే కాదు. ప్రతి సీజన్ లోనూ సాధారణంగా ఉండే వ్యాధే. వేసవిలో శీతల పానీయాలు ఎక్కువగా తాగడం వల్ల, వర్షాకాలంలో తడవడం, ఉన్నట్టుండి వాతావరణంలో మార్పుల వల్ల, శరీరంలో అధిక వేడివల్ల, శీతాకాలంలో చలి ఎక్కువగా ఉండటం వల్ల జలుబు వస్తుంది. దీనివెంటే .. జ్వరం, దగ్గు వంటివి క్యూ కడతాయి. జలుబుకి కూడా మందుబిళ్లలు మింగడం చాలామందికి ఇష్టం ఉండదు. ఇంట్లోనే చిన్న చిన్న చిట్కాలతో జలుబును..
Updated on: Aug 19, 2023 | 8:36 PM
జలుబు.. ఇది కేవలం వర్షాకాలంలోనే కాదు. ప్రతి సీజన్ లోనూ సాధారణంగా ఉండే వ్యాధే. వేసవిలో శీతల పానీయాలు ఎక్కువగా తాగడం వల్ల, వర్షాకాలంలో తడవడం, ఉన్నట్టుండి వాతావరణంలో మార్పుల వల్ల, శరీరంలో అధిక వేడివల్ల, శీతాకాలంలో చలి ఎక్కువగా ఉండటం వల్ల జలుబు వస్తుంది. దీనివెంటే .. జ్వరం, దగ్గు వంటివి క్యూ కడతాయి. జలుబుకి కూడా మందుబిళ్లలు మింగడం చాలామందికి ఇష్టం ఉండదు. ఇంట్లోనే చిన్న చిన్న చిట్కాలతో జలుబును తగ్గించుకోవచ్చు. అదెలాగో చూద్దాం.
జీలకర్ర: జీలకర్ర వేయించి.. పొడి చేసి దానిని టీ స్పూన్ మోతాదులో తీసుకుని.. అదే మోతాదులో చక్కెర తీసుకుని.. రెండింటినీ ఒక గ్లాస్ గోరువెచ్చని నీటిలో లేదా పాలల్లో కలిపి రాత్రి నిద్రపోయే ముందు తాగితే.. జలుబు తగ్గుతుంది.
వాము-పటికబెల్లం: అర టీ స్పూన్ వాము, 1 టీ స్పూన్ పటికబెల్లం కలిపి పొడిచేసి తినాలి. వెంటనే కొద్దిగా గోరువెచ్చని నీరు తాగాలి. ప్రతిరోజూ ఉదయం, సాయంత్రం ఇలా చేస్తే జలుబు నెమ్మదిగా తగ్గుతుంది.
పాత్రలో కొద్దిగా వామువేసి.. దానిని దోరగా వేయించి.. పలుచటి క్లాత్ లో వేసి కట్టాలి. దానితో ముఖంపై కాపడం పెడితే.. శ్లేష్మం కరిగి జలుబు నుంచి ఉపశమనం కలుగుతుంది.
మిరియాలపొడి-బెల్లం: చిన్న బెల్లంముక్కను పొడిచేసి.. అందులో కొద్దిగా మిరియాలపొడిని కలపాలి. దానిని చిన్న ఉండలా చేసి..పూటకొకటి చొప్పున రెండు పూటలా గోరువెచ్చని నీటితో మింగితే.. జలుబు నుంచి రిలీఫ్ ఉంటుంది.
లవంగాలు-మిరియాలు: లవంగాలు లేదా మిరియాలను నీటిలో వేసి.. కొద్దిగా బెల్లం వేసి కాచుకోవాలి. ఈ కషాయాన్ని రోజుకి రెండుసార్లు 60 ఎంఎల్ చొప్పున తాగితో జలుబుతో పాటు ఇతర శ్వాసకోశ సమస్యలు కూడా తగ్గుతాయి.
గులాబీ పువ్వుల రేకులు: గులాబీ పువ్వుల రేకులను నువ్వులనూనెలో వేసి అరగంట ఉంచి.. 5 నిమిషాలు వేడి చేయాలి. ఈ నూనెను వడగట్టి.. ఆ మిశ్రమాన్ని ముక్కు రంధ్రాల్లో 2 చుక్కల చొప్పున వేసుకుంటూ ఉంటే.. తుమ్ములు తగ్గుతాయి.
మరిన్ని హెల్త్ వార్తల కోసం ఇక్కడ క్లిక్ చేయండి
