ప్రతి రోజూ యాలకులు తింటే మీ శరీరంలో కలిగే అద్భుత ఆరోగ్య ప్రయోజనాలు మీకు తెలుసా..?
యాలకులు కేవలం రుచికి మాత్రమే కాదు, ఆరోగ్యానికి కూడా ఎంతో మేలు చేస్తాయి. ఇది మన ఆహారంలో ప్రాధాన్యత కలిగిన మసాలా దినుసుగా ఉపయోగించబడుతుంది. ముఖ్యంగా రక్తంలోని చక్కెర స్థాయిలను నియంత్రించడంలో యాలకులు కీలక పాత్ర పోషిస్తాయి. ఇందులో ఉండే ఔషధ గుణాలు మెటబాలిజాన్ని మెరుగుపరిచి, ఇన్సులిన్ ప్రభావాన్ని పెంచుతాయి.
Updated on: Feb 16, 2025 | 1:24 PM
యాలకులలో ఉండే ఔషధ గుణాలు ఆరోగ్యానికి చాలా మేలు చేస్తాయి. ముఖ్యంగా రక్తంలోని చక్కెర స్థాయిలను నియంత్రించడంలో ఇది చాలా సహాయకారి. రోజూ యాలకులను తీసుకోవడం వల్ల బ్లడ్ షుగర్ లెవల్స్ నియంత్రణలో ఉండటమే కాకుండా జీర్ణక్రియ మెరుగుపడటానికి కూడా తోడ్పడుతుంది.
యాలకుల్లో మెగ్నీషియం, పొటాషియం, ఫైబర్, విటమిన్ సి, యాంటీ ఆక్సిడెంట్స్ అధికంగా ఉంటాయి. ఈ పోషకాలు గుండె ఆరోగ్యాన్ని కాపాడటంతో పాటు, రక్త ప్రసరణను మెరుగుపరచడం, టాక్సిన్స్ను శరీరం నుంచి తొలగించడం, శక్తిని పెంచడం వంటి పనులను చేస్తాయి. యాలకులలోని యాంటీ ఆక్సిడెంట్స్ ఇన్సులిన్ ఉత్పత్తిని సమర్థవంతంగా నిర్వహించేలా చేస్తాయి.
మెటబాలిజం
యాలకుల్లో ఉండే ఫైటోకెమికల్స్ శరీర జీవక్రియను మెరుగుపరుస్తాయి. దీనివల్ల శరీరంలో ఇన్సులిన్ ప్రభావం బాగా ఉంటుంది. యాలకులు తినడం వల్ల కార్బోహైడ్రేట్లు త్వరగా శక్తిగా మారుతాయి. ఫలితంగా రక్తంలో షుగర్ స్థాయిలు క్రమబద్ధంగా ఉంటాయి.
ఎలా తీసుకోవాలి..?
- రోజూ ఉదయం ఒకటి లేదా రెండు యాలకులను నమిలి తింటే రక్తంలో షుగర్ స్థాయిలు సమతుల్యం అవుతాయి.
- రాత్రిపూట గ్లాసు నీటిలో రెండు లేదా మూడు యాలకులను నానబెట్టి ఉదయాన్నే ఆ నీటిని తాగితే శరీరానికి డీటాక్సిఫికేషన్ అవుతుంది. ఫలితంగా షుగర్ లెవల్స్ నియంత్రణలో ఉంటాయి.
- ఎండిన యాలకులను పొడిగా తయారు చేసి రోజూ గోరువెచ్చని నీటి లేదా పాలలో కలిపి తాగడం ద్వారా షుగర్ నియంత్రణకు సహాయపడుతుంది.
- యాలకులు, దాల్చిన చెక్కను సమానంగా గ్రైండ్ చేసి అందులో తేనె కలిపి తీసుకుంటే రక్తంలో చక్కెర స్థాయిలు నియంత్రించబడతాయి.
(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)
