Health: ఖాళీ కడుపుతో జ్యూస్ తాగుతున్నారా..? అయితే మీ హెల్త్ రిస్క్‌లో ఉన్నట్లే..
చాలా మంది ఖాళీ కడుపుతో జ్యూస్ తాగుతుంటారు. ఇక డైట్ చేసే వారి గురించి ప్రత్యేకంగా చెప్పాల్సిన అవసరం లేదు. బరువు తగ్గడానికి వారు మార్నింగ్ బ్రేక్ ఫాస్ట్ మానేసి ఏదో ఒక జ్యూస్ తాగుతుంటారు. అయితే
Updated on: Jun 15, 2022 | 12:02 PM
చాలా మంది ఖాళీ కడుపుతో జ్యూస్ తాగుతుంటారు. ఇక డైట్ చేసే వారి గురించి ప్రత్యేకంగా చెప్పాల్సిన అవసరం లేదు. బరువు తగ్గడానికి వారు మార్నింగ్ బ్రేక్ ఫాస్ట్ మానేసి ఏదో ఒక జ్యూస్ తాగుతుంటారు. అయితే ఇలా ఉదయాన్నే ఖాళీ కడుపుతో జ్యూస్ తాగడం ఆరోగ్యానికి హానికరం అంటున్నారు వైద్య నిపుణులు. మార్నింగ్ జ్యూస్ తాగడం వలన జీర్ణవ్యవస్థలో సమస్యలు వచ్చే ప్రమాదం ఉంది. అంతే కాకుండా ఉదయాన్నే ఖాళీ కడుపుతో చల్లని జ్యూస్ తాగడం వలన శ్లేష్మ పొరలు దెబ్బతింటాయి. అందుకే ఉదయం నిద్రలేచిన వెంటనే జ్యూస్ తాగే అలవాటును మార్చుకుని కాస్త ఆహారం తీసుకున్న తర్వాత జ్యూస్ ను డైట్ లో చేర్చుకోవడం మంచిది. ఇది మీకు పూర్తి పోషకాహారాన్ని అందిస్తుంది. ఉదయాన్నే ఖాళీ కడుపుతో గోరువెచ్చని నీటిని తీసుకోవడం ప్రయోజనకరంగా చెబుతున్నారు. అందువలన వీలైనంత వరకు బ్రేక్ ఫాస్ట్ మానేసి జ్యూస్ తాగకపోవడమే బెటర్ అంటున్నారు.
మీడియా నివేదికల ప్రకారం, నారింజ, ద్రాక్షపండు, నిమ్మకాయ లేదా సీజనల్ వంటి ఎక్కువ సిట్రస్ పండ్ల రసాలను ఉదయం తాగడం మానుకోవాలి.ఎందుకంటే ఈ పండ్ల రసాలను ఖాళీ కడుపుతో తీసుకోవడం వల్ల మీ కడుపులో ఆమ్లత్వం పెరుగుతుంది. అయితే, ఇది అందరికీ హానికరం కాదు. తాజా పండ్ల రసం తాగడం శరీరాన్ని ఆరోగ్యంగా ఉంచడానికి చాలా ప్రయోజనకరంగా పరిగణించబడుతుంది, అయితే ఇది కొన్ని ప్రతికూలతలను కూడా కలిగి ఉంటుంది.అయితే, జ్యూస్‌లో శరీరానికి అవసరమైన విటమిన్లు, మినరల్స్ వంటి పోషకాలు ఉన్నాయని చెబుతున్నారు. చాలా మంది ఉదయాన్నే జ్యూస్‌తో ప్రారంభించడానికి కారణం ఇదే.
మరిన్ని హెల్త్ టిప్స్ కోసం ఇక్కడ క్లిక్ చేయండి
