Milk Benefits: పడుకునే ముందు పాలు తాగితే ఈ సమస్యలన్నింటికీ పరిస్కారం..
రోజంతా పనిచేసినా రాత్రి నిద్ర పట్టక ఇబ్బంది పడుతున్నారా? అలసిపోయినా నిద్ర పట్టలేదా? ఒకసారి మీరు తినే ఆహారంపై దృష్టి పెట్టండి. ఇంట్లో పని చేయడం,
Updated on: Nov 04, 2022 | 6:49 AM
రోజంతా పనిచేసినా రాత్రి నిద్ర పట్టక ఇబ్బంది పడుతున్నారా? అలసిపోయినా నిద్ర పట్టలేదా? ఒకసారి మీరు తినే ఆహారంపై దృష్టి పెట్టండి. ఇంట్లో పని చేయడం, వ్యాయామం లేకుండా ఒకే చోట కూర్చోవడం వల్ల అనేక అనారోగ్య సమస్యలు వస్తాయి. దీని వల్ల జీర్ణవ్యవస్థ సరిగా పనిచేయక రాత్రి నిద్ర పట్టదు. రాత్రిపూట కేవలం ఒక గ్లాసు పాలు తాగడం వల్ల నా జీర్ణవ్యవస్థకు సంబంధించిన అన్ని సమస్యలకు చెక్ పెట్టొచ్చని చెబుతున్నారు నిపుణులు. అలాగే, దీని కారణంగా నిద్ర పరిస్థితి కూడా మెరుగుపడుతుంది. రాత్రిపూట పాలు తాగడం వల్ల ఎలంటి ప్రయోజనాలున్నాయో ఇప్పుడు తెలుసుకుందాం?
నేషనల్ సెంటర్ ఫర్ బయోటెక్నాలజీ ఇన్ఫర్మేషన్ 2018లో ప్రచురించిన ఆన్‌లైన్ జర్నల్ ప్రకారం.. నిద్రపోయే ముందు పాలు తాగడం వల్ల మంచి నిద్ర వస్తుంది. ఇది శరీరంలో సెరోటోనిన్ మొత్తాన్ని పెంచడానికి సహాయపడుతుంది. ఒత్తిడిని తగ్గించడంలో సహాయపడుతుంది.
నిద్రలేకపోతే మొబైల్, టీవీ చూడొద్దు..
రాత్రి నిద్రపట్టకపోతే చాలా మంది సీరియల్స్ లేదా రీళ్లు చూస్తారు. కొందరైతే అనారోగ్యకరమైన చిరుతిళ్లను ఆశ్రయిస్తారు. ఇది ఆరోగ్యానికి మరింత హానికరం. ఆయుర్వేదం ప్రకారం రాత్రిపూట పాలు తాగడం మంచిది. పాలలో మంచి ప్రొటీన్లు ఉంటాయి. పాలు తాగడం వల్ల కడుపు నిండినట్లుగా ఉంటుంది.
జీర్ణవ్యవస్థకు ప్రయోజనకరం..
నేషనల్ ఇన్స్టిట్యూట్ ఆఫ్ హెల్త్ ప్రచురించిన జర్నల్ ఆఫ్ న్యూట్రిషన్ ప్రకారం.. పాలలో భేదిమందు లక్షణాలు ఉన్నాయి. ఇవి జీర్ణవ్యవస్థను ఆరోగ్యంగా ఉంచడంలో సహాయపడతాయి. దీంతో పాటు, ఉదయం ప్రేగు కదలిక ప్రక్రియ కూడా సులభం అవుతుంది. రాత్రిపూట దీన్ని తీసుకోవడం వల్ల కడుపు సంబంధిత సమస్యలను ఎదుర్కోవడానికి సహాయపడుతుంది.
పునరుత్పత్తి వ్యవస్థ ఆరోగ్యం..
పునరుత్పత్తి ఆరోగ్యానికి కూడా ఉపయోగకరంగా ఉంటుంది. ఆయుర్వేదం ప్రకారం.. రాత్రిపూట పాలు తాగడం వల్ల పునరుత్పత్తి ఆరోగ్యాన్ని పెంచడంలో సహాయపడే వీనస్ మూలకాన్ని బలపరుస్తుంది. ఇది గర్భాశయానికి సరైన పోషణను అందిస్తుంది. సంతానోత్పత్తిని పెంచడంలో సహాయపడుతుంది.
పాల రుచి నచ్చకపోతే ఇలా తీసుకోవచ్చు..
కొందరిక పాలు రుచికంగా ఉండవు. అందుకే పాలు తాగేందుకు ఇష్టపడరు. పాలను రుచిగా మార్చుకునేందుకు అందులో యాలకులు వేసి తీసుకోవచ్చు. పాలు మరుగుతున్నప్పుడు ఒక ఏలకులు వేస్తే దాని రుచి బాగా పెరుగుతుంది. గొంతు నొప్పి ఏమైనా ఉంటే.. అందులో కొంచెం అల్లం వేసి మరిగించాలి. చలికాలంలో రాత్రిపూట ఈ పాలను తాగడం వల్ల చాలా ప్రయోజనకరంగా ఉంటుంది. తేలికపాటి కోకో పౌడర్‌తో కలిపిన వేడి పాలను కూడా త్రాగవచ్చు. ఇది ఆరోగ్యానికి మేలు చేస్తుంది. ఈ కోకో పౌడర్‌లో అదనపు చక్కెర లేదా కృత్రిమ స్వీటెనర్‌లు ఉండవు.
మరిన్ని హెల్త్ వార్తల కోసం ఈ లింక్ క్లిక్ చేయండి..
