Siddhu Jonnalagadda: ఆయన ఓ సూపర్ హ్యూమన్.. ఆయనతో సినిమా కోసం వెయిటింగ్

స్టార్ బాయ్ సిద్దు జొన్నలగడ్డ జోరు మాములుగా లేదుగా.. డీజే టిల్లు సినిమాతో యువతను ఆకట్టుకున్న ఈ యంగ్ హీరో తాజాగా టిల్లు స్క్వేర్ సినిమాతో మరోసారి హిట్ కొట్టాడు. హీరోగా ఎంట్రీ ఇవ్వక ముందు చిన్న చిన్న పాత్రల్లో నటించిన సిద్దూ జొన్నలగడ్డ ఆతర్వాత హీరోగా మారి గుంటూరు టాకీస్, కృష్ణ అండ్ హిస్ లీల, మా వింత గాద లాంటి సినిమాలతో మంచి గుర్తింపు తెచ్చుకున్నాడు. ఆతర్వాత 2022లో వచ్చిన డీజే టిల్లు సినిమాతో ఒక్కసారిగా క్రేజ్ సొంతం చేసుకున్నాడు. తెలంగాణ యాసలో సిద్దు చెప్పిన డైలాగ్స్ ప్రేక్షకుల చేత విజిల్స్ కొట్టించాయి. ఆ సినిమాను ఒక్కడే నడిపించాడు సిద్దు. ఆ సినిమాకు కొనసాగింపుగా ఇప్పుడు టిల్లు స్క్వేర్ సినిమాతో ప్రేక్షకుల ముందుకు వచ్చాడు.

గత శుక్రవారం (మార్చ్ 29)న విడుదలైన టిల్లు స్క్వేర్ సినిమా సూపర్ హిట్ టాక్ తో దూసుకుపోతుంది. మరోసారి యువతను ఆకట్టుకునే కథతో వచ్చిన ఈ సినిమా యువతను ఆకట్టుకుంటుంది. ఈ సినిమాలో హీరోయిన్ గా అనుపమ పరమేశ్వరన్ నటించింది. మునుపెన్నడూ కనిపించాలని గ్లామరస్ రోల్ లో కనిపించి మెప్పించింది అనుపమ. ఇదిలా ఉంటే సిద్దు గురించిన ఓ వార్త ఇప్పుడు ఫిలిం సర్కిల్ తో పాటు సోషల్ మీడియాలోనూ వైరల్ అవుతోంది.

మెగాస్టార్ చిరంజీవి సినిమాలో సిద్దు జొన్నలగడ్డకు అవకాశం వచ్చిందని గతంలో వార్తలు వచ్చాయి. అయితే ఆ తర్వాత దాని గురించి ఎక్కడా కూడా యూస్ లేదు. తాజాగా ఓ ఇంటర్వ్యూలో సిద్దు మాట్లాడుతూ దీని పై స్పందించారు. మెగాస్టార్ తో సినిమా చేస్తే అది తన కెరీర్ లో మైల్ స్టోన్ గా నిలిచిపోతుందని అన్నాడు సిద్దు. గతంలో చిరంజీవి గారితో కలిసి నటించే అవకాశం వచ్చింది. కానీ అనుకోని కారణాల వల్ల అది కుదరలేదు. మళ్లీ ఆ అవకాశం వస్తుందని ఎదురుచూస్తున్నా.. మేము ఎప్పుడైనా కలిసిన దాని గురించే మాట్లాడుకుంటాం.. ఆయన ఓ సూపర్ హ్యూమన్. ఇండస్ట్రీ అంటే ముందు గుర్తుకొచ్చేది మెగాస్టారే అని అన్నాడు సిద్దు. అలాగే వెంకటేష్ తనకు ఆల్‌టైమ్ ఫేవరెట్‌ హీరో అని.. అలాగే నాకు చిరంజీవి, బాలకృష్ణ , అమితాబ్ బచ్చన్, రజినీకాంత్ ఇలా అందరితో కలిసి నటించాలని ఉంది.

View this post on Instagram

A post shared by Siddhu Jonnalagadda (@siddu_buoy)

మరిన్ని సినిమా వార్తల కోసం ఇక్కడ క్లిక్ చేయండి.