NTR And ANR: బాలీవుడ్ స్టార్స్తో క్రికెట్ ఆడిన తెలుగు దిగ్గజాలు ఎన్టీఆర్- ఏఎన్ఆర్.. ఈ అరుదైన వీడియోను మీరు చూశారా..?
యంగ్ హీరోలు మాత్రమే కాదు సీనియర్ హీరోలు కూడా అప్పుడప్పుడూ గ్రౌండ్ లో దిగి క్రికెట్ ఆడి అలరిస్తూ ఉంటారు.
Updated on: Nov 09, 2022 | 4:11 PM
సినిమా స్టార్ నటనలోనే కాదు ఛాన్స్ దొరికితే క్రికెట్ ఆడి కూడా తమ టాలెంట్ ను నిరూపించుకుంటూ ఉంటారు. ఇప్పటికే ప్రతిఏడాది సీసీఎల్ పేరుతో సినిమా తారలంతా క్రికెట్ ఆడుతూ ఉంటారు. యంగ్ హీరోలు మాత్రమే కాదు సీనియర్ హీరోలు కూడా అప్పుడప్పుడూ గ్రౌండ్ లో దిగి క్రికెట్ ఆడి అలరిస్తూ ఉంటారు. ఈ క్రికెట్ మ్యాచ్ సందర్భంగా వచ్చిన డబ్బులను పలు ఛారిటీల కోసం వినియోగిస్తూ ఉంటారు. ఇప్పుడంటే యంగ్ హీరోలు క్రికెట్ ఆడుతున్నారు కానీ మొన్నటి వరకు మెగాస్టార్ చిరంజీవి, వెంకటేష్, నాగార్జున, బాలకృష్ణ కూడా గ్రౌండ్ లో దిగి బ్యాట్ పట్టుకున్నారు. అయితే ఇదే కాదు అలనాటి మేటి నటులు కూడా ఒక ఛారిటీ కోసం క్రికెట్ ఆడారు. బాలీవుడ్ తారలతో కలిసి ఎన్టీఆర్, ఏఎన్ఆర్ లాంటి దిగ్గజాలు క్రికెట్ ఆడారు. దీనికి సంబంధించిన వీడియో ఇప్పుడు సోషల్ మీడియాలో వైరల్ అవుతోంది.
క్రికెట్ మ్యాచ్ లో బాలీవుడ్ యాక్టర్స్ తో మన టాలీవుడ్ స్టార్స్ తలపడ్డారు. అప్పట్లోనే హీరోలతో పాటుగా హీరోయిన్లు కూడా కలసి ఆడటం విశేషం. టాలీవుడ్ టీమ్ తరపున ఎన్టీఆర్ – ఏఎన్నార్ లతో పాటుగా కృష్ణంరాజు,జయప్రద , రావు గోపాల్ రావు, అల్లు రామలింగయ్య , రాజబాబు, ప్రభాకర్ రెడ్డి తదితరులు పాల్గొన్నారు. అటు బాలీవుడ్ తరపున అమితాబ్ బచ్చన్, దిలీప్ కుమార్ లతో పాటు ఇంకొంతమంది నాటుకు ఉన్నారు.
1978 లో ఓ ఛారిటీ కోసం ఏర్పాటు చేసిన మ్యాచ్ ఇది. ఎల్ బీ స్టేడియంలో ఈ మ్యాచ్ జరిగింది. అయితే ఈ మ్యాచ్ కు సంబంధించిన వీడియోను సీనియర్ హీరో మురళీ మోహన్ నటించిన ఒక సినిమాలో చూపించారు. ఇప్పుడు ఈ వీడియో సోషల్ మీడియాలో చక్కర్లు కొడుతోంది. ఈ వీడియో పై నెటిజన్లు ఇంట్రస్టింగ్ కామెంట్స్ చేస్తున్నారు. ఈ వీడియో పై మీరూ ఓ లుక్కేయండి.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
