AIDS Symptoms: ఎయిడ్స్‌ను ప్రారంభ దశలో ఎలా గుర్తించాలి..? హెచ్చరిక సంకేతాలు ఏమిటి..?
HIV AIDS Symptoms: కొన్ని వ్యాధుల గురించి అప్రమత్తంగా ఉండటం చాలా మంది. ఈ రోజుల్లో ఏదైనా వ్యాధి సంభవిస్తే చికిత్స అందుబాటులో ఉంది. కానీ కొన్ని వ్యాధులకు ఎలాంటి చికిత్స..
HIV AIDS Symptoms: కొన్ని వ్యాధుల గురించి అప్రమత్తంగా ఉండటం చాలా మంది. ఈ రోజుల్లో ఏదైనా వ్యాధి సంభవిస్తే చికిత్స అందుబాటులో ఉంది. కానీ కొన్ని వ్యాధులకు ఎలాంటి చికిత్స గానీ, మందులు గానీ అందుబాటులో లేవు. అలాంటి వాటిపై జాగ్రత్తగా ఉండటం మంచిది. అంతేకాదు అలాంటి వ్యాధులపై అవగాహన ఎంతో పెంచుకోవాలి. ఎందుకంటే ముందస్తుగా అప్రమత్తం కావచ్చు. ఇక వ్యాధులలో హెచ్‌ఐవీ (HIV) అనేది రోగనిరోధక వ్యవస్థను దెబ్బతీసే వైరస్. ఇది ప్రారంభంలో చికిత్స చేయకపోతే అది CD4 కణాలను ప్రభావితం చేస్తుంది. CD4 అనేది T సెల్ అని పిలువబడే రోగనిరోధక కణాలను ఈ వైరస్ చంపేస్తుంది. 2020 సంవత్సరంలో భారతదేశంలో 23,18,737 మంది హెచ్‌ఐవి బారిన పడ్డారని, అందులో 81,430 మంది చిన్నారులేనని నేషనల్ ఎయిడ్స్ కంట్రోల్ ఆర్గనైజేషన్ ఆర్‌టిఐకి ప్రతిస్పందనగా తెలిపింది. శాస్త్రవేత్తలు ఇప్పటివరకు ఈ వ్యాధికి ఎటువంటి నివారణను కనుగొనలేకపోయారు.
ఎయిడ్స్ ఎవరికైనా వస్తుందా? AIDS అనేది HIV సోకిన వ్యక్తులలో అభివృద్ధి చెందే వ్యాధి. ఇది అందరికి వ్యాపించదు. కలిసి జీవించినంత మాత్రనే ఈ వ్యాధి సోకే అవకాశం లేదు. ఒక వ్యక్తికి హెచ్‌ఐవి ఉన్నందున ఎయిడ్స్ అభివృద్ధి చెందుతుందని కాదు.. ఈ వ్యాధి గాలి, నీరు, కరచాలనం, తాకడం వంటి సాధారణ సంపర్కం ద్వారా వ్యాపించదు. హెచ్‌ఐవీ వ్యక్తికి ఇచ్చిన ఇంజెక్షన్‌ సిరంజీని ఇతర వ్యక్తులకు ఇవ్వడం, శారీరక కలయిక ద్వారా వ్యాపిస్తుంది.
ఎయిడ్స్ ఎలా వ్యాపిస్తుంది?
– ఎలాంటి రక్షణ లేని సెక్స్‌ ద్వారా
– ఈ వ్యాధి సోకిన వ్యక్తికి ఇచ్చిన సిరంజి లేదా సూది ద్వారా
– సోకిన వ్యక్తి రక్త మార్పిడి ద్వారా
– వ్యాధి సోకిన గర్భిణీ తల్లి నుండి పిల్లలకు వ్యాపిస్తుంది.
– వ్యాధి సోకిన తల్లికి పాలివ్వడం ద్వారా.
HIV ప్రారంభ లక్షణాలు
ఒక వ్యక్తికి HIV వచ్చిన తర్వాత మొదటి కొన్ని వారాలను అక్యూట్ ఇన్ఫెక్షన్ స్టేజ్ అంటారు. ఈ సమయంలో వైరస్ వేగంగా పునరుత్పత్తి చేస్తుంది. సోకిన వ్యక్తి రోగనిరోధక వ్యవస్థ HIV ప్రతిరోధకాలను ఉత్పత్తి చేయడం ద్వారా ప్రతిస్పందిస్తుంది. ఇవి ఇన్ఫెక్షన్‌కు ప్రతిస్పందనగా పనిచేసే ప్రోటీన్లు. ఈ దశలో, కొంతమందికి మొదట్లో ఎలాంటి లక్షణాలు కనిపించవు. వైరస్ బారిన పడిన మొదటి నెలలో చాలా మంది వ్యక్తులు లక్షణాలను అనుభవిస్తున్నప్పటికీ, HIV ఆ లక్షణాలను కలిగిస్తుందని వారు పెద్దగా భావించలేరు. ఎందుకంటే తీవ్రమైన దశ లక్షణాలు ఫ్లూ లేదా ఇతర కాలానుగుణ వైరస్‌ల మాదిరిగానే ఉంటాయి. మీకు ఏవైనా లక్షణాలతో అనుమానం ఉంటే వెంటనే హెచ్‌వీఐ పరీక్షలు చేసుకోవడం ఉత్తమం.
హెచ్‌ఐవీ రాగానే ఉండే సాధారణ లక్షణాలు
– చలి జ్వరం
– వాపు శోషరస గ్రంథులు
– సాధారణ నొప్పులు
– చర్మంపై దద్దుర్లు
– గొంతు నొప్పి
– తలనొప్పి
– శరీర నొప్పి
– వికారం –
– కడుపు నొప్పివంటివి లక్షణాలు కనిపిస్తాయి. ఇలాంటి లక్షణాలు సాధారణ వ్యాధులలో కూడా సంభవించినా.. పరీక్షలు చేయించుకుంటే క్లారిటీ వస్తుంది.
మరిన్ని హెల్త్ వార్తల కోసం ఈ లింక్ పై క్లిక్ చేయండి..
