Mouth Ulcers: నోటి అల్సర్లు ఇబ్బంది పెడుతున్నాయా..? ఇంటి నివారణలతో చెక్ పెట్టొచ్చు..

నోటిపూత, నోటి అల్సర్లు, ఈ రెండూ కూడా ఒకటే. అయితే ఈ సమస్యను చాలా మంది తరచుగా ఎదుర్కొంటారు. నోటిలో పుండ్లు అయితే ఆ బాధ ఎలా ఉంటుందో మాటల్లో చెప్పలేం. ఈ నోటి పూత వల్ల ఆహారం తినడం, నీళ్లు తాగడం కష్టంగా ఉంటుంది. బ్రష్ చేయాలన్నా ఇబ్బంది, ఏం తిన్నా నోరంతా భగ్గున మండుతుంది. ఈ పుండ్లు నోటిలో నాలుక కింద, పెదాల కింద, బుగ్గల భాగంలో, నాలుకు ఇరువైపులా వస్తుంటాయి. ఇవి ఎక్కువగా వేడివల్ల వస్తుంటాయి.

సమతుల్య ఆహారం తీసుకోనివారిలోనూ నోటిపూత, నోటి అల్సర్లు వస్తుంటాయి. ఐరన్, ఫోలిక్ యాసిడ్, విటమిన్ బి6, బి12లోపంతో ఈ సమస్య తలెత్తుతుంది. అటువంటి పరిస్థితుల్లో కొన్ని పద్దతును అనుసరించడం వల్ల ఈ సమస్యను వదలించుకోవచ్చు.

నోటిపుండ్లు రావడం చాలా సాధారణమైనప్పటికీ, దానిని నిర్లక్ష్యం చేస్తే లేదా తరచుగా వస్తుంటే, సమస్య తీవ్రంగా మారుతుంది. అనేక కారణాలు ఉన్నాయి. ప్రధానంగా, ఇది మలబద్ధకం, పిత్త అజీర్ణం, శరీరంలో వేడి, విటమిన్ సి, బి 12, విటమిన్ సాటు వంటి పోషకాహార లోపాలు, తక్కువ రోగనిరోధక శక్తి, ప్రాణాంతక మందులు, మాత్రలు తీసుకోవడం, ఆహార అలెర్జీలు మొదలైన వాటి వల్ల వస్తుంది. అటువంటి పరిస్థితిలో, మీరు కొన్ని ఇంటి నివారణలను అనుసరించడం ద్వారా ఈ సమస్యను సులభంగా వదిలించుకోవచ్చు.

ఇవి కూడా చదవండి

Almonds for Skin: చర్మంపై ముడతలను తగ్గించుకోవడానికి రసాయనాలు ఎందుకు దండగ.. బాదం ఉందిగా అండగా..

Bone Health Tips: మీ ఎముకలు బలహీనంగా ఉన్నాయని బాధేలా.. ఉందిగా ఈ నూనెలతో ఉపశమనం..

రంగు రంగుల కేకులు చూస్తే నోరు ఊరుతోందా..అయితే జాగ్రత్త..క్యాన్సర్ వచ్చే చాన్స్

Eucalyptus Leaves : నీలగిరి ఆకులతో ఇన్ని ఉపయోగాలు ఉన్నాయని తెలిస్తే ఆశ్చర్యంలో ముగినిపోతారు..

తేనె:

తేనె అనేక ప్రయోజనకరమైన లక్షణాలను కలిగి ఉంది. అయితే నోటిపూతలకు తేనె ఎంత మేలు చేస్తుందో మీకు తెలియకపోవచ్చు. దీని కోసం తేనెను వేలితో కలిపి నోటిలోపల అప్లై చేయాలి. కొద్దిసేపటి తర్వాత, మీ నోటిలో సేకరించిన లాలాజలాన్ని ఉమ్మివేయాలి. మీరు ఈ పద్ధతిని రోజుకు 4 సార్లు చేయాలి. ఇలా చేయడం వల్ల ఉపశమనం ఉంటుంది.

ఉప్పు నీళ్లు:

ఉప్పు మీ నోటి పుండ్లను నయం చేయడంలో సహాయపడుతుంది . ఒక గ్లాసు వెచ్చని నీటిలో ఒక టేబుల్ స్పూన్ ఉప్పు కలపండి. ఇప్పుడు ఈ నీళ్లను నోట్లో వేసి బాగా పుక్కిలించాలి. దీని తరువాత, మీ నోటి నుండి ఉప్పు రుచిని తొలగించడానికి సాధారణ నీటితో పుక్కిలించండి.

పసుపు :

పసుపు ప్రతి ఇంటి వంటగదిలో ఉంటుంది. మరోవైపు, పసుపు ఇన్ఫెక్షన్‌తో పోరాడడంలో ఎంతగానో సహాయపడుతుంది. నోటి పూతల వాపు, నొప్పితో పోరాడడంలో ప్రభావవంతంగా పనిచేస్తుంది. దీని కోసం, కొద్దిగా పసుపును తీసుకుని కొద్దిగా నీరు తీసుకుని, మందపాటి పేస్ట్ చేయండి. ఈ పేస్ట్‌ని ప్రతిరోజూ ఉదయం, సాయంత్రం నోటిలోని పుండ్లపై రాయండి. ఇలా చేయడం వల్ల నోటిపూత నుంచి బయటపడవచ్చు.

కొబ్బరి నూనె:

నోటిలో పుండ్లు అయిన చోట కొబ్బ‌రి నూనెను రాయడం. ఇలా రాస్తే మంట తగ్గుతుంది. దీంతోపాటు పుండ్ల వల్ల కలిగిన వాపు కూడా తగ్గుతుంది. ఎండు కొబ్బ‌రిని న‌మిలినా ఫ‌లితం ఉంటుంది. కొబ్బ‌రి నీళ్లు తాగిన అల్స‌ర్ల స‌మ‌స్య నుంచి బయటపడే అవకాశం ఉంటుంది.

ఆపిల్ సైడర్ వెనిగర్:

నోటి పుండ్లను ఆపిల్ సైడర్ వెనిగర్ అరికడుతుంది. దీంతో నోటి పుండ్లు వెంటనే నయమవుతాయి. అల్సర్లకు కారణమయ్యే సూక్ష్మక్రిములను నాశనం చేస్తుంది. మూడు టీస్పూన్ల ఆపిల్ సైడర్ వెనిగర్‌ను కొంచెం నీటిలో వేసి.. 30 సెకన్ల పాటు నోటిలో ఉంచి పుల్కరించాలి. ఇలా చేస్తే నోటి పూత నుంచి తక్షణ ఉపశమనం పొందవచ్చు.

వెల్లుల్లి:

వెల్లుల్లి యాంటిబయోటిక్‌గా పనిచేస్తుంది. వెల్లుల్లి నోటిపూతను తొందరగా తగ్గిస్తుంది. వెల్లుల్లిలోని శక్తివంతమైన అల్లిసిన్ నొప్పిని తగ్గించడంలో ప్రభావవంతంగా పనిచేస్తుంది. కొంచెం వెల్లుల్లి పేస్ట్ తీసుకోని పుండు పై భాగంలో రుద్ది 10-20 నిమిషాల పాటు ఉంచితే..ఉపశమనం ఉంటుంది.

(నోట్‌: ఇందులోని అంశాలు కేవలం అవగాహన కోసం మాత్రమే. ఆరోగ్య నిపుణుల సలహాల మేరకు అందించడం జరుగుతుంది. ఏదైనా సందేహాలు ఉంటే వైద్య నిపుణులను సంప్రదించండి.)

మరిన్ని హెల్త్ న్యూస్ కోసం