డబుల్ షేడ్‌లో సేతుపతి.. వారెవా!

వైవిధ్యమైన పాత్రలు చేయడంలో తమిళ హీరో విజయ్ సేతుపతికి మంచి పేరుంది. ఆయన అటు తమిళంలో హీరోగా వరుస సినిమాలు చేస్తూ.. ఇటు తెలుగులో కూడా నటనకు ప్రాధాన్యం ఉన్న పాత్రలు చేస్తున్నారు. ప్రస్తుతం ఆయన తెలుగులో చిరంజీవి ‘సైరా’ మూవీలో కీలక పాత్ర పోషిస్తున్నారు. అలాగే ధరమ్ తేజ్ తమ్ముడు వైష్ణవ్ తేజ్ సినిమాలో కూడా నటనకు ప్రాధాన్యం ఉన్న పాత్ర చేస్తున్న సంగతి తెలిసిందే.

‘ఉప్పెన’ అనే టైటిల్‌తో తెరకెక్కుతున్న ఈ మూవీలో హీరోయిన్ కృతి శెట్టికి తండ్రిగా విజయ్ సేతుపతి కనిపించనున్నారని సమాచారం. ఆ పాత్ర కథకు కీలకంగా ఉండడంతో సేతుపతి అంగీకరించారని తెలుస్తోంది. అలాగే ఇందులో ఆయనే మెయిన్ విలన్ అని వినికిడి. దర్శకుడు సుకుమార్ శిష్యుడు బుచ్చిబాబు దర్శకత్వం వహిస్తున్న ఈ చిత్రాన్ని సుకుమార్ రైటింగ్స్, మైత్రి మూవీ మేకర్స్ కలిసి సంయుక్తంగా నిర్మిస్తున్నాయి.