తీవ్రమైన ఎండ కొంప ముంచుతుందంట జాగ్రత్త.. ఇలాంటి లక్షణాలు కనిపిస్తే బీకేర్ఫుల్.. వెంటనే ఇలా చేయండి..
ప్రస్తుతం దేశంలోని పలు ప్రాంతాల్లో విపరీతమైన వేడి ఉంది. ఉష్ణోగ్రతలు 45 డిగ్రీల కంటే ఎక్కువగా నమోదవుతున్నాయి. ఈ ఎండ వేడిమికి రోగాలు వచ్చే ప్రమాదం ఉంది. పెరుగుతున్న ఉష్ణోగ్రత, సూర్యకాంతి కారణంగా హీట్ స్ట్రోక్ సమస్య వస్తుంది.. అయితే.. కొందరికి వేడి కారణంగా బ్రెయిన్ స్ట్రోక్ వచ్చే ప్రమాదం కూడా ఉందని పేర్కొంటున్నారు వైద్య నిపుణులు..
ప్రస్తుతం దేశంలోని పలు ప్రాంతాల్లో విపరీతమైన వేడి ఉంది. ఉష్ణోగ్రతలు 45 డిగ్రీల కంటే ఎక్కువగా నమోదవుతున్నాయి. ఈ ఎండ వేడిమికి రోగాలు వచ్చే ప్రమాదం ఉంది. పెరుగుతున్న ఉష్ణోగ్రత, సూర్యకాంతి కారణంగా హీట్ స్ట్రోక్ సమస్య వస్తుంది.. అయితే.. కొందరికి వేడి కారణంగా బ్రెయిన్ స్ట్రోక్ వచ్చే ప్రమాదం కూడా ఉందని పేర్కొంటున్నారు వైద్య నిపుణులు.. గత కొద్ది రోజులుగా చాలా ఆసుపత్రుల్లో బ్రెయిన్ స్ట్రోక్ పేషెంట్ల సంఖ్య పెరుగుతోంది. విపరీతమైన ఎండవేడిమి కూడా ఇందుకు కారణమని వైద్యులు పేర్కొంటున్నారు. ఇలాంటి పరిస్థితుల్లో ప్రజలు బయటకు వెళ్లేటప్పుడు జాగ్రత్తగా ఉండాలని సూచిస్తున్నారు. ఈ వేసవి కాలంలో బ్రెయిన్ స్ట్రోక్ ఎందుకు వస్తుందో తెలుసుకోవడం చాలా ముఖ్యం. దాని ప్రారంభ లక్షణాలు ఏమిటి.. దానిని ఎలా నివారించవచ్చు? అనే విషయాలను తెలుసుకోండి..
వైద్యుల ప్రకారం.. మెదడుకు రక్త సరఫరా సరిగ్గా జరగనప్పుడు, స్ట్రోక్ వస్తుంది. ఇందులో మెదడులోని కొన్ని భాగాలు దెబ్బతింటాయి. స్ట్రోక్ వల్ల చనిపోయే ప్రమాదం కూడా ఉంటుంది. స్ట్రోక్ ఎవరికైనా సంభవించవచ్చు.. కానీ ఎక్కువసేపు సూర్యరశ్మికి గురికావడం.. కొన్ని వ్యాధులతో బాధపడుతున్న వ్యక్తులు ఎక్కువ ప్రమాదాన్ని కలిగి ఉంటారు.
ఈ వ్యక్తులు స్ట్రోక్కు గురయ్యే ప్రమాదం ఉంది..
అధిక రక్తపోటు రోగులు: హై బీపీ రోగుల్లో బ్రెయిన్ స్ట్రోక్ రిస్క్ ఎక్కువ. మీకు ఈ సమస్య ఉంటే ఈ వేసవి సీజన్లో మీ బీపీని చెక్ చేసుకుంటూ ఉండండి.
అధిక కొలెస్ట్రాల్: అధిక కొలెస్ట్రాల్ మెదడులోని సిరల్లో పేరుకుపోతుంది. దీని వల్ల పక్షవాతం వచ్చే ప్రమాదం ఉంది. అటువంటి పరిస్థితిలో, మీరు మీ చెడు కొలెస్ట్రాల్ను అదుపులో ఉంచుకోవడం చాలా ముఖ్యం.
మధుమేహ రోగులు: బ్లడ్ షుగర్ ఎక్కువగా ఉన్నవారికి ఇతరులకన్నా స్ట్రోక్ వచ్చే ప్రమాదం ఎక్కువగా ఉంటుంది. అటువంటి పరిస్థితిలో, మీరు మీ చక్కెర స్థాయిని అదుపులో ఉంచుకోవడం చాలా ముఖ్యం.
ఊబకాయంతో బాధపడుతున్న వ్యక్తులు: ది లాన్సెట్ అనే మెడికల్ జర్నల్ ప్రకారం, స్థూలకాయులలో మధుమేహం, అధిక కొలెస్ట్రాల్ ఎక్కువగా ఉంటాయి. ఈ రెండు వ్యాధులు స్ట్రోక్ ప్రమాదాన్ని పెంచుతాయి.
ఈ అలవాట్లు స్ట్రోక్ ప్రమాదాన్ని పెంచుతాయి..
- అధిక కొవ్వు ఆహారం
- మద్యం ఎక్కువగా తాగడం
- ధూమపానం
- వ్యాయామం చేయకపోవడం..
స్ట్రోక్ లక్షణాలు ఏమిటి?
శరీర ఉష్ణోగ్రత 103 డిగ్రీలు లేదా అంతకంటే ఎక్కువ స్థాయికి చేరుకున్నప్పుడు బ్రెయిన్ స్ట్రోక్ వచ్చే ప్రమాదం ఉందని జీబీ పంత్ హాస్పిటల్ న్యూరోసర్జరీ విభాగం డైరెక్టర్ ప్రొఫెసర్ డాక్టర్ దల్జీత్ సింగ్ చెబుతున్నారు. వయసు పెరిగే కొద్దీ స్ట్రోక్ కేసులు ఎక్కువగా వస్తాయని డాక్టర్ సింగ్ చెప్పారు. అయినప్పటికీ, ప్రజలు చిన్న వయస్సులోనే దీనికి బాధితులుగా మారవచ్చు. విపరీతమైన వేడిలో, హీట్ స్ట్రోక్తో పాటు, ప్రారంభంలో బ్రెయిన్ స్ట్రోక్ వచ్చే ప్రమాదం కూడా ఉంది. దీనితో పాటు, దృష్టి మసకబారడం, ముఖం, శరీరం తిమ్మిరి, తల తిరగడం వంటి సమస్యలు కూడా సంభవించవచ్చు. ఈ లక్షణాలను ముందస్తుగా గుర్తించడం చాలా ముఖ్యం.
స్ట్రోక్ను ఎలా నివారించాలి..
లక్షణాలు కనిపించిన వెంటనే ఆసుపత్రికి వెళ్లి.. చికిత్స చేయించుకోవాలి..
విపరీతమైన వేడిలో బయటకు వెళ్లడం మానుకోండి
ధూమపానం చేయవద్దు.. మద్యం తాగవద్దు..
రోజువారీ వ్యాయామం
ఫాస్ట్ ఫుడ్ తీసుకోవడం మానుకోండి
బీపీ ఎక్కువగా ఉంటే అదుపులో ఉంచుకోవాలి
మరిన్ని లైఫ్ స్టైల్ వార్తల కోసం ఇక్కడ క్లిక్ చేయండి..