Breaking: ‘ఎఫ్ 2’కు జాతీయ స్థాయి అవార్డు
వెంకటేష్, వరుణ్ తేజ్లు హీరోలుగా అనిల్ రావిపూడి తెరకెక్కించిన ఎఫ్ 2 జాతీయ స్థాయి అవార్డును సొంతం చేసుకుంది
Updated on: Oct 21, 2020 | 2:51 PM
F2 Movie wins Award: వెంకటేష్, వరుణ్ తేజ్లు హీరోలుగా అనిల్ రావిపూడి తెరకెక్కించిన ఎఫ్ 2 జాతీయ స్థాయి అవార్డును సొంతం చేసుకుంది. ఇండియన్ పనోరమా కేటగిరీ ఫర్ 2019లో ఫీచర్ ఫిలిం కేటగిరీలో ఎఫ్ 2కు ఈ అవార్డు లభించింది. హిందీతో పాటు ప్రాంతీయ భాషల సినిమాలకు కేంద్ర సమాచార, ప్రసార మంత్రిత్వ శాఖ అవార్డులను ప్రకటించింది. ఈ క్రమంలో అవార్డు సాధించిన ఏకైక తెలుగు సినిమా ‘ఎఫ్ 2’ కావడం విశేషం.
ఫ్యామిలీ ఎంటర్టైనర్గా ఎఫ్ 2 తెరకెక్కింది. ఇందులో తమన్నా, మెహ్రీన్ హీరోయిన్లుగా నటించగా.. రాజేంద్ర ప్రసాద్, ప్రకాష్ రాజ్, సుబ్బరాజు, ప్రగతి, నాజర్, ఈశ్వరీ రావు, అన్నపూర్ణమ్మ, వై. విజయ తదితరులు కీలక పాత్రల్లో నటించారు. దిల్ రాజు నిర్మించిన ఈ మూవీకి దేవీ శ్రీ ప్రసాద్ సంగీతం అందించారు. 2018 సంక్రాంతికి విడుదలైన ఈ మూవీ ఆ సీజన్లో బిగ్గెస్ట్ కలెక్షన్ గ్రాసర్గా నిలిచింది. ఇక ఈ మూవీని ఇప్పుడు హిందీలో రీమేక్ చేస్తుండగా.. తెలుగులో ఎఫ్ 2 సీక్వెల్ని తెరకెక్కించనున్నారు అనిల్.
Read More:
‘విక్రమాధిత్య’గా ప్రభాస్.. రాధేశ్యామ్ సర్ప్రైజ్ అదిరిపోయిందిగా
