Tea: వర్షాకాలంలో వచ్చే వ్యాధులకు టీ తో చెక్.. చాయ్ లో ఇవి కలుపుకుని తాగితే అద్భుత ప్రయోజనాలు
వర్షాకాలం మొదలైంది. ఎడతెరిపి లేకుండా కురుస్తున్న వర్షానికి పరిసరాలన్నీ చిత్తడిగా మారాయి. ఈ పరిస్థితుల్లోనే అంటు వ్యాధులు, జలుబు, దగ్గు, మలేరియా, డెంగ్యూ, వైరల్ ఫివర్ వంటి సమస్యలు...
Updated on: Jul 09, 2022 | 6:48 AM
వర్షాకాలం మొదలైంది. ఎడతెరిపి లేకుండా కురుస్తున్న వర్షానికి పరిసరాలన్నీ చిత్తడిగా మారాయి. ఈ పరిస్థితుల్లోనే అంటు వ్యాధులు, జలుబు, దగ్గు, మలేరియా, డెంగ్యూ, వైరల్ ఫివర్ వంటి సమస్యలు చుట్టుముడతాయి. మరోవైపు వర్షం పడుతున్న సమయంలో టీ తాగేందుకు టీ ప్రియులు ఆసక్తి చూపిస్తారు. అయితే మనం తాగే టీ సాధారణంగా ఉంటే మనకు బోర్ కొట్టేస్తుంది. టీలోనే కొన్ని పదార్థాలు కలిపి తీసుకోవడం వల్ల వర్షాకాలంలో వచ్చే ఇబ్బందులను చెక్ పెట్టవచ్చు. బహుళ ప్రయోజనాలు కలిగిన టీ తాగడం వల్ల ఆరోగ్యానికి ఆరోగ్యం. హాయికి హాయి. ఇంకేం తక్షణ శక్తిని ఇచ్చేవి, ఆరోగ్యాన్ని పెంపొందించే టీ వేరైటీలేమిటో ఇప్పుడు తెలుసుకందాం.
శొంఠి, ధనియాలు కలిపిన టీ లో ఎన్నో ఔషద గుణాలు ఉన్నాయి. శొంఠి శరీరాన్ని వ్యాధుల నుంచి రక్షిస్తుంది. శొంఠి టీ శరీరానికి మెడిసిన్లా పని చేస్తుంది. ఈ టీ తాగితే జలుబు, ఛాతీ వద్ద కఫం వంటి సమస్యలు తగ్గుతాయి. దీనిలోని యాంటీఫంగల్ లక్షణాలు ఇన్ఫెక్షన్స్తో పోరాడతాయి. తులసి, నిమ్మరసంలో అద్భుత ఔషద గుణాలు ఉన్నాయన్న విషయం మనకు తెలిసిందే. వర్షాకాలంలో ఈ టీ తాగితే ఆరోగ్యానికి మంచిది. ఈ టీ వల్ల జలుబు, ముక్కు కారటం, ఫ్లూ వంటి ఇన్ఫెక్షన్లు దూరమవుయి.వర్షాకాలంలో వేధించే గొంతు నొప్పికి పటిక బెల్లంతో చేసిన టీ చాలా చక్కగా పని చేస్తుందని నిపుణులు చెబుతున్నారు. శరీరంలో రోగనిరోధక శక్తి మెరుగుపరిచేందుకు ఈ టీ చక్కగా పనిచేస్తుంది.
నోట్.. ఇందులో పేర్కొన్న విషయాలు కేవలం అవగాహన కోసం మాత్రమే. వీటిని పాటించే ముందు నిపుణుల సూచనలు తీసుకోవడం ఉత్తమం.
