Vishal: స్టార్ హీరో సినిమాను రిజక్ట్ చేసిన విశాల్.. కారణం తెలిస్తే షాక్ అవుతారు.
ఇక విశాల్ నటించిన లేటెస్ట్ మూవీ లాఠీ త్వరలోనే ప్రేక్షకుల ముందుకు రానుంది. ఈ సినిమాలో విశాల్ పోలీస్ కానిస్టేబుల్ గా కనిపించనున్నాడు. ఇప్పటికే విడుదలైన పోస్టర్లు, టీజర్ సినిమా పై ఆసక్తిని పెంచాయి
విశాల్ ఇప్పటికే స్టార్ హీరోగా కంటిన్యూ అవుతున్నాడు. హిట్లు ఫ్లాప్ లతో సంబంధం లేకుండా వరుసగా సినిమాలు చేస్తూ రాణిస్తున్నాడు. సినిమా సినిమాకు ఎక్కువ గ్యాప్ తీసుకోకుండా పనిచేస్తూ పోతున్నాడు. ఇక విశాల్ నటించిన లేటెస్ట్ మూవీ లాఠీ త్వరలోనే ప్రేక్షకుల ముందుకు రానుంది. ఈ సినిమాలో విశాల్ పోలీస్ కానిస్టేబుల్ గా కనిపించనున్నాడు. ఇప్పటికే విడుదలైన పోస్టర్లు, టీజర్ సినిమా పై ఆసక్తిని పెంచాయి. ఇక ఈ సినిమా షూటింగ్ లో పలుసార్లు గాయపడ్డాడు కూడా. ఇదిలా ఉంటే విశాల్ ఓ భారీ ఆఫర్ ను రిజక్ట్ చేశాడని కొంతకాలంగా వార్తలు వస్తున్నాయి. విశాల్ ఓ స్టార్ హీరో సినిమాలో విలన్ గా నటించమని సంప్రదిస్తే ఆయన నో చెప్పారట. పెద్ద హీరో, స్టార్ డైరెక్టర్ మూవీ అయినా కూడా విశాల్ ఒప్పుకోలేదని టాక్ కోలీవుడ్ లో వినిపిస్తోంది. ఇంతకు ఆ హీరో ఎవరో తెలుసా..?
విశాల్ వదులుకున్న సినిమా ఎవరిదో కాదు దళపతి విజయ్ మూవీ. లోకేష్ కనకరాజ్ దర్శకత్వంలో విజయ్ త్వరలో ఓ సినిమా చేయనున్నారు. ‘ఖైదీ, మాస్టర్, విక్రమ్ వంటి సూపర్ హిట్ సినిమాలు తెరకెక్కించిన లోకేష్ కానగరాజ్ ఇప్పుడు దళపతి విజయ్ తో మరో సినిమా చేయడానికి రెడీగా ఉన్నారు. ఈ సినిమాలో పాత్ర కోసం విశాల్ ను సంప్రదించారట.
లోకేష్ సినిమాల్లో విలన్ పాత్రలు చాలా పవర్ ఫుల్ గా ఉంటాయి. ఇందుకోసమే స్టార్ హీరోలను తన సినిమాల్లో విలన్స్ గా పెట్టుకుంటూ ఉంటాడు. ఈ క్రమంలోనే విజయ్ సినిమాలో విశాల్ ను విలన్ పాత్ర కోసం సంప్రదించాడట. అయితే దానికి విశాల్ నో చెప్పాడని తెలుస్తోంది. ప్రస్తుతం వరుస సినిమాలు లైనప్ చేయడంతో డేట్స్ అడ్జెస్ట్ కాకపోవడంతోనే నో చెప్పాల్సి వచ్చిందట. అయితే విశాల్ ఇప్పటికే నిర్మాతగా, హీరోగానే కాకుండా దర్శకుడిగానూ తన టాలెంట్ చాటుకున్న విషయం తెలిసిందే. అయితే త్వరలో ఆయన విజయ్ తో ఒక మూవీని డైరెక్ట్ చేయాలనీ అనుకుంటున్నారట. ప్రస్తుతం విశాల్ లైనప్ చేసిన సినిమాలు పూర్తయిన వెంటనే విజయ్ తో విశాల్ సినిమా చేస్తారట.
