Ghani Movie: ఆకట్టుకుంటోన్న గని మేకింగ్‌ వీడియో.. వరుణ్‌ డెడికేషన్‌కు ఫిదా అవుతున్న ఫ్యాన్స్‌..

Ghani Movie: మెగా హీరో వరుణ్‌ తేజ్‌ నటిస్తున్న తాజా చిత్రం ‘గని’. కిరణ్‌ కొర్రపాటి దర్శకత్వం వహించిన సినిమాపై భారీ అంచనాలున్నాయి. వరుణ్‌ తొలిసారి స్పోర్ట్స్‌ నేపథ్యంలో ఉన్న సినిమాలో నటిస్తుండడంతో అంచనాలు మరింత పెరిగాయి. ఇక ఈ సినిమాకు సంబంధించి ఇప్పటికే విడుదలైన ట్రైలర్‌, ఫస్ట్‌లుక్‌లు ఆ అంచనాలను ఆకాశానికి అంటేలా చేశాయి. గద్దల కొండ గణేశ్‌ వచ్చి దాదాపు రెండేళ్లు గడుస్తోన్న నేపథ్యంలో వరుణ్‌ ఫ్యాన్స్‌ కూడా ఈ సినిమా కోసం ఎదురు చూస్తున్నారు. ఇదిలా ఉంటే ఈ సినిమా ఏప్రిల్‌ 8న విడుదల కానున్న నేపథ్యంలో చిత్ర యూనిట్ ప్రమోషన్స్‌లో వేగాన్ని పెంచేసింది. ఇప్పటికే ప్రిరిలీజ్‌ ఈవెంట్‌ను అంగరంగ వైభవంగా నిర్వహించింది చిత్ర యూనిట్‌.

ఈ నేపథ్యంలోనే తాజాగా గని సినిమా మేకింగ్ వీడియోను చిత్ర యూనిట్‌ విడుదల చేసింది. షూటింగ్ సమయంలో అల్లు అర్జున్‌తో పాటు అతని సోదరుడు వెంకటేశ్‌ (బాబీ) చేసిన సందడిని ఇందులో చూపించారు. అలాగే బాక్సర్‌గా మారడానికి వరుణ్‌ పడ్డ కష్టానికి ఈ వీడియో అద్దం పడుతోంది. వరుణ్‌ చేసిన కసరత్తులు ఔరా అనిపించేలా ఉన్నాయి. దీంతో ఈ వీడియో చూసిన వరుణ్‌ ఫ్యాన్స్‌ ఖుషీ అవుతున్నారు. ఈ సినిమాలో వరుణ్‌కు జోడిగా సయీ మంజ్రేకర్‌ నటిస్తోన్న విషయం తెలిసిందే.

ఇక సునీల్‌శెట్టి, ఉపేంద్ర, జగపతిబాబు, నవీన్‌ చంద్ర కీలక పాత్రల్లో నటిస్తున్నారు. అల్లు బాబీ, సిద్ధూ సంయుక్తంగా నిర్మించిన ఈ సినిమాని ప్రముఖ నిర్మాత అల్లు అరవింద్‌ సమర్పిస్తున్నారు. తమన్‌ సంగీతం అందించిన పాటలు ఇప్పటికే శ్రోతలను ఆకట్టుకున్నాయి. మరి వరుణ్‌ ఈ సినిమాతో ఎలాంటి విజయాన్ని అందుకుంటాడో తెలియాలంటే ఏప్రిల్‌ 8 వరకు వేచి చూడాల్సిందే.

Also Read: Kishan Reddy: ప్రధాని మోదీ చొరవతోనే కట్టడాలకు యునెస్కో గుర్తింపు.. కేంద్ర మంత్రి కిషన్ రెడ్డి

RRR Movie: మరో అరుదైన రికార్డును అందుకున్న ఆర్‌ఆర్‌ఆర్‌.. ఆ జాబితాలో వన్‌ అండ్‌ ఓన్లీ ఇండియన్‌ మూవీగా..

Perni Nani: ఏపీలో కొత్త మంత్రులపై క్లారిటీ ఇచ్చిన మంత్రి పేర్ని నాని.. ప్రమాణస్వీకారం ఎప్పుడంటే?