Balakrishna: బాలయ్యను ఢీకొట్టనున్న మక్కల్ సెల్వన్.. మాస్ కాంబో అదిరిపోవాల్సిందే అంటున్న అభిమానులు..

నందమూరి నటసింహం బాలకృష్ణ ప్రస్తుతం మాస్ డైరెక్టర్ బోయపాటి శ్రీను దర్శకత్వంలో అఖండ సినిమా చేస్తున్న సంగతి తెలిసిందే. ఈ మూవీ తర్వాత.. గోపిచంద్ మలినేని డైరెక్షన్‏లో ఓ సినిమా చేయనున్నాడు. భారీ బడ్జెట్‏తో ఈ సినిమాను మైత్రీ మూవీ మేకర్స్ బ్యానర్ పై నిర్మిస్తుండగా.. బాలయ్య పుట్టినరోజు సందర్భంగా.. ఈ చిత్రాన్ని అధికారికంగా ప్రకటించారు మేకర్స్. NBK107 సినిమాలు పూర్తిగా ఊర మాస్ రాంజ్‏లో ఉండబోతుందన్నలుగా టాక్ వినిపిస్తోంది.ఇటీవల మస్ మాహరాజా రవితేజ, శ్రుతిహాసన్ జంటగా నటించిన క్రాక్ సినిమాతో హిట్ కొట్టిన గోపిచంద్ ఇప్పుడు బాలయ్య సినిమాను మరో రేంజ్‏లో తెరకెక్కించేందుకు ప్లాన్ చేస్తున్నట్లుగా తెలుస్తోంది.

అయితే ఈ సినిమాలో కీలక పాత్రలో వరలక్ష్మి నటిస్తుందంటూ గత కొన్ని రోజులుగా వార్తలు వస్తున్నాయి. ఈ క్రమంలో ఈ మూవీ నుంచి క్రేజీ అప్‏డేట్ బయటకు వచ్చింది. ఇందులో బాలయ్యకు ప్రతినాయకుడిగా నేషన్ల అవార్డ్ విన్నింగ్ యాక్టర్ మక్కల్ సెల్వన్ విజయ్ సేతుపతి నటించనున్నట్లుగా టాక్ వినిపిస్తోంది. ఇప్పటికే తన నటనతో తెలుగులో భారీ ఫాలోయింగ్ అందుకున్న విజయ్ సేతుపతి మరోసారి.. విలన్ పాత్రలో #NBK107లో బాలయ్యను ఢికొట్టబోతున్నట్లుగా ఫిల్మ్ సర్కిల్లో బజ్ ఉంది. దీంతో బాలయ్య, మక్కల్ సెల్వన్ అభిమానులు వీరిద్దరీ కాంబోపై సంతోషం వ్యక్తం చేస్తున్నారు. అయితే ఈ విషయం పై క్లారిటీ రావాలంటే అధికారిక ప్రకటన వచ్చేవరకు వెయిట్ చేయాల్సిందే. ఈ సినిమాకు థమన్ సంగీతం అందిస్తున్నారు.

ప్రస్తుతం బాలయ్య అఖండ మూవీ షూటింగ్‍లో బిజీగా ఉన్నారు. ఈ సినిమా తర్వాత #NBK107 సెట్స్ పైకి వెళ్లనుంది. అఖండలో ప్రగ్యా జైస్వాల్ హీరోయిన్‏గా నటిస్తుండగా.. శ్రీకాంత్, పూర్ణ కీలక పాత్రలలో నటిస్తున్నారు.

Also Read: Vishwak Sen: పాగల్ ప్రీరిలీజ్ ఈవెంట్‏లో విశ్వక్ సేన్ సంచనల వ్యాఖ్యలు.. లెక్క తప్పైతే పేరు మార్చుకుంటా అంటూ…

Vijay Devarakonda: వర్క్ ఫ్రమ్ హోమ్ చేస్తున్న విజయ్ దేవరకొండ.. యూవర్ బాయ్ ఈజ్ బ్యాక్ అంటున్న హీరో..